https://youtube.com/shorts/DiU6l59Harw?si=ZuaOlVBTxzvWqxLP
newsics.com
ತಮಿಳುನಾಡು ಮುಖ್ಯಮಂತ್ರಿ ಎಂ.ಕೆ. ಸ್ಟಾಲಿನ್ ಅವರ ಯೋಜನೆಯೊಂದನ್ನು ಟೀಕಿಸುವ ಭರದಲ್ಲಿ ಎಐಎಡಿಎಂಕೆ ಸಂಸದ ಸಿ.ವಿ. ಷಣ್ಮುಗಂ ಅವರು ದಕ್ಷಿಣ ಭಾರತದ ಖ್ಯಾತ ನಟಿ ನಯನತಾರಾ ಅವರ ಹೆಸರನ್ನು ಎಳೆದು ತಂದು ಅಸಭ್ಯವಾಗಿ ಮಾತನಾಡಿದ್ದಾರೆ.
ತಮಿಳುನಾಡು ಸರ್ಕಾರವು ಇತ್ತೀಚೆಗೆ ಜಾರಿಗೆ ತಂದಿರುವ ‘ತಮಿಳ್ ಪುದಲ್ವನ್’ ಯೋಜನೆಯನ್ನು ಟೀಕಿಸಲು ಸಂಸದ ಷಣ್ಮುಗಂ ಸಾರ್ವಜನಿಕ ವೇದಿಕೆಯನ್ನು ಬಳಸಿಕೊಂಡಿದ್ದರು. ಈ ಯೋಜನೆಯಡಿ ಸರ್ಕಾರವು ವಿದ್ಯಾರ್ಥಿಗಳಿಗೆ ಉನ್ನತ ಶಿಕ್ಷಣಕ್ಕಾಗಿ ಮಾಸಿಕ 1,000 ರೂಪಾಯಿಗಳ ಹಣಕಾಸಿನ ನೆರವು ನೀಡುತ್ತಿದೆ. ಈ ಮೊತ್ತದ ಬಗ್ಗೆ ವ್ಯಂಗ್ಯವಾಡಿದ ಷಣ್ಮುಗಂ, ಸರ್ಕಾರ ನೀಡುವ ಈ 1,000 ರೂಪಾಯಿಯಿಂದ ವಿದ್ಯಾರ್ಥಿಗಳು ಏನು ಮಾಡಬಹುದು? ಎಂದು ಪ್ರಶ್ನಿಸಿದರು.
ಇದೇ ವೇಳೆ ಹದ್ದುಮೀರಿದ ಅವರು, ಒಬ್ಬ ವಿದ್ಯಾರ್ಥಿಗೆ 1,000 ರೂಪಾಯಿ ಸಿಕ್ಕರೆ ಅವನು ಹೋಗಿ ನನಗೆ ನಯನತಾರಾ ಬೇಕು ಎಂದು ಕೇಳುತ್ತಾನೆ ಎಂಬರ್ಥದಲ್ಲಿ ಅಸಂಬದ್ಧ ಹೇಳಿಕೆ ನೀಡಿದ್ದಾರೆ. ನಟಿಯ ಹೆಸರನ್ನು ಅನಗತ್ಯವಾಗಿ ಮತ್ತು ಅವಹೇಳನಕಾರಿ ರೀತಿಯಲ್ಲಿ ಪ್ರಸ್ತಾಪಿಸಿರುವುದು ಈಗ ವಿವಾದಕ್ಕೆ ಕಿಡಿ ಹಚ್ಚಿದೆ.
