Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
4B ಚಳವಳಿ ಅಂದ್ರೆ ನೋ ಸೆಕ್ಸ್, ನೋ ರಿಲೇಷನ್ಶಿಪ್, ನೋ ಮ್ಯಾರೇಜ್, ನೋ ಚೈಲ್ಡ್ ಬರ್ತ್ ಎಂದು ಅರ್ಥ. ದಕ್ಷಿಣ ಕೊರಿಯಾದಲ್ಲಿ ಮೀಟೂ ಬಳಿಕ 4ಬಿ ಚಳವಳಿ ಆರಂಭವಾಗಿತ್ತು. ದಕ್ಷಿಣ ಕೊರಿಯಾದ ಬಳಿಕ 4ಬಿ ಚಳವಳಿ ಈಗ ಈಗ ಚೀನಾ, ಅಮೆರಿಕ, ಯುರೋಪ್ ಕಡೆಗೆಲ್ಲಾ ಹಬ್ಬುತ್ತಿದೆ. ಭಾರತಕ್ಕೂ ಕಾಲಿಡುತ್ತಿದೆ.
ಮಹಿಳೆಯರು ಪುರುಷರ ಜತೆ ಸೆಕ್ಸ್ ಮಾಡದೇ ಇರುವ ಪ್ರತಿಜ್ಞೆ ಮಾಡಿದ್ದಾರೆ. ಜತೆಗೆ ಅವರೊಂದಿಗೆ ನೋ ರಿಲೇಷನ್ಶಿಪ್, ನೋ ಮ್ಯಾರೇಜ್ ಹಾಗೂ ನೋ ಗಿವಿಂಗ್ ಬರ್ತ್ ಎನ್ನುವ ಪ್ರತಿಜ್ಞೆಯೊಂದಿಗೆ ಚಳವಳಿಯಲ್ಲಿ ಪಾಲ್ಗೊಂಡಿದ್ದಾರೆ. ಅಂದ್ರೆ ಸೆಕ್ಸ್ನಲ್ಲಿ ಭಾಗಿಯಾಗದೇ ಇರೋದು, ರಿಲೇಷನ್ಶಿಪ್ನಲ್ಲಿ ಇಲ್ಲದೇ ಇರೋದು, ಮದುವೆ ಆಗದೇ ಇರೋದು ಹಾಗೂ ಮಕ್ಕಳನ್ನು ಹೆರದೇ ಇರುವುದು ಈ ಚಳವಳಿಯ ಮುಖ್ಯ ಉದ್ದೇಶ. ಇದು ಪುರುಷರ ಮೇಲೆ ತಮ್ಮ ಸೇಡು ಎಂದು ಅವರು ಹೇಳಿಕೊಂಡಿದ್ದಾರೆ.
4B ಅನ್ನೋದರ ಹಿಂದೆ ನಾಲ್ಕು ‘ಬಿ’ಗಳಿವೆ. ಇವೆಲ್ಲವೂ ಕೊರಿಯನ್ ಮೂಲದ ಪದಗಳು. ಕೊರಿಯನ್ ಭಾಷೆಯಲ್ಲಿ ‘ಬಿ’ ಅಂದ್ರೆ ‘ನೋ’. ಅಂದರೆ ನಾಲ್ಕು ವಿಷಯಗಳಿಗೆ ನೇರವಾಗಿ ‘ಇಲ್ಲ’ ಅನ್ನೋ ತೀರ್ಮಾನ.
ಇದು ಫೆಮಿನಿಸಮ್ಮಾ ಎಂದು ಕೇಳಿದ್ರೆ, ಒಂದು ರೀತಿಯಲ್ಲಿ ಹೌದು. ಆದರೆ ಸಾಂಪ್ರದಾಯಿಕ ಮಹಿಳಾವಾದದಂತಲ್ಲ. 4B ಮೊದಲಿಗೆ ಒಂದು ಮೌನ ಪ್ರತಿಕ್ರಿಯೆ ಮಾತ್ರ. ನಂತರ ಫೆಮಿನಿಸ್ಟ್ ಚಳವಳಿಗಳು ಇದಕ್ಕೆ ದಿಕ್ಕು, ಭಾಷೆ ಕೊಟ್ಟವು. 2016ರಲ್ಲಿ ಕೊರಿಯಾದಲ್ಲಿ ಟ್ರೇನ್ ಟಾಯ್ಲೆಟ್ನಲ್ಲಿ ಮಹಿಳೆಯೊಬ್ಬಳನ್ನು ಬರ್ಬರವಾಗಿ ಕೊಂದ ಘಟನೆ ಈ ಚಳವಳಿಗೆ ಇನ್ನಷ್ಟು ಬೆಂಕಿ ಹಚ್ಚಿತು. ಜತೆಗೆ ಪುರುಷರು ರೂಪಿಸಿದ ಸೌಂದರ್ಯದ ಮಾನದಂಡಗಳು– ಮೇಕಪ್, ಬ್ಯೂಟಿ ಟ್ರೀಟ್ಮೆಂಟ್, ಪ್ಲಾಸ್ಟಿಕ್ ಸರ್ಜರಿ– ಇವೆಲ್ಲವನ್ನೂ ಪ್ರಶ್ನಿಸಿ, ತಿರಸ್ಕರಿಸುವ ಹಾದಿಗೆ ಈ ಚಳವಳಿ ಹೋಯಿತು.
2010ರಲ್ಲಿ, ದಕ್ಷಿಣ ಕೊರಿಯಾದ ಈ ಚಳವಳಿ ಆರಂಭವಾಗಿದೆ. ಇಂಥ ಚಳುವಳಿಗಳು ಸರ್ಕಾರಗಳಿಗೂ ದೊಡ್ಡ ತಲೆನೋವು. ದಕ್ಷಿಣ ಕೊರಿಯಾದಲ್ಲಿ ಈಗಾಗಲೇ ಜನನ ಪ್ರಮಾಣ ತುಂಬಾ ಕಡಿಮೆ. ಅದರ ಮೇಲೆ ಯುವತಿಯರೇ “ಮದುವೆ ಬೇಡ, ಮಕ್ಕಳು ಬೇಡ” ಎಂದು ಹೇಳಿದ್ರೆ ಮುಂದೇನು ಎನ್ನುವ ಆತಂಕ ಆಡಳಿತ ವರ್ಗದಲ್ಲಿದೆ.
https://www.newsics.com/2026/01/11/do-not-keep-these-items-next-to-the-fridge-for-any-reason/
