newsics.com
ದೈತ್ಯಾಕಾರದ ಎಮ್ಮೆಯ ವಿಡಿಯೋವೊಂದು ಸಾಮಾಜಿಕ ಮಾಧ್ಯಮದಲ್ಲಿ ಭಾರೀ ವೈರಲ್ ಆಗಿದೆ. ಈ ಎಮ್ಮೆಯ ಉದ್ದ ದಾಖಲೆಯ 14 ಅಡಿ ಮತ್ತು ಎತ್ತರ ಏಳು ಅಡಿಗಳಿಗಿಂತ ಹೆಚ್ಚಾಗಿದೆ.
ಎಮ್ಮೆಯ ಹೆಸರು ಗೋಲು-2, ಇದನ್ನು ಇತ್ತೀಚೆಗೆ ಹೈದರಾಬಾದ್ನಲ್ಲಿ ನಡೆದ ವಾರ್ಷಿಕ ಸದರ್ ಸಮ್ಮೇಳನದಲ್ಲಿ ಪ್ರದರ್ಶಿಸಲಾಗಿದೆ. ಇದು ಸುಮಾರು ಮೂರು ಸಾವಿರ ಕೆಜಿ ತೂಕದ ಎಮ್ಮೆ ಎನ್ನಲಾಗಿದೆ.
ಈ ಎಮ್ಮೆಗೆ ಬೆಳಗ್ಗೆ ಮತ್ತು ಸಂಜೆ ಹಾಲು ಕುಡಿಯಲು ಕೊಡುತ್ತಾರೆ. ಎಮ್ಮೆಗೆ ಸೇಬು ಮತ್ತು ದೇಸಿ ತುಪ್ಪವನ್ನು ನೀಡಲಾಗುತ್ತದೆ ಮತ್ತು ಶುದ್ಧ ಧಾನ್ಯಗಳನ್ನು ನೀಡಲಾಗುತ್ತದೆ. ಇದನ್ನು ವಾಕಿಂಗ್ಗೂ ಕರೆದುಕೊಂಡು ಹೋಗಲಾಗುತ್ತದೆ. ಪ್ರತಿದಿನ ಎಣ್ಣೆಯಿಂದ ಮಸಾಜ್ ಮಾಡಲಾಗುತ್ತದೆ ಎಂದು ಎಮ್ಮೆಯ ಮಾಲೀಕರು ಹೇಳುತ್ತಾರೆ. ಇಷ್ಟೇ ಅಲ್ಲ, ಬೇಸಿಗೆಯಲ್ಲಿ ಗೋಳು-2ಗೆ ಎಸಿ ವ್ಯವಸ್ಥೆ ಮಾಡಲಾಗುತ್ತದೆ.
ಗೋಡಂಬಿ, ಬಾದಾಮಿ, ಪಿಸ್ತಾ ಮತ್ತು ಖರ್ಜೂರವನ್ನು ನೀಡಲಾಗುತ್ತದೆ. ಇಷ್ಟು ದೊಡ್ಡ ಎಮ್ಮೆ ಸಾಕಲು ಪ್ರತಿ ದಿನ ಸುಮಾರು ಐದಾರು ಸಾವಿರ ರೂಪಾಯಿ ಖರ್ಚಾಗುತ್ತದೆ ಎಂದು ತಿಳಿದುಬಂದಿದೆ. ಈ ಎಮ್ಮೆಯನ್ನು ಸಾಕಷ್ಟು ಜನರು ಖರೀದಿ ಮಾಡಲು ಮುಂದಾಗಿದ್ದಾರಂತೆ. ಆದರೆ ಮಾಲೀಕರು ಮಾತ್ರ ಇದನ್ನು ಮಾರಲು ಸಿದ್ಧರಿಲ್ಲ. ಪಂಜಾಬ್ ಮತ್ತು ಹರಿಯಾಣದ ಜಾನುವಾರು ಜಾತ್ರೆಗಳಲ್ಲಿ ಜನರು ಅದನ್ನು ಖರೀದಿಸಲು ಮುಂದಾಗಿದ್ದರು. ಆದರೆ, ನಾವು ಅದನ್ನು ಮಾರಾಟ ಮಾಡಲಿಲ್ಲ ಎಂದು ತಿಳಿಸಿದ್ದಾರೆ.
ಹೈದರಾಬಾದ್ ನಲ್ಲಿ ಪ್ರತಿ ವರ್ಷ ದೀಪಾವಳಿಯ ನಂತರ ಯಾದವ ಸಮುದಾಯದಿಂದ ವಾರ್ಷಿಕ ‘ಸದರ್ ಸಮ್ಮೇಳನ’ ಗೂಳಿಗಳ ಕಾರ್ನೀವಲ್ ಆಚರಿಸಲಾಗುತ್ತದೆ. ಈ ಸಂದರ್ಭದಲ್ಲಿ, ಹೈದರಾಬಾದ್ ಚಾಂಪಿಯನ್ ಬುಲ್ಗಳ ಪ್ರದರ್ಶನವನ್ನು ಆಯೋಜಿಸುತ್ತದೆ. ಇಲ್ಲಿ ವಿಶಿಷ್ಟ ಗುಣಲಕ್ಷಣ ಮತ್ತು ಎತ್ತರದ ಎಮ್ಮೆಗಳನ್ನು ಪ್ರದರ್ಶಿಸಲಾಗುತ್ತದೆ.
https://twitter.com/i/status/1852541546924843177
…ಇಷ್ಟೆಲ್ಲ ಇದ್ದರೂ ಗುರುಪ್ರಸಾದ್ ಸಾವಿಗೆ ಶರಣಾಗಿದ್ದೇಕೆ? ಸದಾ ಕಾಡುವ ಉತ್ತರ ಸಿಗದ ಹತ್ತಾರು ಪ್ರಶ್ನೆಗಳು…
