Subscribe ನ್ಯೂಸಿಕ್ಸ್ ಕನ್ನಡ
newsics.com
ಡಿಸಿಎಂ ಡಿಕೆ ಶಿವಕುಮಾರ್ ನಿವಾಸಕ್ಕೆ ಬ್ರಾಂಡ್ ನ್ಯೂ ಐಶಾರಾಮಿ ಕಾರು ಬಂದಿದೆ. ಈ ಐಶಾರಾಮಿ ಕಾರಿನ ಬೆಲೆ ಬರೋಬ್ಬರಿ 2.15 ಕೋಟಿಗೂ ಅಧಿಕ ಎಂಬುವುದು ಮಾಹಿತಿಯಾಗಿದೆ.
Lexus LM 350h 7 ಸೀಟರ್ ಕಾರನ್ನು ಡಿಸಿಎಂ ಡಿಕೆ ಶಿವಕುಮಾರ್ ಅವರು ಹೊಸತಾಗಿ ಖರೀದಿಸಿದ್ದಾರೆ. ಸುಮಾರು 2.15 ಕೋಟಿಗೂ ಹೆಚ್ಚು ಬೆಲೆಯ ಬಿಳಿ ಬಣ್ಣದ ಕಾರು ಇದಾಗಿದೆ. ಸದಾಶಿವನಗರದ ಡಿಸಿಎಂ ಡಿಕೆಶಿ ನಿವಾಸಕ್ಕೆ ಬುಧವಾರ ಹೊಸ ಕಾರು ಬಂದಿದೆ. ಕಂಪನಿ ಕಡೆಯಿಂದಲೇ ಇದನ್ನು ಡೆಲಿವರಿ ಮಾಡಲಾಗಿದೆ.
KA 03 NZ 6666 ನಂಬರ್ ಪ್ಲೇಟ್ ಇರುವ ಕಾರನ್ನು ಮನೆಗೆ ಡಿಕೆ ಶಿವಕುಮಾರ್ ಅವರ ಪತ್ನಿ ಬರಮಾಡಿಕೊಂಡರು. ಡಿಕೆ ಶಿವಕುಮಾರ್ ಅವರು ಸರ್ಕಾರಿ ಫಾರ್ಚುನರ್ ಕಾರನ್ನು ಬಳಕೆ ಮಾಡುತ್ತಾರೆ. ಅವರ ಕುಟುಂಬದ ಸದಸ್ಯರು ಖಾಸಗಿ ಕಾರಿನಲ್ಲಿ ಪ್ರಯಾಣ ಮಾಡುತ್ತಿದ್ದರು. ಇದೀಗ ಬ್ರ್ಯಾಂಡ್ ನ್ಯೂ ಕಾರು ಅವರ ಕುಟುಂಬಕ್ಕೆ ಸೇರ್ಪಡೆಯಾಗಿದೆ.
ಏನೇನು ವಿಶೇಷತೆ?
ಈ ಐಶಾರಾಮಿ ಕಾರಿನಲ್ಲಿ ಸಾಕಷ್ಟು ಸೌಲಭ್ಯಗಳು ಇವೆ. ಇದರ ಆಂತರಿಕ ಮತ್ತು ಬಾಹ್ಯ ವಿನ್ಯಾಸವೂ ಗಮನ ಸೆಳೆಯುವಂತಿದೆ. ಆರಾಮದಾಯಕ ಆಸನ ವ್ಯವಸ್ಥೆ, ವಿಐಪಿ ಲೌಂಜ್ ರೀತಿಯ ಅನುಭವ ನೀಡುತ್ತದೆ. ಸೀಟುಗಳಲ್ಲಿ ಹೀಟಿಂಗ್, ವೆಂಟಿಲೇಷನ್ ಹಾಗೂ ಇತರ ಸೌಲಭ್ಯಗಳು ಇವೆ. ಜೊತೆಗೆ ಹೈಬ್ರೀಡ್ ಇಂಜಿನ್, ಸುಗಮ ಚಾಲನೆಗೆ ಅನುಕೂಲವಾಗುವ ತಂತ್ರಜ್ಞಾನವೂ ಇದೆ. ಮಲ್ಟಿ ಆಪರೇಷನ್ ಪ್ಯಾನೆಲ್, ಹೈ ಕ್ಲಾಸ್ ಸೌಂಡ್ ಸಿಸ್ಟಮ್ ಹಾಗೂ ಹಲವು ಸೌಲಭ್ಯಗಳನ್ನು ಹೊಂದಿದೆ. ಈ ಕಾರಿನ ಬೆಲೆ 2.15 ಕೋಟಿಯಿಂದ ಆರಂಭಗೊಂಡು 2.65 ಕೋಟಿವರೆಗೆ ದೆ. ಆನ್ ರೋಡ್ ಬೆಲೆ ನಗರಗಳಿಗೆ ಅನುಗುಣವಾಗಿ ಬದಲಾವಣೆ ಆಗಲಿದೆ.
