newsics.com/ನ್ಯೂಸಿಕ್ಸ್
ಈಗ ಆಸಿನ್ ಶರ್ಮಾ ಎಂದು ಕರೆಯಲ್ಪಡುವ ಆಸಿನ್ ತೊಟ್ಟುಂಕಲ್ ಅವರು ಬಹುಭಾಷಾ ನಟಿ. ನಟನೆಯ ಜೊತೆಗೆ, ಅವರು ಡ್ಯಾನ್ಸರ್ ಕೂಡಾ ಹೌದು. ಮೂರು ಫಿಲ್ಮ್ಫೇರ್ ಪ್ರಶಸ್ತಿಗಳನ್ನು ಪಡೆದಿದ್ದಾರೆ.ಇಂದು 10 ಸಾವಿರ ಕೋಟಿ ರೂಪಾಯಿ ಆಸ್ತಿಗೆ ಒಡತಿಯಾಗಿದ್ದಾರೆ. ಚಿಕ್ಕ ವಯಸ್ಸಿನಲ್ಲೇ ಚಿತ್ರರಂಗಕ್ಕೆ ಈ ನಟಿ ಕಾಲಿಟ್ಟರು.
ಆಸಿನ್ 2001 ರಲ್ಲಿ ತನ್ನ 15 ನೇ ವಯಸ್ಸಿನಲ್ಲಿ ಸತ್ಯನ್ ಅಂತಿಕ್ಕಾಡ್ ಅವರ ಮಲಯಾಳಂ ಚಲನಚಿತ್ರ ನರೇಂದ್ರನ್ ಮಕನ್ ಜಯಕಾಂತನ್ ವಕಾ ಮೂಲಕ ತಮ್ಮ ನಟನಾ ವೃತ್ತಿಯನ್ನು ಪ್ರಾರಂಭಿಸಿದರು. ಆದರೆ ಇದರ ನಂತರ ಅವರ ತೆಲುಗು ಚಿತ್ರ ಬಂದಿತು. ಅದು ಗಲ್ಲಾಪೆಟ್ಟಿಗೆಯಲ್ಲಿ ಅದ್ಭುತ ಪ್ರದರ್ಶನ ನೀಡಿತು.
ಗಜಿನಿ’, ‘ಶಿವಕಾಸಿ’, ‘ಪೋಕಿರಿ’, ‘ವೇಲ್’ ನಂತಹ ಚಿತ್ರಗಳು ಅವರ ಮಾರುಕಟ್ಟೆಯನ್ನು ಉತ್ತುಂಗಕ್ಕೇರಿಸಿದವು. ಅದರಲ್ಲೂ ‘ದಶಾವತಾರಂ’ ಚಿತ್ರದಲ್ಲಿನ ಅವರ ನಟನೆಗೆ ವ್ಯಾಪಕ ಪ್ರಶಂಸೆ ವ್ಯಕ್ತವಾಯಿತು. ಅಸಿನ್ ಅವರ ವೃತ್ತಿಜೀವನದಲ್ಲಿ ಅವರ ತಂದೆಯ ಪಾತ್ರ ಬಹಳ ಮುಖ್ಯವಾಗಿತ್ತು.
ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಮೂಲಕ ಅಸಿನ್ಗೆ ಉದ್ಯಮಿ ರಾಹುಲ್ ಶರ್ಮಾ ಅವರ ಪರಿಚಯವಾಯಿತು. ಸರಳವಾಗಿ ಬೆರೆಯುತ್ತಿದ್ದ ರಾಹುಲ್ ಶರ್ಮಾ ದೊಡ್ಡ ಕಂಪನಿಯ ಮಾಲೀಕರೆಂಬುದು ಅಸಿನ್ಗೆ ನಂತರವಷ್ಟೇ ತಿಳಿಯಿತಂತೆ. ಅವರು ಮೈಕ್ರೋಮ್ಯಾಕ್ಸ್ ಕಂಪನಿಯ ಸಹ-ಸಂಸ್ಥಾಪಕ ಮತ್ತು ದೊಡ್ಡ ಉದ್ಯಮಿ ಎಂದು ತಿಳಿದಾಗ ಅಸಿನ್ಗೆ ಆಶ್ಚರ್ಯವಾಯಿತು ಎಂದು ಹೇಳಲಾಗುತ್ತದೆ. ಸ್ನೇಹದಿಂದ ಆರಂಭವಾದ ಈ ಸಂಬಂಧ ಪ್ರೀತಿಗೆ ತಿರುಗಿತು. ನಂತರ 2016ರಲ್ಲಿ ಎರಡೂ ಕುಟುಂಬಗಳ ಒಪ್ಪಿಗೆಯೊಂದಿಗೆ ಅಸಿನ್ ಮತ್ತು ರಾಹುಲ್ ಶರ್ಮಾ ವಿವಾಹವಾದರು.
ಈ ದಂಪತಿಗೆ ಓರ್ವ ಮಗಳಿದ್ದಾಳೆ. ಅಸಿನ್ ಆಗಾಗ ಸಾಮಾಜಿಕ ಜಾಲತಾಣಗಳಲ್ಲಿ ತಮ್ಮ ಕುಟುಂಬದ ಫೋಟೋಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಕೆಲವು ವರ್ಷಗಳ ಹಿಂದೆ, ಅಸಿನ್ ಮತ್ತು ರಾಹುಲ್ ಶರ್ಮಾ ನಡುವೆ ಭಿನ್ನಾಭಿಪ್ರಾಯ ಉಂಟಾಗಿ ವಿಚ್ಛೇದನ ಪಡೆಯಲಿದ್ದಾರೆ ಎಂಬ ವದಂತಿಗಳು ಹಬ್ಬಿದ್ದವು.
K. Rajan ಸೇತುವೆಯಿಂದ ಹಾರಿ ತಮಿಳು ಚಲನಚಿತ್ರ ನಿರ್ಮಾಪಕ ಕೆ. ರಾಜನ್ ಆತ್ಮ*ಹತ್ಯೆ
