ಪ್ರಾಣಿಗಳಿಗೆ ಭಾಷೆ ಬಾರದೇ ಇರಬಹುದು, ಆದರೆ ಅವುಗಳ ಪ್ರೀತಿ ಮತ್ತು ಕೃತಜ್ಞತೆಯ ಭಾವನೆ ಮನುಷ್ಯರಿಗಿಂತಲೂ ಮಿಗಿಲಾದದ್ದು ಎಂಬುದನ್ನು ಈ ಘಟನೆ ಮತ್ತೊಮ್ಮೆ ಸಾಬೀತುಪಡಿಸಿದೆ. ಆತ ಒಬ್ಬ ಸಾಮಾನ್ಯ ರೈತ. ತೀವ್ರ ಆರ್ಥಿಕ ಸಂಕಷ್ಟ ಹಾಗೂ ಕುಟುಂಬದ ಹಣಕಾಸಿನ ತೊಂದರೆಗಳಿಂದಾಗಿ ತಾನು ಪ್ರಾಣಕ್ಕಿಂತ ಹೆಚ್ಚಾಗಿ ಸಾಕಿದ್ದ ಹಸುವನ್ನು ಅನಿವಾರ್ಯವಾಗಿ ಬೇರೆಯವರಿಗೆ ಮಾರಾಟ ಮಾಡಬೇಕಾದ ಪರಿಸ್ಥಿತಿ ಎದುರಾಗುತ್ತದೆ. ಮನಸ್ಸಿಲ್ಲದಿದ್ದರೂ, ಕಣ್ಣೀರು ಹಾಕುತ್ತಲೇ ಆತ ತನ್ನ ಹಸುವನ್ನು ವ್ಯಾಪಾರಿಗೆ ಒಪ್ಪಿಸುತ್ತಾನೆ.
ಹೊಸ ಯಜಮಾನ ಆ ಹಸುವನ್ನು ಕರೆದುಕೊಂಡು ಹೋಗುತ್ತಿದ್ದಾಗ, ತಾನು ತನ್ನನ್ನು ಸಾಕಿ ಕಿದ ಮನೆಯಿಂದ, ತನ್ನ ಯಜಮಾನನಿಂದ ದೂರವಾಗುತ್ತಿದ್ದೇನೆ ಎಂಬ ವಿಷಯ ಆ ಮೂಕ ಜೀವಿಗೆ ಅರಿವಾಗುತ್ತದೆ.
ತಕ್ಷಣವೇ ವಾಪಸ್ ಬರುವ ಹಸು ಮತ್ತೆ ಕೊನೆಯ ಬಾರಿಗೆ ಒಮ್ಮೆ ಎಂಬಂತೆ ಮಾಲಿಕನ ಮೈ ದಡವಿ ಮುದ್ದಾಡುತ್ತದೆ. ಕೊನೆಗೆ ಆ ಹಸುವಿನ ಪ್ರೀತಿಗೆ ಮೂಕನಾಗುವ ಮಾಲಿಕ ತಾನೂ ಹಸುವನ್ನು ತಬ್ಬಿಕೊಳ್ಳುತ್ತಾನೆ. ಈ ವಿಡಿಯೋ ನಿಮ್ಮ ಕಣ್ಣಂಚು ಒದ್ದೆಯಾಗಿಸಬಹುದು.
