newsics.com/ನ್ಯೂಸಿಕ್ಸ್
2 ವರ್ಷಗಳ ಹಿಂದೆ ಬೇರೊಬ್ಬ ವ್ಯಕ್ತಿಯೊಂದಿಗೆ ಓಡಿ ಹೋದ ನಂತರ ಇಬ್ಬರು ಎರಡು ವರ್ಷಗಳ ಕಾಲ ಬೇರ್ಪಟ್ಟಿದ್ದರು. ಆದರೆ ಓಡಿ ಹೋದ ಹೆಂಡತಿ ವೋಟ್ ಮಾಡೋಕೆ ಬಂದೇ ಬರುತ್ತಾಳೆ ಎಂದು ಗಂಡ ಕಾದು ಕುಳಿತಿರುವ ಘಟನೆ ಮತಿಗರಾ-ನಕ್ಸಲ್ಬರಿಯಲ್ಲಿ, ಫನ್ಸಿದೇವದ ತಾರಾಬರಿಯಲ್ಲಿರುವ ತಾರಾಬರಿ ಪ್ರಾಥಮಿಕ ಶಾಲೆಯಲ್ಲಿ ಏಪ್ರಿಲ್ 23 ರಂದು ನಡೆದಿದೆ.
https://youtube.com/shorts/yrC3ODyMmjo?si=ybubL3Ee_pXg1sLS
ದಿ ಟೈಮ್ಸ್ ಆಫ್ ಇಂಡಿಯಾದ ಪ್ರಕಾರ, ಪ್ರತ್ಯಕ್ಷದರ್ಶಿಗಳು ಆ ವ್ಯಕ್ತಿ ತುಂಬಾ ಶಾಂತವಾಗಿ ಕಾಣಿಸುತ್ತಿದ್ದರು ಎಂದಿದ್ದಾರೆ. ಸಮಯ ಕಳೆಯುತ್ತಲೇ ಇತ್ತು. ಮಧ್ಯಾಹ್ನ ಸುಮಾರು 2 ಗಂಟೆಗೆ, ಆತನ ಓಡಿ ಹೋದ ಪತ್ನಿ ತನ್ನ ಐಡಿ ಹಿಡಿದು ಮತಗಟ್ಟೆಗೆ ತಲುಪಿದ್ದಾಳೆ.
ಆ ವ್ಯಕ್ತಿ ತಕ್ಷಣ ತನ್ನ ಓಡಿ ಹೋದ ಪತ್ನಿಯ ಕಡೆಗೆ ಹೋಗುತ್ತಾನೆ. ಅವನು ಅವಳ ವೋಟರ್ ಐಡಿ ಕಿತ್ತುಕೊಳ್ಳೋಕೆ ಪ್ರಯತ್ನಿಸ್ತಾನೆ. ಅವಳ ಕೂದಲನ್ನು ಎಳೆದು ಹಿಂದಿನಿಂದ ಹಿಡಿದುಕೊಳ್ತಾನೆ. ಅಲ್ಲಿ ಪರಿಸ್ಥಿತಿ ಕೈಮೀರುತ್ತದೆ. ಆ ಮಹಿಳೆ ತನ್ನ ಮೊದಲ ಗಂಡನಿಂದ ತಪ್ಪಿಸಿಕೊಳ್ಳೋಕೆ ಪರದಾಡ್ತಾಳೆ. ನಂತರ ಕೇಂದ್ರ ಸಶಸ್ತ್ರ ಪೊಲೀಸ್ ಪಡೆಗಳ ಸಿಬ್ಬಂದಿ ಧಾವಿಸಿ ಇಬ್ಬರನ್ನು ದೂರ ಮಾಡುತ್ತಾರೆ.
ನಂತರ ಮಹಿಳೆಯನ್ನು ಆಕೆಯ ಮೊದಲ ಗಂಡನಿಂದ ರಕ್ಷಿಸುತ್ತಾರೆ. ಆದರೆ ತನ್ನನ್ನು ಬಿಟ್ಟು ಪ್ರಿಯಕರನ ಜೊತೆ ಓಡಿ ಹೋದ ಹೆಂಡತಿಯನ್ನು ನೋಡಿದ ಗಂಡ ಜೋರಾಗಿ ಕೂಗಾಡ್ತಾ ಬೈಯುತ್ತಲೇ ಇರುತ್ತಾನೆ.
ಕೊನೆಗೆ ಆಕೆ ಆತನ ಮೊದಲ ಹೆಂಡತಿ ಎನ್ನುವುದು ಅಲ್ಲಿದ್ದ ಜನರಿಗೂ ಗೊತ್ತಾಗಿದೆ. ಎರಡು ವರ್ಷಗಳ ಹಿಂದೆ ಆಕೆ ಆತನನ್ನು ತೊರೆದು ಬೇರೆ ಯುವಕನ ಜೊತೆ ವಾಸವಾಗಿದ್ದಳು. ಆಕೆ ವೋಟ್ ಮಾಡೋಕೆ ಬರುತ್ತಾಳೆ ಎಂದು ಭಾವಿಸಿದ್ದ ಆ ವ್ಯಕ್ತಿ ಈ ಕ್ಷಣಕ್ಕಾಗಿ ಕಾಯುತ್ತಿದ್ದ.
EPIC ಕಾರ್ಡ್ನಿಂದ ಆಕೆಯ ಪತಿ ಎಂದು ತನ್ನ ಹೆಸರನ್ನು ತೆಗೆದುಹಾಕುವವರೆಗೆ ಅಧಿಕಾರಿಗಳು ಆಕೆಗೆ ಮತ ಹಾಕಲು ಅವಕಾಶ ನೀಡಬಾರದು ಎಂದು ಆತ ಒತ್ತಾಯಿಸಿದ್ದಾನೆ. ಭದ್ರತಾ ಸಿಬ್ಬಂದಿ ಅವರ ವಿನಂತಿಯನ್ನು ನಿರಾಕರಿಸಿದರು. ಆದರೆ ಅಧಿಕಾರಿಗಳ ಮಧ್ಯಸ್ಥಿಕೆಯಿಂದ ಮಹಿಳೆ ಸುರಕ್ಷಿತವಾಗಿ ಮತ ಚಲಾಯಿಸಿದ್ದಾರೆ.
ಅಷ್ಟೇ ಅಲ್ಲದೆ ವ್ಯಕ್ತಿಯನ್ನು ಆ ಪ್ರದೇಶದಿಂದ ದೂರ ಕರೆದೊಯ್ದರು. ಆ ವ್ಯಕ್ತಿ ಕೋಪಗೊಂಡ ಸ್ಥಳದಿಂದ ಹೋದರೂ, ಭದ್ರತಾ ಸಿಬ್ಬಂದಿ ಮತ್ತು ಅಧಿಕಾರಿಗಳನ್ನು ಬೈಯುತ್ತಲೇ ಇದ್ದರು. ಇಂಥಹ ಘಟನೆ ಈ ಹಿಂದೆ ಎಂದೂ ನೋಡಿರಲಿಲ್ಲ ಎಂದು ಮತಗಟ್ಟೆ ಅಧಿಕಾರಿಗಳು ತಿಳಿಸಿದ್ದಾರೆ.
https://www.newsics.com/2026/04/25/air-pressure-drop-thunderstorms-in-the-state/
