newsics. com| ನ್ಯೂಸಿಕ್ಸ್
ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರ ಅಂಗರಕ್ಷಕ ಮೇಜರ್ ರಿಷಬ್ ಸಿಂಗ್ ಸಂಬ್ಯಾಲ್ ತಮ್ಮ ಅಂದದಿಂದಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಯುವತಿಯರು ಇವರನ್ನು ನೋಡಲು ಮುಗಿಬೀಳುತ್ತಿದ್ದಾರೆ. ಈ ಅಂಗರಕ್ಷಕನಿಗೇ ಅಂಗರಕ್ಷಕ ಬೇಕು ಎಂಬ ಮಾತುಗಳು ಕೇಳಿಬರುತ್ತಿವೆ.
ರಾಜಕಾರಣ, ಸಿನಿಮಾ ಸೇರಿದಂತೆ ವಿವಿಧ ಕ್ಷೇತ್ರಗಳ ಸೆಲೆಬ್ರಿಟಿಗಳ ಅಂಗರಕ್ಷಕರಿಗೆ ಸಾಧಾರಣವಾಗಿ ಯಾವಾಗಲೂ ಡಿಮಾಂಡ್ ಇದ್ದೇ ಇರುತ್ತದೆ. ಸೆಲೆಬ್ರಿಟಿಗಳ ಜೊತೆ ಅವರು ಸದಾ ಕಾಣಿಸಿಕೊಳ್ಳುವ ಕಾರಣದಿಂದ ಅವರ ಮೇಲೂ ಜನರ ದೃಷ್ಟಿ ನೆಟ್ಟಿರುತ್ತದೆ. ಇದೀಗ ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರ ಅಂಗರಕ್ಷಕನಿಗೂ ಅದೇ ರೀತಿ ಆಗಿದೆ. ಹಲವು ಕಡೆಗಳಲ್ಲಿ ರಾಷ್ಟ್ರಪತಿಗಳ ಆಗಮಿಸುವಾಗ ಅವರಿಂತಲೂ ಹೆಚ್ಚಾಗಿ ಯುವತಿಯರು ಅಂಗರಕ್ಷಕನನ್ನೇ ನೋಡಲು ಹಾತೊರೆಯುವುದಾಗಿ ವರದಿಯಾಗಿದೆ.
ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರ ಅಂಗರಕ್ಷಕ ರಾಷ್ಟ್ರಪತಿ ಯವರಂತೆಯೇ ಜನಪ್ರಿಯರಾಗಿದ್ದಾರೆ. ಅವರ ಅಟ್ರ್ಯಾಕ್ಟಿವ್ನೆಸ್ನಿಂದಾಗಿ ಜನರು ಅದರಲ್ಲಿಯೂ ಹೆಚ್ಚಾಗಿ ಯುವತಿಯರು ರಿಷಬ್ ಸಿಂಗ್ ಅವರು ಬಂದಾಗಲೆಲ್ಲಾ ಮುತ್ತಿಗೆ ಹಾಕುವುದು ಇದೆ. ಇದೇ ಕಾರಣಕ್ಕೆ, ಎಲ್ಲೇ ಹೋದರೂ ಅವರನ್ನು ಯುವತಿಯರಿಂದ ತಡೆಯುವುದು ಕಷ್ಟವಾಗಿದ್ದು, ಬಾಡಿಗಾರ್ಡ್ಗೇ ಬೇಕಿದೆ ಬಾಡಿಗಾರ್ಡ್ ಎನ್ನುವ ವಿಷಯ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.
