newsics.com | ನ್ಯೂಸಿಕ್ಸ್
ರಸ್ತೆಯಲ್ಲಿ ಸಂಚರಿಸುವ ವಾಹನಗಳಲ್ಲಿ ಹಾವು ಕಾಣಿಸಿಕೊಂಡರೆ ಕೂಡಲೇ ವಾಹನವನ್ನು ನಿಲ್ಲಿಸಿ ಪ್ರಯಾಣಿಕರನ್ನು ಕೆಳಗಿಳಿಸಿ ಹಾವನ್ನು ಸುಲಭವಾಗಿ ಹೊರಹಾಕಬಹುದು. ಆದರೆ ನೂರಾರು ಅಡಿ ಎತ್ತರದ ಆಕಾಶದಲ್ಲಿ ವಿಮಾನ ವೇಗವಾಗಿ ಹಾರುತ್ತಿರುವಾಗಲೇ ಅದರೊಳಗೆ ಹಾವೊಂದು ಕಾಣಿಸಿಕೊಂಡರೆ ಪ್ರಯಾಣಿಕರ ಮತ್ತು ಸಿಬ್ಬಂದಿಯ ಸ್ಥಿತಿ ಹೇಗಾಗಬೇಡ? ಸದ್ಯ ಅಂತಹದ್ದೇ ಒಂದು ಬೆಚ್ಚಿಬೀಳಿಸುವ ವಿಡಿಯೋವೊಂದು ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದ್ದು, ಜನರನ್ನು ದಂಗಾಗಿಸಿದೆ.
ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ಆ ವಿಡಿಯೋದಲ್ಲಿ ಹಾವೊಂದು ವಿಮಾನದ ಒಳಭಾಗದಲ್ಲಿ ಇತ್ತಕಡೆ ಓಡಾಡುತ್ತಿರುವುದು ಸ್ಪಷ್ಟವಾಗಿ ಸೆರೆಯಾಗಿದೆ. ಇದನ್ನು ಕಣ್ಣಾರೆ ಕಂಡ ವಿಮಾನದೊಳಗಿನ ಪ್ರಯಾಣಿಕರು ತೀವ್ರ ಆತಂಕಗೊಂಡು ಭಯದಿಂದ ದಿಗ್ಭ್ರಮೆಗೊಳಗಾಗಿರುವುದು ಕಂಡುಬಂದಿದೆ. ಆದರೆ, ಈ ಘಟನೆ ಯಾವ ದೇಶದಲ್ಲಿ, ಯಾವ ವಿಮಾನಯಾನ ಸಂಸ್ಥೆಗೆ ಸಂಬಂಧಿಸಿದ್ದು ಹಾಗೂ ಯಾವಾಗ ನಡೆಯಿತು ಎಂಬುದರ ಕುರಿತು ಇದುವರೆಗೆ ಯಾವುದೇ ಅಧಿಕೃತ ಮಾಹಿತಿ ಲಭ್ಯವಾಗಿಲ್ಲ. ಅಷ್ಟೇ ಅಲ್ಲದೆ, ಹಾವೊಂದು ಕಟ್ಟುನಿಟ್ಟಿನ ಭದ್ರತೆ ಇರುವ ವಿಮಾನದೊಳಗೆ ಹೇಗೆ ಪ್ರವೇಶ ಪಡೆಯಿತು ಎಂಬುದು ಇನ್ನೂ ನಿಗೂಢವಾಗಿಯೇ ಉಳಿದಿದೆ.
🚨 उड़ान के दौरान विमान में सांप दिखने से हड़कंप, वीडियो वायरल
➡️ सोशल मीडिया पर उड़ान के दौरान विमान के अंदर सांप दिखाई देने का वीडियो तेजी से वायरल हो रहा है।
➡️ सांप को देखकर यात्रियों और क्रू मेंबरों के बीच अफरा-तफरी का माहौल बन गया।
➡️ वायरल वीडियो को लेकर लोग विमान की… pic.twitter.com/4EtchSOTzq
— NCR पत्रिका (@ncrpatrika) July 25, 2026
ಈ ವೈರಲ್ ದೃಶ್ಯಗಳು ಹೊರಬರುತ್ತಿದ್ದಂತೆ ವಿಮಾನಯಾನ ಸಂಸ್ಥೆಗಳ ಪ್ರಯಾಣಿಕರ ಸುರಕ್ಷತೆ ಹಾಗೂ ಭದ್ರತಾ ತಪಾಸಣೆಯ ಲೋಪಗಳ ಬಗ್ಗೆ ನೆಟಿಗರು ತೀವ್ರ ಟೀಕೆಗಳನ್ನು ವ್ಯಕ್ತಪಡಿಸಿದ್ದಾರೆ. ವಿಮಾನ ಟೇಕ್-ಆಫ್ ಆಗುವ ಮುನ್ನ ಅಧಿಕಾರಿಗಳು ಸಂಪೂರ್ಣ ತಪಾಸಣೆ ನಡೆಸಬೇಕು ಎಂದು ಹಲವರು ಒತ್ತಾಯಿಸಿದ್ದಾರೆ. ಮತ್ತೊಂದೆಡೆ, ಈ ವಿಡಿಯೋದ ಅಸಲಿಯತ್ತು ಏನೆಂಬುದು ಖಚಿತಪಡಿಸಿಕೊಳ್ಳುವವರೆಗೂ ಯಾವುದೇ ತೀರ್ಮಾನಕ್ಕೆ ಬರಬಾರದು ಎಂದು ಕೆಲವರು ಅಭಿಪ್ರಾಯಪಟ್ಟಿದ್ದಾರೆ.
Cardiac Arrest ವಿದ್ಯಾರ್ಥಿಗಳಿಗೆ ಹೃದಯಾಘಾತ ಆತಂಕ; ಪೋಷಕರು ಭಯಪಡಬೇಡಿ ಎಂದ ಪ್ರಮುಖ ಹೃದ್ರೋಗ ತಜ್ಞರು
