Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಹುಟ್ಟಿನಿಂದಲೇ ನರಗಳ ಮೇಲೆ ಗೆಡ್ಡೆಗಳು ಬೆಳೆಯುವ ಸಮಸ್ಯೆಯಿಂದಾಗಿ ಬಳಲುತ್ತಿರುವ 36 ವರ್ಷದ ಅಮಿತ್ ಘೋಷ್ ತಮ್ಮ ಮುಖದ ಅರ್ಧಭಾಗದ ಸ್ವರೂಪವನ್ನೇ ಕಳೆದುಕೊಂಡಿದ್ದಾರೆ.
ಹೌದು, ನ್ಯೂರೋಫೈಬ್ರೊಮ್ಯಾಟೋಸಿಸ್ ಟೈಪ್ 1′ ಎಂಬ ಜೆನೆಟಿಕ್ ಸಮಸ್ಯೆ. ಅಮಿತ್ ಕೇವಲ 11 ವರ್ಷದವರಿದ್ದಾಗ ಪರಿಸ್ಥಿತಿ ಬಿಗಡಾಯಿಸಿ ಅವರ ಎಡಗಣ್ಣನ್ನು ಶಸ್ತ್ರಚಿಕಿತ್ಸೆ ಮೂಲಕ ತೆಗೆದುಹಾಕಲಾಗಿತ್ತು. ಅಲ್ಲಿಂದ ಇಲ್ಲಿಯವರೆಗೆ ಅವರು ಬರೋಬ್ಬರಿ 26 ಬಾರಿ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದಾರೆ. ತನ್ನ ಮುಖಕ್ಕ ಬೇಸತ್ತು ಅಮಿತ್ ಒಂದು ಕಾಲದಲ್ಲಿ ಜಗತ್ತಿನಿಂದ ದೂರವಿರಲು ಬಯಸಿದ್ದರು. “ನಾನು ತುಂಬಾ ವಿಕಾರವಾಗಿ ಕಾಣುತ್ತೇನೆ, ನನಗೆ ಈ ಜೀವನದಲ್ಲಿ ಎಂದಿಗೂ ಜೀವನ ಸಂಗಾತಿ ಸಿಗಲಾರರು” ಎಂದು ಅವರು ನಂಬಿದ್ದರು. ಆದರೆ 2021ರಲ್ಲಿ ಪಿಯಾಲಿ ಎಂಬುವವರ ಆಗಮನ ಅವರ ಬದುಕಿನ ದಿಕ್ಕನ್ನೇ ಬದಲಿಸಿತು.
“ನಾನು ನಿನ್ನ ಮುಖದ ಒಂದು ಭಾಗವನ್ನಲ್ಲ, ನಿನ್ನ ಸಂಪೂರ್ಣ ವ್ಯಕ್ತಿತ್ವವನ್ನೇ ಪ್ರೀತಿಸಿ ಮದುವೆಯಾಗುತ್ತಿದ್ದೇನೆ” ಎಂದು ಪಿಯಾಲಿ ನೀಡಿದ ಧೈರ್ಯ ಅಮಿತ್ ಅವರಲ್ಲಿ ಹೊಸ ಭರವಸೆ ಮೂಡಿಸಿತು. ಪ್ರಸ್ತುತ ಕಾನೂನು ಸಂಸ್ಥೆಯೊಂದರಲ್ಲಿ ಕೆಲಸ ಮಾಡುತ್ತಿರುವ ಅಮಿತ್, “ನಾವು ನಮ್ಮನ್ನು ಮೊದಲು ಪ್ರೀತಿಸಬೇಕು, ಆಗ ಮಾತ್ರ ಜಗತ್ತು ನಮ್ಮನ್ನು ಸ್ವೀಕರಿಸುತ್ತದೆ” ಎಂಬ ಸಂದೇಶ ನೀಡುತ್ತಿದ್ದಾರೆ. ಇತ್ತೀಚೆಗೆ ಅವರು ಹಂಚಿಕೊಂಡ ವಿಡಿಯೋವೊಂದು ಬರೋಬ್ಬರಿ 3 ಕೋಟಿಗೂ ಹೆಚ್ಚು ವೀಕ್ಷಣೆ ಕಂಡಿದ್ದು, ಅಂತರಾಷ್ಟ್ರೀಯ ಮಟ್ಟದಲ್ಲಿ ಚರ್ಚೆ ಹುಟ್ಟುಹಾಕಿದೆ. ಇನ್ನು ದೈಹಿಕ ಸೌಂದರ್ಯಕ್ಕಿಂತ ಗುಣ ಮುಖ್ಯ ಎಂಬುದಕ್ಕೆ ಅಮಿತ್ ಮತ್ತು ಪಿಯಾಲಿ ದಂಪತಿ ಸಾಕ್ಷಿಯಾಗಿದ್ದಾರೆ.
https://www.instagram.com/reel/DSimzWRiPgb/?igsh=MXFwOGt1M3I5c2NhdQ==
ಮಹಿಳಾ ಅಧಿಕಾರಿ ದೂರು ಕೊಟ್ಟ ಬೆನ್ನಲ್ಲೆ ಕ್ಷಮೆ ಕೇಳಿದ ರಾಜೀವ್ ಗೌಡ : ಕ್ಷಮೆ ಬೇಕಿಲ್ಲ ಎಂದ ಮಹಿಳಾ ಪೌರಾಯುಕ್ತೆ
