newsics.com/ನ್ಯೂಸಿಕ್ಸ್
ಜೋಹಾನ್ಸ್ಬರ್ಗ್: ಅನಾರೋಗ್ಯದ ಕಾರಣ ಪದೇ ಪದೇ ರಜೆ ಕೇಳಿದರೂ ಮ್ಯಾನೇಜರ್ ನಿರಾಕರಿಸಿದ ಪರಿಣಾಮ, ಕಾಲ್ ಸೆಂಟರ್ ಉದ್ಯೋಗಿಯಾಗಿದ್ದ ಜಿಸಿನಾ ಧ್ಲಾಧ್ಲಾ ಎಂಬ ಯುವತಿ ಕಚೇರಿಯ ಶೌಚಾಲಯದಲ್ಲೇ ಕುಸಿದು ಬಿದ್ದು ಸಾವನ್ನಪ್ಪಿರುವ ಘಟನೆ ದಕ್ಷಿಣ ಆಫ್ರಿಕಾದ ರೋಸ್ಬ್ಯಾಂಕ್ನಲ್ಲಿ ನಡೆದಿದೆ.
ರೋಸ್ಬ್ಯಾಂಕ್ನಲ್ಲಿರುವ ಕಂಪನಿಯೊಂದರಲ್ಲಿ ಜಿಸಿನಾ ಕಾಲ್ ಸೆಂಟರ್ ಏಜೆಂಟ್ ಆಗಿ ಕೆಲಸ ಮಾಡುತ್ತಿದ್ದರು. ಕಳೆದ ಕೆಲವು ದಿನಗಳಿಂದ ಅವರು ತೀವ್ರ ಅನಾರೋಗ್ಯ ಮತ್ತು ಆಯಾಸದಿಂದ ಬಳಲುತ್ತಿದ್ದರು. ಈ ಹಿನ್ನೆಲೆಯಲ್ಲಿ ಅವರು ಎರಡು ಬಾರಿ ವೈದ್ಯರ ಪ್ರಮಾಣಪತ್ರದೊಂದಿಗೆ ರಜೆಗೆ ಅರ್ಜಿ ಸಲ್ಲಿಸಿದ್ದರು. ಆದರೆ ಕಂಪನಿಯ ಮ್ಯಾನೇಜರ್ಗಳು ಇವರ ಮನವಿಯನ್ನು ಕಸದ ಬುಟ್ಟಿಗೆ ಎಸೆದು, ಕೆಲಸಕ್ಕೆ ಬರುವಂತೆ ಒತ್ತಡ ಹೇರಿದ್ದರು ಎನ್ನಲಾಗಿದೆ.
ಜಿಸಿನಾ ಅವರ ಸಹೋದ್ಯೋಗಿಯೊಬ್ಬರು ಮಾಧ್ಯಮಗಳ ಮುಂದೆ ಕಂಪನಿಯ ಕ್ರೌರ್ಯವನ್ನು ಬಿಚ್ಚಿಟ್ಟಿದ್ದು, ಕಳೆದ ಶುಕ್ರವಾರ ಜಿಸಿನಾ ಮಂಡಿಯೂರಿ ಅಳುತ್ತಾ ತನಗೆ ಹುಷಾರಿಲ್ಲ, ಆದರೂ ಶನಿವಾರ ಕೆಲಸಕ್ಕೆ ಬರುವಂತೆ ಒತ್ತಾಯಿಸುತ್ತಿದ್ದಾರೆ ಎಂದು ಅಳಲು ತೋಡಿಕೊಂಡಿದ್ದಳು. ಬುಧವಾರ ಸಂಜೆ ಟೀಮ್ ಲೀಡರ್ ಅವಳನ್ನು ಕ್ಯಾಬಿನ್ಗೆ ಕರೆದು ಮಾತನಾಡುತ್ತಿದ್ದಾಗ ಅವಳು ಕಣ್ಣೀರು ಹಾಕುತ್ತಿರುವುದು ನಮಗೆ ಕಂಡಿತ್ತು. ಸಾವು ಸಾಮಾನ್ಯ ಇರಬಹುದು, ಆದರೆ ಜಿಸಿನಾ ಸಾವು ಆಫೀಸ್ ಶೌಚಾಲಯದಲ್ಲಿ ಈ ರೀತಿ ಒಂಟಿಯಾಗಿ ಆಗಬಾರದಿತ್ತು. ಕಂಪನಿಯ ನಡೆ ಅವಳ ಸಾವಿಗೆ ನೇರ ಕಾರಣ” ಎಂದು ಆಕ್ರೋಶ ಹೊರಹಾಕಿದ್ದಾರೆ.
ಇನ್ನು ಘಟನೆ ನಡೆದ ದಿನ ಜಿಸಿನಾ ಕಚೇರಿಯಲ್ಲೇ ತೀವ್ರ ಅಸ್ವಸ್ಥಗೊಂಡು ಶೌಚಾಲಯದಲ್ಲಿ ಕುಸಿದು ಬಿದ್ದಿದ್ದಾರೆ. ಆಫೀಸಿಗೆ ಹತ್ತಿರದಲ್ಲೇ ಖಾಸಗಿ ಆಸ್ಪತ್ರೆ ಇದ್ದರೂ, ಮ್ಯಾನೇಜರ್ಗಳು ಅವಳನ್ನು ತಕ್ಷಣ ಆಸ್ಪತ್ರೆಗೆ ದಾಖಲಿಸುವ ಬದಲು, ಆಸ್ಪತ್ರೆಗೆ ತಗಲುವ ವೆಚ್ಚವನ್ನು ಯಾರು ಭರಿಸುತ್ತಾರೆ ಎಂಬ ಚರ್ಚೆಯಲ್ಲಿ ಮುಳುಗಿದ್ದರು ಎಂದು ಜಿಸಿನಾ ಅವರ ಅತ್ತೆ ನೋಮುಸಾ ಆರೋಪಿಸಿದ್ದಾರೆ. ಮ್ಯಾನೇಜರ್ಗಳು ಆಸ್ಪತ್ರೆಗೆ ಹೋಗಿ ಹಣದ ವಿಚಾರ ವಿಚಾರಿಸುತ್ತಾ ಕುಳಿತಿದ್ದರಿಂದ ಜಿಸಿನಾ ಅವರಿಗೆ ಸಕಾಲದಲ್ಲಿ ಚಿಕಿತ್ಸೆ ಸಿಗದೆ ಪ್ರಾಣ ಹೋಗಿದೆ.
ಜಿಸಿನಾ ಅಸ್ವಸ್ಥರಾದ ತಕ್ಷಣ ಕಚೇರಿಯಲ್ಲಿದ್ದ ಪ್ರಥಮ ಚಿಕಿತ್ಸಕರು ತುರ್ತು ವೈದ್ಯಕೀಯ ಉಪಕರಣಗಳೊಂದಿಗೆ ಧಾವಿಸಿದ್ದರು ಮತ್ತು ತಕ್ಷಣವೇ ಆಂಬ್ಯುಲೆನ್ಸ್ಗೆ ಕರೆ ಮಾಡಲಾಗಿತ್ತು ಎಂದು ಸಮರ್ಥಿಸಿಕೊಂಡಿದ್ದಾರೆ.
Strait Of Hormuz ವಾಣಿಜ್ಯ ಹಡಗಿನ ಮೇಲೆ ಅಮೆರಿಕ ದಾಳಿ : 3 ಭಾರತೀಯ ನಾವಿಕರು ಸಾವು
