newsics.com
ಇಲಿಗಳನ್ನು ಮನೆಯಿಂದ ಓಡಿಸೋದು ಭಾರೀ ಕಷ್ಟ. ಈ ಇಲಿಗಳು ಮನೆಯಲ್ಲಿ ಇರೋದು ಆರೋಗ್ಯಕ್ಕೆ ಮಾತ್ರವಲ್ಲದೇ, ನಾವು ತೊಡುವ ಬಟ್ಟೆ-ಬರೇಗಳನ್ನೆಲ್ಲಾ ಕಡಿದು ಚೂರು, ಚೂರು ಮಾಡಿ ಬಿಡುತ್ತವೆ. ಆದ್ರೆ, ಸಿಂಪಲ್ ಆಗಿ ಮನೆಯಿಂದ ಇಲಿಗಳು ಕಾಲ್ಕೀಳುವ ಟ್ರಿಕ್ಸ್ ಇಲ್ಲಿದೆ..
ಈ ಟ್ರಿಕ್ಸ್ಗೆ ನಿಮಗೆ ದುಬಾರಿ ರಾಸಾಯನಿಕಗಳು ಅಥವಾ ಮೌಸ್ಟ್ರಾಪ್ಗಳ ಅಗತ್ಯವಿಲ್ಲ. ಬದಲಾಗಿ ಕರ್ಪೂರ ಒಂದಿದ್ರೆ ಸಾಕು. ಇದನ್ನು ಹಚ್ಚಿದರೆ ಅಥವಾ ಹಾಗೆ ಇಟ್ರು ಮನೆ ತುಂಬಾ ಘಮ್ ಎನ್ನುತ್ತದೆ. ಆದ್ರೆ ಇಲಿಗಳಿಗೆ ಈ ಸುವಾಸನೆಯನ್ನು ಸಹಿಸಲು ಆಗೋದೆ ಇಲ್ವಂತೆ. ಹೀಗಾಗಿ ಕರ್ಪೂರಗಳ ಸ್ಮೆಲ್ ಬಂದ್ರೆ ಇಲಿಗಳು ಮೈಲಿ ದೂರ ಓಡುತ್ತವೆ. ನಿಮ್ಮ ಮನೆಯಿಂದ ಇಲಿಗಳನ್ನು ಓಡಿಸಲು ಕರ್ಪೂರವನ್ನು ಬಳಸೋದು ನೈಸರ್ಗಿಕ, ಸುರಕ್ಷಿತ ಮತ್ತು ವೆಚ್ಚ-ಪರಿಣಾಮಕಾರಿ ಪರಿಹಾರವಾಗಿದೆ.
ಹೌದು, ಮನೆ ಒರೆಸುವ ನೀರಿಗೆ ಐದಾರು ಕರ್ಪೂರ ಸೇರಿಸಿ. ಅದರಲ್ಲಿ ನಿಮ್ಮ ಮಾಪ್ ಅನ್ನು ಅದ್ದಿ, ಹಿಂಡಿ ಮನೆ ಒರೆಸಿದರೆ ಮುಗೀತು. ಮನೆಯೂ ಸ್ವಚ್ಛ, ಇಲಿ ಕಾಟಾನೂ ಇರಲ್ಲ. ಆದಷ್ಟು ಮನೆಯಲ್ಲಿ, ಇಲಿಗಳು ಹೆಚ್ಚು ಸಕ್ರಿಯವಾಗಿರುವ ಪ್ರದೇಶಗಳಿಗೆ ವಿಶೇಷ ಗಮನ ಕೊಡಿ, ಉದಾಹರಣೆಗೆ ಅಡುಗೆಮನೆ, ಸ್ಟೋರ್ ರೂಂ ಅಥವಾ ಬಾಗಿಲುಗಳ ಬಳಿ ಕರ್ಪೂರದಿಂದ ಕ್ಲೀನ್ ಮಾಡಿ. ಬೇಕಾದರೆ ಈ ಜಾಗಗಳಲ್ಲಿ ಇಡೀ ಕರ್ಪೂರವನ್ನು ಇಡುವುದು ಸಹ ಉತ್ತಮ ವಿಧಾನ.
ನಿಮ್ಮ ಬಳಿ ಕರ್ಪೂರ ಹೆಚ್ಚಿಲ್ಲದಿದ್ದರೆ, ಇರೋ ಕರ್ಪೂರದ ಜೊತೆ, ನೀವು ಅದರಲ್ಲಿ ಪುದೀನಾ ಎಣ್ಣೆಯನ್ನು ಕೂಡ ಬೆರೆಸಬಹುದು. ನಿಮ್ಮ ಶುಚಿಗೊಳಿಸುವ ದಿನಚರಿಯಲ್ಲಿ ಈ ಪರಿಹಾರವನ್ನು ನಿಯಮಿತವಾಗಿ ಬಳಸುವುದರಿಂದ, ಇಲಿಗಳು ಕ್ರಮೇಣ ನಿಮ್ಮ ಮನೆಯನ್ನು ಬಿಟ್ಟು ಓಡಿ ಹೋಗುತ್ತವೆ.
