newsics.com
ಬೆಂಗಳೂರು: ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ (ಬಿಎಂಟಿಸಿ) ತನ್ನ ಸೇವಾ ವೈಫಲ್ಯದಿಂದ ಕೆಲವೊಮ್ಮೆ ವಿವಾದಕ್ಕೀಡಾಗುತ್ತದೆ.
ಬಿಎಂಟಿಸಿ ಬಸ್ಗಳಲ್ಲಿ ನಿರ್ವಾಹಕರಿಗಾಗಿಯೇ ಒಂದು ಆಸನ ಮೀಸಲಿರುತ್ತದೆಯಾದರೂ ಈ ಕಂಡಕ್ಟರ್ ಮಾತ್ರ ಯುವತಿ ಕುಳಿತಿರುವ ಸೀಟ್ನ ಹಿಡಿಕೆಯ ಮೇಲೆಯೇ ಕುಳಿತು ಯುವತಿಗೆ ಕಿರಿಕಿರಿ ಉಂಟು ಮಾಡಿರುವ ಘಟನೆ ಬೆಳಕಿಗೆ ಬಂದಿದೆ.
ಬಸ್ ಪ್ರಯಾಣಿಕರಿಂದ ತುಂಬಿ ತುಳುಕುತ್ತಿದ್ದರೂ ಕಂಡಕ್ಟರ್ ಆಸನದಲ್ಲಿ ಕುಳಿತುಕೊಳ್ಳಲ್ಲ. ಒಂದು ವೇಳೆ ಕುಳಿತಿದ್ದರೂ ಕಂಡಕ್ಟರ್ ಬಂದ್ರೆ ಸೀಟ್ ಬಿಟ್ಟು ಕೊಡಲೇಬೇಕು. ಅಥವಾ ಕಂಡಕ್ಟರ್ ತಮ್ಮ ಸೀಟನ್ನು ಕೇಳಿಯಾದರೂ ಪಡೆದುಕೊಳ್ಳುತ್ತಾರೆ.
ದಿನವಿಡೀ ಚಲಿಸುತ್ತಿರುವ ಬಸ್ನಲ್ಲಿಯೇ ಕೆಲಸ ಮಾಡಬೇಕಿರುವ ಕಾರಣ ಬಿಎಂಟಿಸಿ ತನ್ನ ಸಿಬ್ಬಂದಿಗಾಗಿ ಆಸನ ಮೀಸಲಿರಿಸಿದೆ. ಆದ್ರೂ ಈ ನಿರ್ವಾಹಕ ಮಹಿಳೆ ಆಸನಕ್ಕೆ ಕಷ್ಟಪಟ್ಟು ಒರಗಿ ಕುಳಿತಿದ್ದಾನೆ. ಈ ವಿಡಿಯೋವನ್ನು @nammabengaluroo ಇನ್ಸ್ಟಾಗ್ರಾಂ ಖಾತೆಯಲ್ಲಿ ಶೇರ್ ಮಾಡಿಕೊಳ್ಳಲಾಗಿದೆ.
ಸಾಮಾನ್ಯವಾಗಿ ಕಂಡಕ್ಟರ್ ಸೀಟ್ ಮುಂದೆ ಇರುತ್ತದೆ. ಆದರೂ ಈತ ಅಲ್ಲಿ ಕುಳಿತಿದ್ದಾನೆ. ಕಂಡಕ್ಟರ್ಗಳ ಈ ರೀತಿಯ ವರ್ತನೆಯಿಂದಾಗಿ ಮಹಿಳೆಯರಿಗೆ ಅಗೌರವ ಉಂಟುಮಾಡುತ್ತದೆ. ದಯವಿಟ್ಟು ಈ ಬಗ್ಗೆ ಕ್ರಮ ತೆಗೆದುಕೊಳ್ಳಿ ಎಂದು ಬಿಎಂಟಿಸಿಗೆ ಮನವಿ ಮಾಡುವ ರೀತಿ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಬರೆದುಕೊಳ್ಳಲಾಗಿದೆ. ಇದೇ ಪೋಸ್ಟ್ನಲ್ಲಿ ಬಸ್ ಸಂಖ್ಯೆ KA41 D2500 ನಮೂದಿಸಿ ಬಿಎಂಟಿಸಿಗೆ ಟ್ಯಾಗ್ ಮಾಡಲಾಗಿದೆ.
ಈ ವಿಡಿಯೋದಲ್ಲಿ ಕಂಡಕ್ಟರ್ ಈ ರೀತಿ ನಡೆದುಕೊಂಡರೂ ಯಾವುದೇ ಪ್ರಯಾಣಿಕರು ಆಕ್ಷೇಪ ವ್ಯಕ್ತಪಡಿಸಿಲ್ಲ. ಬದಲಾಗಿ ಆ ಆಸನದಲ್ಲಿ ಕುಳಿತಿದ್ದ ಯುವತಿಯೂ ಕಷ್ಟಪಟ್ಟು ಸಹಿಸಿಕೊಂಡಿದ್ದಾಳೆಯೇ ಹೊರತು ಪ್ರತಿರೋಧವ್ಯಕ್ತಪಡಿಸಿಲ್ಲ. ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.
https://www.instagram.com/reel/C_4axHTokVI/?utm_source=ig_web_button_share_sheet
ಪಡ್ಡೆ ಹುಡುಗರ ನಿದ್ರೆ ಗೆಡಿಸಿದ ಸೋಫಿಯಾ ಅನ್ಸಾರಿ; ಜಿಪ್ ತೆಗೆದು ಈಕೆ ತೋರಿಸಿದ್ದೇನು?
ಇನ್ನೂ ಬದುಕಿದ್ದಾನೆ ಉಗ್ರ ಒಸಮಾ ಬಿನ್ ಲಾಡೆನ್ ಪುತ್ರ;ತಂದೆಯ ಸಾವಿನ ಪ್ರತೀಕಾರಕ್ಕೆ ಪ್ಲಾನ್
