newsics.com
ನಟ ಆರ್ ಮಾಧವನ್ ತಮಿಳು ಚಲನಚಿತ್ರಗಳಲ್ಲಿ ಮತ್ತು ಹಿಂದಿ ಚಲನಚಿತ್ರಗಳಲ್ಲಿ ಸಮಾನವಾಗಿ ಮೆಚ್ಚುಗೆ ಪಡೆದ ಬಹುಭಾಷೆ ನಟ. ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ಡಯಾಟೀಷಿಯನ್ ಲ್ಯೂಕ್ ಕೌಟಿನ್ಹೋ ಅವರೊಂದು ಸುಲಭದ ಟಿಪ್ಸ್ ಕೊಟ್ಟಿದ್ದಾರೆ.
ಕರುಳಿನ ಆರೋಗ್ಯ ಸಮಸ್ಯೆಗಳಿಗೆ ಪರಿಹಾರವಾಗಿ, ನಟ ಮಾಧವನ್ ಅವರ ಡಯಟೀಷಿಯನ್ ಲ್ಯೂಕ್ ಕೌಟಿನ್ಹೋ ಅವರು ತಂಗಳನ್ನ ಸೇವನೆಯನ್ನು ಶಿಫಾರಸು ಮಾಡಿದ್ದಾರೆ.
ಲ್ಯೂಕ್ ಕೌಟಿನ್ಹೋ ಇತ್ತೀಚೆಗೆ X ನಲ್ಲಿ ಪೋಸ್ಟ್ ಅನ್ನು ಹಂಚಿಕೊಂಡಿದ್ದಾರೆ, ಅಕ್ಕಿ ಕಾಂಜಿ ಎಂದು ಇದನ್ನು ಅವರು ಕರೆದಿದ್ದಾರೆ. ಕಾಂಜಿ ಎಂದು ಕರೆಯಲ್ಪಡುವ ಪಿಷ್ಟ ಪಾನೀಯದ ಪ್ರಯೋಜನಗಳ ಪಟ್ಟಿ ಮಾಡಿದ್ದಾರೆ ಅವರು. ಇದನ್ನು ಸಾಂಪ್ರದಾಯಿಕವಾಗಿ ಪಝಾಯ ಕಾಂಜಿ ಎಂದು ಕರೆಯಲಾಗುತ್ತದೆ ಎಂದಿದ್ದಾರೆ. ಇವೆಲ್ಲಾ ಯಾರಿಗೆ ಅರ್ಥ ಆಗತ್ತೆ ಹೇಳಿ. ದಕ್ಷಿಣ ಭಾರತದಲ್ಲಿ ಫೇಮಸ್ ಆಗಿರೋ, ಬಡವರ ಮನೆಯ ಆಹಾರ ಎಂದೇ ಹೇಳಲಾಗ್ತಿರೋ, ಎಷ್ಟೋ ಮಂದಿ ಬಾಲ್ಯದಲ್ಲಿ ಇದನ್ನೇ ತಿಂದು ಬೆಳೆದಿರೋ ತಂಗಳನ್ನ ಇದಾಗಿದೆ ಅಷ್ಟೇ.
ಇದಕ್ಕೆ ಅವರು ಟಿಪ್ಸ್ ಕೊಟ್ಟಿದ್ದಾರೆ. ಅದೇನೆಂದರೆ, ರಾತ್ರಿಯೇ ಅನ್ನ ಮಾಡಿ ಅದನ್ನು ನೀರಿನಲ್ಲಿ ನೆನೆಸಿ ಇಡಬೇಕು. ಇದಕ್ಕೆ ಮಣ್ಣಿನ ಪಾತ್ರೆ ಬೆಸ್ಟ್. ಬೆಳಗಾಗುವುದರ ಒಳಗೆ ಅದು ಉತ್ತಮ ಹುದುಗುವಿಕೆಗಾಗಿ ತಯಾರಾಗುತ್ತದೆ. ಈ ಅನ್ನವು ನೈಸರ್ಗಿಕವಾಗಿ ಪ್ರಯೋಜನಕಾರಿ ಬ್ಯಾಕ್ಟೀರಿಯಾಗಳಿಂದ ಸಮೃದ್ಧವಾಗುತ್ತದೆ. ಬೆಳಿಗ್ಗೆ ಇದಕ್ಕೆ ಮಜ್ಜಿಗೆ ಅಥವಾ ಮೊಸರು ಹಾಕಿ ಕಲಸಬೇಕು. ಹಾಗೆಯೇ ತಿನ್ನಲು ರುಚಿ ಎನ್ನಿಸದೇ ಹೋದರೆ, ಕರಿಬೇವು ಮತ್ತು ಸಾಸಿವೆ ಒಗ್ಗರಣೆ ಕೊಟ್ಟು ತಿನ್ನಬಹುದು ಎಂದಿದ್ದಾರೆ ಅವರು.
ಈ ಊಟವನ್ನು ಭಾರತೀಯ ಮನೆಗಳಲ್ಲಿ ಬಹಳ ಹಿಂದಿನಿಂದಲೂ ಸೇವಿಸಲಾಗುತ್ತಿದೆ ಎಂದು ಲ್ಯೂಕ್ ಕೌಟಿನ್ಹೋ ಹೇಳಿದ್ದಾರೆ. ವಿಶೇಷವಾಗಿ ಜೀರ್ಣಕಾರಿ ಅಸ್ವಸ್ಥತೆ, ಕಾಲೋಚಿತ ಸೋಂಕುಗಳು ಅಥವಾ ಆಯಾಸದ ಅವಧಿಯಲ್ಲಿ, ದೇಹಕ್ಕೆ ಸೌಮ್ಯವಾದ ಪೋಷಣೆಯ ಅಗತ್ಯವಿರುವಾಗ ಇದು ತುಂಬಾ ಉತ್ತಮ ಆಹಾರ ಎಂದಿದ್ದಾರೆ.
https://www.newsics.com/2026/03/29/iran-israel-war-gulf-meeting-pakistans-new-game/
