Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ದುಬೈ ಏರ್ಶೋ 2025 ರಲ್ಲಿ ಭಾರತದ ಎಚ್ಎಎಲ್ ನಿರ್ಮಿತ ತೇಜಸ್ ಯುದ್ಧವಿಮಾನ ಪತನಗೊಂಡು ಪೈಲಟ್ ದುರ್ಮರಣಕ್ಕೀಡಾಗಿದ್ದಾರೆ. ಟೇಕ್ಆಫ್ ಆದ ಕೆಲವೇ ಕ್ಷಣಗಳಲ್ಲಿ ಈ ದುರಂತ ಸಂಭವಿಸಿದ್ದು, ಇದು ತೇಜಸ್ ವಿಮಾನದ ಎರಡನೇ ಅಪಘಾತವಾಗಿದೆ.ಇದರಲ್ಲಿದ್ದ ಪೈಲಟ್ ವಿಂಗ್ ಕಮಾಂಡರ್ ನಮಾಂಶ್ ಸ್ಯಾಲ್ ಕೂಡ ದುರಂತವಾಗಿ ಸಾವನ್ನಪ್ಪಿದ್ದಾರೆ. ಈ ಅಪಘಾತದಲ್ಲಿ ಮೃತಪಟ್ಟ ಐಎಎಫ್ ಪೈಲಟ್ ನಮಾಂಶ್ ಹಿಮಾಚಲ ಪ್ರದೇಶದವರು.
ನಮಾಂಶ್ ಕಾಕ್ಪಿಟ್ನಲ್ಲಿ ವೃತ್ತಿಪರತೆ ಮತ್ತು ಶಾಂತ ನಿಖರತೆಗೆ ಹೆಸರುವಾಸಿಯಾಗಿದ್ದ ಯುವ ಅಧಿಕಾರಿಯಾಗಿದ್ದರು. ಭಾರತದ ಸ್ಥಳೀಯವಾಗಿ ನಿರ್ಮಿಸಲಾದ ತೇಜಸ್ ಅನ್ನು ಉನ್ನತ ಮಟ್ಟದ ಏರೋಬ್ಯಾಟಿಕ್ ಪ್ರದರ್ಶನದ ಸಮಯದಲ್ಲಿ ಹಾರಿಸುತ್ತಿದ್ದರು. ಈ ವೇಳೆ ದುರಂತ ಸಂಭವಿಸಿದೆ. ತೇಜಸ್ ಫೈಟರ್ ಜೆಟ್ ಕೆಳಗೆ ಬೀಳುವಾಗ ಅವರಿಗೆ ಹೊರಗೆ ಹಾರಿಕೊಳ್ಳಲು ಸಾಧ್ಯವಾಗಿಲ್ಲ. ವಿಮಾನದ ಜೊತೆ ಅವರೂ ಕೂಡ ಬೆಂಕಿಗಾಹುತಿಯಾಗಿದ್ದಾರೆ.
ಕಾಂಗ್ರಾದ ನಾಗ್ರೋಟಾ ಬಾಗ್ವಾನ್ ನಿವಾಸಿಯಾದ 34 ವರ್ಷದ ವಿಂಗ್ ಕಮಾಂಡರ್ ನಮಾಂಶ್ ಸ್ಯಾಲ್, ಮಿಗ್ -21ರಲ್ಲಿ ತರಬೇತಿ ಪಡೆದಿದ್ದರು ಮತ್ತು ಸುಖೋಯ್ ಸು -30 ಎಂಕೆಐಗಳನ್ನು ಹಾರಿಸಿದ ಅನುಭವವನ್ನು ಸಹ ಹೊಂದಿದ್ದರು. ಇತ್ತೀಚೆಗೆ, ಅವರು ತೇಜಸ್ ಅನ್ನು ಹಾರಿಸುತ್ತಿದ್ದರು.
