newsics.com
ಲಂಡನ್: ಸೇನೆಯ ಇಬ್ಬರು ಯೋಧರು ಅಪಾಚೆ ಹೆಲಿಕಾಪ್ಟರ್ನಲ್ಲೇ ಲೈಂಗಿಕ ಕ್ರಿಯೆ ನಡೆಸುತ್ತಿರುವಾಗ ಸಿಕ್ಕಿಬಿದ್ದಿದ್ದು, ಅವರನ್ನು ಬಂಧಿಸಲಾಗಿದೆ.
ಹಾರುತ್ತಿದ್ದ ಹೆಲಿಕಾಪ್ಟರ್ ತೂಗಾಡುತ್ತಿರುವುದನ್ನು ಏರ್ಬೇಸ್ ಸಿಬ್ಬಂದಿ ಗಮನಿಸಿದ್ದು, ಯೋಧರನ್ನು ಸಂಪರ್ಕಿಸಿದಾಗ ಇಬ್ಬರೂ ಕುಡಿದ ಮತ್ತಿನಲ್ಲಿದ್ದರು ಎಂಬುದು ಬೆಳಕಿಗೆ ಬಂದಿದೆ. ಮದ್ಯದ ಅಮಲಿನಲ್ಲಿದ್ದ ಸೈನಿಕರು ಅರೆ ನಗ್ನ ಸ್ಥಿತಿಯಲ್ಲಿರುವುದು ಕಂಡುಬಂದಿದೆ.
ಕರ್ತವ್ಯದ ವೇಳೆಯಲ್ಲಿ ಈ ರೀತಿ ನಡೆದುಕೊಂಡಿರುವುದನ್ನು ಬ್ರಿಟಿಷ್ ಸೇನೆ ಖಂಡಿಸಿದೆ ಎಂದು ಮೂಲಗಳು ತಿಳಿಸಿವೆ.
ಮಾಧ್ಯಮ ವರದಿಗಳ ಪ್ರಕಾರ, ಒಬ್ಬ ಪುರುಷ ಹಾಗೂ ಮಹಿಳಾ ಯೋಧರು ತಮ್ಮ ಕೆಲಸದ ವೇಳೆ ಮದ್ಯ ಸೇವಿಸಿ ನಶೆಯಲ್ಲಿ ಈ ಕೃತ್ಯ ಎಸಗಿದ್ದಾರೆ ಎಂದು ತಿಳಿದುಬಂದಿದೆ.
ಮಿರರ್ ವರದಿಯ ಪ್ರಕಾರ, ಇಬ್ಬರೂ ಯೋಧರು ಕುಡಿದ ಮತ್ತಿನಲ್ಲಿದ್ದರು. ನಿಯಮಿತ ಹಾರಾಟದ ವೇಳೆ ಹೆಲಿಕಾಪ್ಟರ್ನ ಕಾಕ್ಪಿಟ್ನಲ್ಲಿ ಇಬ್ಬರೂ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದ್ದರು. ಈ ವೇಳೆ ಹೆಲಿಕಾಪ್ಟರ್ ಗಾಳಿಯಲ್ಲಿ ತೂಗಾಡಲು ಶುರುವಾದಾಗ ಏರ್ಬೇಸ್ ಸಿಬ್ಬಂದಿ ಗಮನಕ್ಕೆ ಬಂದಿತು. ಹೆಲಿಕಾಪ್ಟರ್ ಗಾಳಿಯಲ್ಲಿ ತೀವ್ರವಾಗಿ ತೂಗಾಡುತ್ತಿತ್ತು. ಸಮಯ ಮುಗಿದರೂ ಹೆಲಿಕಾಪ್ಟರ್ ಇಳಿಸಿರಲಿಲ್ಲ.
