Subscribe ನ್ಯೂಸಿಕ್ಸ್ ಕನ್ನಡ
newsics.com
ಬಾಲಿವುಡ್ ದೊಡ್ಡದಾಗಿ ಕಂಬ್ಯಾಕ್ ಮಾಡಿದೆ. ʼಧುರಂಧರ್ʼ ಬಳಿಕ ಈಗ ʼಬಾರ್ಡರ್ -2ʼ ಕೂಡ ಬಾಕ್ಸಾಫೀಸ್ನಲ್ಲಿ ಧೂಳೆಬ್ಬಿಸಿದೆ.
1997ರಲ್ಲಿ ʼಬಾರ್ಡರ್ʼ ಸಿನಿಮಾ ಬಂದಿತ್ತು. ನಂತರ
2026ರಲ್ಲಿ ʼಬಾರ್ಡರ್ -2ʼ ಬಂದಿದೆ. ಅಂದು ಸಿನಿಮಾ ಭಾವನಾತ್ಮಕವಾಗಿ ಸೆಳೆದಿತ್ತು. ದೇಶ ಪ್ರೇಮವನ್ನು ಸಾರಿತ್ತು. ʼಬಾರ್ಡರ್ -2ʼ ಕೂಡ ಅದೇ ರೀತಿಯಲ್ಲಿ ಮುಂದುವರಿಕೆ ಕಾಣುತ್ತಿದೆ.
ಸನ್ನಿ ಡಿಯೋಲ್ ಜತೆ ಈ ಅಹಾನ್ ಶೆಟ್ಟಿ, ವರುಣ್ ಧವನ್, ದಿಲ್ಜೀತ್ ನಟಿಸಿದ್ದಾರೆ. ವಾರ್ – ಡ್ರಾಮಾ ʼಬಾರ್ಡರ್ -2ʼಗೆ ಪ್ರೇಕ್ಷಕರಿಂದ ಪಾಸಿಟಿವ್ ರೆಸ್ಪಾನ್ಸ್ ವ್ಯಕ್ತವಾಗುತ್ತಿದೆ.
ಇನ್ನು ರಜಾದಿನ ಥಿಯೇಟರ್ ಹೌಸ್ಫುಲ್ ಪ್ರದರ್ಶನ ಕಂಡಿದೆ. ರಿಲೀಸ್ ಆದ ಐದೇ ದಿನದಲ್ಲಿ ಬಾಕ್ಸಾಫೀಸ್ನಲ್ಲಿ ಚಿತ್ರ ಕಮಾಲ್ ಮಾಡಿದ್ದು, ದೊಡ್ಡ ಗಳಿಕೆಯತ್ತ ದಾಪುಗಾಲಿಡುತ್ತಿದೆ.
ಭಾರತದಲ್ಲಿ ಚಿತ್ರ ಮೊದಲ ದಿನ 32.10 ಕೋಟಿ ಗಳಿಕೆ ಕಂಡಿತ್ತು. ಎರಡನೇ ದಿನ 40.59 ಕೋಟಿ, ಮೂರನೇ ದಿನ 57.20 ಕೋಟಿ ರೂ. ಗಳಿಕೆ , ನಾಲ್ಕನೇ ದಿನ 63.59 ಕೋಟಿ ರೂ. ಗಳಿಕೆ ಕಂಡಿದೆ. ಐದನೇ ದಿನದ ಆರಂಭಿಕ ಅಂಕಿ ಅಂಶದ ಪ್ರಕಾರ 23.31 ಕೋಟಿ ರೂ. ಗಳಿಕೆ ಕಂಡಿದೆ. ಆ ಮೂಲಕ ಒಟ್ಟು ಐದು ದಿನದಲ್ಲಿ ಚಿತ್ರ 216.79 ಕೋಟಿ ರೂ. ಗಳಿಕೆ ಕಂಡಿದೆ ಎಂದು ಚಿತ್ರತಂಡವೇ ಅಧಿಕೃತವಾಗಿ ಅನೌನ್ಸ್ ಮಾಡಿದೆ.
ಈ ಸಿನಿಮಾದ ಯಶಸ್ಸಿನಿಂದ ನಿರ್ಮಾಪಕರಿಗೆ ಖುಷಿ ಆಗಿದೆ. ಹಾಗಾಗಿ ‘ಬಾರ್ಡರ್ 3’ ಮಾಡಲು ನಿರ್ಧರಿಸಲಾಗಿದೆ. ಈ ಸುದ್ದಿ ಕೇಳಿ ಪ್ರೇಕ್ಷಕರಿಗೆ ಖುಷಿ ಆಗಿದೆ. ನಿರ್ಮಾಪಕ ಭೂಷಣ್ ಕುಮಾರ್ ಅವರು ‘ಬಾರ್ಡರ್ 3’ ಬರುವುದು ಖಚಿತ ಎಂದು ಹೇಳಿದ್ದಾರೆ.
https://www.instagram.com/p/DUCyPspjDAj/?igsh=bzRtanVhcWEyYXZ4
