newsics.com|ನ್ಯೂಸಿಕ್ಸ್
ನವದೆಹಲಿ: ದಕ್ಷಿಣ ಭಾರತದ ಐದು ರಾಜ್ಯಗಳಲ್ಲಿ ವಿಚ್ಛೇದನ ಅಥವಾ ದಂಪತಿಗಳ ಬೇರ್ಪಡಿಕೆಯಿಂದಾಗಿ ಜತೆಗಾರನಿಲ್ಲದೆ ಒಂಟಿಯಾಗಿ ಬದುಕುತ್ತಿರುವ ಮಹಿಳೆಯರ ಪ್ರಮಾಣ ಗಣನೀಯವಾಗಿ ಹೆಚ್ಚಾಗಿದೆ.
ತಮಿಳುನಾಡು, ಕೇರಳ ಮತ್ತು ಕರ್ನಾಟಕ ರಾಜ್ಯಗಳು ಮೊದಲ ಮೂರು ಸ್ಥಾನಗಳಲ್ಲಿವೆ ಎಂದು ಇತ್ತೀಚಿನ ಸಮೀಕ್ಷೆ ಬಹಿರಂಗಪಡಿಸಿದೆ.
ಎಸ್ಆರ್ಎಸ್ ವರದಿ 2024ರ ಪ್ರಕಾರ, ದೇಶದಲ್ಲೇ ಹೆಚ್ಚಿನ ಪ್ರಮಾಣ ಒಂಟಿ ಮಹಿಳೆಯರನ್ನು ಹೊಂದಿರುವ ರಾಜ್ಯವಾಗಿ ತಮಿಳುನಾಡು (ಶೇ. 11.6) ಹೊರಹೊಮ್ಮಿದೆ. ಆ ಬಳಿಕ ಕೇರಳ (ಶೇ. 10.4) ಎರಡನೇ ಸ್ಥಾನದಲ್ಲಿದ್ದರೆ, ಕರ್ನಾಟಕ (ಶೇ. 8.6) ಮೂರನೇ ಸ್ಥಾನದಲ್ಲಿದೆ.
ದಕ್ಷಿಣದ ಇತರ ಎರಡು ರಾಜ್ಯಗಳಾದ ಆಂಧ್ರಪ್ರದೇಶದಲ್ಲಿ ಶೇ. 8.6 ಮತ್ತು ತೆಲಂಗಾಣದಲ್ಲಿ ಶೇ. 7.6ರಷ್ಟು ಒಂಟಿ ಮಹಿಳೆಯರಿದ್ದಾರೆ.
2023ರ ಸಮೀಕ್ಷೆಗೆ ಹೋಲಿಸಿದರೆ ತಮಿಳುನಾಡು (ಶೇ. 11) ಮತ್ತು ಕೇರಳದಲ್ಲಿ (ಶೇ. 10.3) ಇಂತಹ ಮಹಿಳೆಯರ ಸಂಖ್ಯೆ ಕೊಂಚ ಏರಿಕೆಯಾಗಿದೆ. ಆದರೆ ದಕ್ಷಿಣದ ಉಳಿದ ರಾಜ್ಯಗಳಲ್ಲಿ ಈ ಪ್ರಮಾಣ ಇಳಿಕೆಯಾಗಿದೆ.
ರಾಷ್ಟ್ರೀಯ ಮಟ್ಟದಲ್ಲಿ ಒಂಟಿ ಮಹಿಳೆಯರ ಸರಾಸರಿ ಪ್ರಮಾಣ ಶೇ. 5.4 ರಷ್ಟಿದ್ದು, ಇದು 2023ರಲ್ಲಿದ್ದ ಶೇ. 5.6 ಕ್ಕಿಂತ ಕಡಿಮೆಯಾಗಿದೆ. ಇದೇ ಅವಧಿಯಲ್ಲಿ ಪುರುಷರ ಒಂಟಿತನದ ಪ್ರಮಾಣ ಕೇವಲ ಶೇ .1.6 ರಷ್ಟಿದೆ. ಬಿಹಾರದಲ್ಲಿ ಅತ್ಯಂತ ಕಡಿಮೆ ಅಂದರೆ ಕೇವಲ ಶೇ. 2ರಷ್ಟು ಮಹಿಳೆಯರು ಮಾತ್ರ ಒಂಟಿಯಾಗಿ ಬದುಕುತ್ತಿದ್ದಾರೆ. ಇನ್ನುಳಿದಂತೆ ಮಹಾರಾಷ್ಟ್ರದಲ್ಲಿ ಶೇ. 6, ಮಧ್ಯಪ್ರದೇಶದಲ್ಲಿ ಶೇ. 5.5, ಉತ್ತರಾಖಂಡ ಮತ್ತು ಪಶ್ಚಿಮ ಬಂಗಾಳದಲ್ಲಿ ತಲಾ ಶೇ. 5.6 ಹಾಗೂ ಉತ್ತರ ಪ್ರದೇಶದಲ್ಲಿ ಶೇ. 3.1ರಷ್ಟು ಒಂಟಿ ಮಹಿಳೆಯರಿದ್ದಾರೆ.
Ayodhya scam ರಾಮನಿಗೆ ಭಕ್ತರು ಅರ್ಪಿಸಿದ ಚಿನ್ನಾಭರಣಗಳನ್ನೂ ದೋಚಿದ ಖದೀಮರು! ಮಾಸ್ಟರ್ಮೈಂಡ್ ಯಾರು?
Clouds Disappear ಭಾರತದಲ್ಲಿ ಮಳೆ ಮೋಡಗಳೇ ಮಾಯ! ಉಪಗ್ರಹ ಚಿತ್ರಗಳಲ್ಲಿ ಮುಂಗಾರು ಆತಂಕ ತೀವ್ರ