ಬಟ್ಟೆ ಧರಿಸಲು ಸೂಚನೆ:
ವೈಮಾನಿಕ ಸುರಕ್ಷತಾ ವರದಿಯಲ್ಲಿ ಹೆಲಿಕಾಪ್ಟರ್ ಕಾಕ್ಪಿಟ್ನಲ್ಲಿ ಇಬ್ಬರು ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದ್ದರು ಎಂದು ಸ್ಪಷ್ಟವಾಗಿದೆ. ಹೆಲಿಕಾಪ್ಟರ್ ಅಪಘಾತದ ಅಪಾಯ ಕಂಡುಬಂದ ತಕ್ಷಣ ಅವರಿಗೆ ಕಾಕ್ಪಿಟ್ನಿಂದ ಹೊರಬಂದು ಬಟ್ಟೆ ಧರಿಸುವಂತೆ ಆದೇಶಿಸಲಾಯಿತು ಎಂದು ದಿ ಸನ್ ವರದಿ ಮಾಡಿದೆ.
ಹೆಲ್ಫೈರ್ ಕ್ಷಿಪಣಿಗಳು ಮತ್ತು 30 ಎಂಎಂ ಫಿರಂಗಿಗಳನ್ನು ಹೊಂದಿದ್ದ ಎರಡು ಆಸನಗಳ ಗನ್ಶಿಪ್ನ ಹಿಂಭಾಗದಲ್ಲಿ ಈ ಜೋಡಿಯನ್ನು ಕೂರಿಸಲಾಗಿತ್ತು ಎಂದು ಔಟ್ಲೆಟ್ ವರದಿ ಮಾಡಿದೆ.
ಸೇನೆಗೆ ಸಂಬಂಧಿಸಿದ ಪ್ರಕರಣವಾಗಿರುವುದರಿಂದ ಯೋಧರ ಗುರುತು ಬಹಿರಂಗಪಡಿಸಲಾಗಿಲ್ಲ. ಇಬ್ಬರೂ ಪುರುಷರೇ ಅಥವಾ ಪುರುಷ ಮತ್ತು ಮಹಿಳೆಯೇ ಎಂಬ ಬಗ್ಗೆಯೂ ಯಾವುದೇ ಮಾಹಿತಿ ಹಂಚಿಕೊಳ್ಳಲಾಗಿಲ್ಲ. ಯೋಧರು ಯುಎಸ್ನ ನಾರ್ಥ್ ಈಸ್ಟ್ ಬೇಸ್ನ ಮಿಲಿಟರಿಗೆ ಸೇರಿದವರು ಎಂದಷ್ಟೇ ಹೇಳಲಾಗಿದೆ.
ಸರಿಸುಮಾರು 90 ಕೋಟಿ ರೂ. ಮೌಲ್ಯದ ಅಪಾಚೆ ಹೆಲಿಕಾಪ್ಟರ್ ಭಾರೀ ಶಸ್ತ್ರಸಜ್ಜಿತ ಹೆಲಿಕಾಪ್ಟರ್ ಆಗಿದೆ. ಇದು 30mm ಫಿರಂಗಿ ಮತ್ತು ಹೆಲ್ಫೈರ್ ಕ್ಷಿಪಣಿಗಳನ್ನು ಹೊಂದಿದೆ. ಬ್ರಿಟನ್ ಏರ್ಪೋರ್ಸ್ನ ಒಂದು ಅತ್ಯಾಧುನಿಕ ವಾಹನವಾಗಿದೆ.
ಬಿಗ್ ಬಾಸ್ ಮನೆಯಲ್ಲಿ ಪ್ರಜ್ಞೆ ತಪ್ಪಿ ಬಿದ್ದ ಚೈತ್ರಾ ಕುಂದಾಪುರ, ಆಸ್ಪತ್ರೆಗೆ ದಾಖಲು
ಹಾಲಿನಲ್ಲಿ ಒಂದು ಚಿಟಿಕೆ ಅರಿಶಿನ ಹಾಕಿ ಕುಡಿದರೆ ಒಳ್ಳೆಯದು..! ಆದರೆ ಈ ಕಾಯಿಲೆ ಇರೋರಿಗೆ ಇದು ವಿಷ
