newsics.com
ನ್ಯೂಸಿಕ್ಸ್.ಕಾಮ್
ಶುಭ ದಿನ
06-09-2024 ಶುಕ್ರವಾರ
—
ಈ ದಿನದ ಸುಭಾಷಿತ
ಸೀಮಂತಿನೀಷು ಕಾ ಶಾಂತಾ
ರಾಜಾ ಕೋಽಭೂತ್ ಗುಣೋತ್ತಮಃ ।
ವಿದ್ವದ್ಧಿಃ ಕಾ ಸದಾ ವಂದ್ಯಾ
ತತ್ರೈವೋಕ್ತಂ ನ ಬುಧ್ಯತೇ ||
ಮುತ್ತೈದೆಯರಲ್ಲಿ ಶಾಂತ ಸ್ವಭಾವದವರು ಯಾರು?
ಗುಣಶ್ರೇಷ್ಠರಾದ ರಾಜನು ಯಾರಾಗಿದ್ದನು?
ವಿದ್ವಾಂಸರು ಯಾವಳನ್ನು ಎಡೆಬಿಡದೆ ವಂದಿಸಬೇಕು? ಇದಕ್ಕೆ ಉತ್ತರ ಇಲ್ಲಿಯೇ ಹೇಳಲಾಗಿದೆ. ಆದರೆ ತಿಳಿಯದು!
***
ಈ ದಿನದ ಮಾತು
ಸಂತೋಷವಾಗಿರಲು ನಮ್ಮ ಆಲೋಚನಾ ಲಹರಿಯಷ್ಟೇ ಮುಖ್ಯ. ನಾವ್ಯಾರು; ನಮ್ಮ ಕೆಲಸವೇನು; ನಮ್ಮ ಸಂಪತ್ತು ಎಷ್ಟು – ಎನ್ನುವುದೆಲ್ಲ ನಗಣ್ಯ.
– ಡೇಲ್ ಕಾರ್ನೆಗಿ
***
ಈ ದಿನದ ಇತಿಹಾಸ
* ಸೆಪ್ಟೆಂಬರ್ 06, 1522 ರಲ್ಲಿ ಫೆರ್ಡಿನೆಂಡ್ ಮೆಗಲನ್ ನೇತೃತ್ವದಲ್ಲಿ ಹೊರಟಿದ್ದ ವಿಕ್ಟೋರಿಯಾ ಹಡಗು ೨೬೫ ದಿನಗಳ ನಂತರ ಪ್ರಪಂಚವನ್ನು ಸುತ್ತಿ ಬಂದ ಮೊದಲ ಹಡಗಾಯಿತು.
* ಸೆಪ್ಟೆಂಬರ್ 06, 1880 ರಂದು ಲಂಡನ್ನಿನ ಓವಲ್ ನಲ್ಲಿ ಇಂಗ್ಲೆಂಡ್ ಆಸ್ಟ್ರೇಲಿಯಾ ಜೊತೆಗೆ ಕ್ರಿಕೆಟ್ ಆಟವಾಡಿತು. ಇದು ಇಂಗ್ಲೆಂಡಿನಲ್ಲಿ ನಡೆದ ಮೊತ್ತ ಮೊದಲ ಕ್ರಿಕೆಟ್ ಟೆಸ್ಟ್ ಪಂದ್ಯ.
* ಸೆಪ್ಟೆಂಬರ್ 06, 1948 ರಂದು ನೆದರ್ಲೆಂಡ್ಸ್ ರಾಣಿಯಾಗಿ ಜೂಲಿಯಾನಾ ಆಯ್ಕೆ.
* ಅಲ್ಲಾವುದ್ದೀನ್ ಖಾನ್ – ಸೆಪ್ಟೆಂಬರ್ 06, 1972 ರಂದು ತಮ್ಮ 110ನೇ ವಯಸ್ಸಿನಲ್ಲಿ ನಿಧನರಾದರು. ಇವರು ಭಾರತ ದೇಶ ಕಂಡ ‘ಸುಪ್ರಸಿದ್ಧ ಸರೋದ್ ವಾದಕ’ರು, ಅನೇಕ ಇತರ ವಾದ್ಯಗಳ ವಾದಕರು ಮತ್ತು ಅತ್ತ್ಯುತ್ತಮ ಸಂಗೀತ ಶಿಕ್ಷಕರು. ಇವರು ಸರೋದ್, ಸಿತಾರ್, ವಯೊಲಿನ್ ಮತ್ತು ಸೂರ ಬಹಾರ್ ವಾದ್ಯಗಳನ್ನು ನುಡಿಸಬಲ್ಲವರಾಗಿದ್ದರು.