ಇಂಜಿನ್ ಸಾಮರ್ಥ್ಯ 2487 ಸಿಸಿ ಹೊಂದಿದರೆ 4 ರಿಂದ 7 ಮಂದಿ ಆರಾಮದಾಯಕವಾಗಿ ಪ್ರಯಾಣ ಮಾಡಬಹುದು. ಇದು ಅಟೋಮ್ಯಾಟಿಕ್ ಗೇರ್ ವ್ಯವಸ್ಥೆ ಹೊಂದಿದೆ. 14 ಏರ್ ಬ್ಯಾಗ್ ಗಳ ಸುರಕ್ಷತೆಯನ್ನು ಹೊಂದಿದೆ. ಅಲ್ಲದೆ, 60 ಲೀಟರ್ ಸಾಮರ್ಥ್ಯದ ಇಂಧನ ಟ್ಯಾಂಗ್ ಹೊಂದಿದೆ. ಆಟೋಮ್ಯಾಟಿಕ್ ಕ್ಲೈಮೇಟ್ ಚೇಂಜ್, ಏರ್ ಕ್ಯಾಲಿಟಿ ಕಂಟ್ರೋಲರ್, ವೆಂಟಿಲೇಟೆಡ್ ಸೀಟ್ ಸೌಲಭ್ಯ ಹೊಂದಿದೆ.
ಈ ಹಿಂದೆ ಸಿಎಂ ಸಿದ್ದರಾಮಯ್ಯ ಅವರು ಮಂಡಿ ನೋವಿನ ಕಾರಣದಿಂದಾಗಿ ಆರಾಮದಾಯಕ ಪ್ರಯಾಣಕ್ಕೆ ಹೊಸ ಐಶಾರಾಮಿ ಕಾರು ಖರೀದಿಸಲು ಮುಂದಾಗಿದ್ದರು. 1 ಕೋಟಿಗೂ ಅಧಿಕ ಬೆಲೆಯ ಟೊಯೋಟಾ ವೆಲ್ಫೈರ್ ಕಾರಿನಲ್ಲಿ ವಿಧಾನಸೌಧಕ್ಕೆ ಆಗಮಿಸಿದ್ದರು.
ಸರ್ಕಾರಿ ಕಾರು ಫಾರ್ಚುನರ್ ನಲ್ಲಿ ಪ್ರಯಾಣ ಮಾಡಲು ಕಷ್ಟಕರವಾದ ಹಿನ್ನೆಲೆಯಲ್ಲಿ ಈ ಐಶಾರಾಮಿ ಕಾರು ಖರೀದಿ ಮಾಡುತ್ತಾರೆ ಎಂಬ ಸುದ್ದಿ ಹರಡಿತ್ತು. ಆದರೆ ಇದೀಗ ಮಂಡಿ ನೋವಿನಿಂದ ಗುಣಮುಖಗೊಂಡ ಹಿನ್ನೆಲೆಯಲ್ಲಿ ಅವರು ಸರ್ಕಾರಿ ಕಾರಿನಲ್ಲೇ ಪ್ರಯಾಣ ಮಾಡುತ್ತಿದ್ದಾರೆ.
