Subscribe NewsicsKannada/YouTube
newsics.com
ಕಾಂತಾರ ಚಾಪ್ಟರ್ 1 ಸಿನಿಮಾ ರಿಲೀಸ್ ಆಗಿ, ಅದ್ಭುತ ಯಶಸ್ಸು ಗಳಿಸಿದೆ. ವಿಶ್ವದಾದ್ಯಂತ ಎಲ್ಲ ಕಡೆಗಳಿಂದಲೂ ಕಾಂತಾರದ ಬಗ್ಗೆ ಒಳ್ಳೆಯ ಅಭಿಪ್ರಾಯ ಕೇಳಿಬರುತ್ತಿದೆ. ಇದೆಲ್ಲದರ ಮಧ್ಯೆ ರಿಷಬ್ ಶೆಟ್ಟಿ “ಕೌನ್ ಬನೇಗಾ ಕರೋಡ್ಪತಿ”-17 ಯಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಶೋದಲ್ಲಿ ರಿಷಬ್ ಅತಿಥಿಯಾಗಿ ಪಾಲ್ಗೊಂಡು ಅಮಿತಾಭ್ ಬಚ್ಚನ್ ಅವರಿಗೆ ಹುಟ್ಟುಹಬ್ಬದ ಉಡುಗೊರೆಯನ್ನೂ ಕೊಟ್ಟಿದ್ದಾರೆ.
ಅಕ್ಟೋಬರ್ 11ರಂದು ಅಮಿತಾಭ್ ಹುಟ್ಟುಹಬ್ಬ ಇತ್ತು. ಅದರ ನಿಮಿತ್ತ ವಿಶೇಷ ಅತಿಥಿಯಾಗಿ ರಿಷಬ್ ಶೆಟ್ಟಿ ಪಾಲ್ಗೊಂಡಿದ್ದರು. ಕೌನ್ ಬನೇಗಾ ಕರೋಡ್ಪತಿಯಲ್ಲಿ ರಿಷಬ್ ಪಾಲ್ಗೊಂಡಿರುವ ಫೋಟೋವನ್ನ ಹೊಂಬಾಳೆ ಫಿಲ್ಮ್ಸ್ ತನ್ನ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದೆ.
ಹಾಗೇ, ರಿಷಬ್ ಶೆಟ್ಟಿ ಅವರೂ ಫೇಸ್ಬುಕ್ನಲ್ಲಿ ಫೋಟೋಗಳನ್ನ ಹಾಕಿಕೊಂಡಿದ್ದಾರೆ.
ಅಮಿತಾಭ್ ಬಚ್ಚನ್ ಅವರು ಬಿಳಿ-ಪ್ರಿಂಟೆಡ್ ಮಿಶ್ರಿತ ಜಾಕೆಟ್, ಪ್ಯಾಂಟ್ ಮತ್ತು ಬಿಳಿ ಶೂ ಹಾಕಿಕೊಂಡಿದ್ದರೆ, ರಿಷಬ್ ಶೆಟ್ಟಿ ಅವರು ಕಪ್ಪು ಶರ್ಟ್ ಮತ್ತು ಬಿಳಿ ಲುಂಗಿ ಉಟ್ಟು ಶೋಕ್ಕೆ ಬಂದಿದ್ದಾರೆ. ಕಾಂತಾರ ಸಿನಿಮಾ ಆದ್ಮೇಲಿಂದ ರಿಷಬ್ ಶೆಟ್ಟಿ ಅವರು ಲುಂಗಿಯನ್ನೇ ಕಾಯಂ ಮಾಡಿಕೊಂಡಿದ್ದಾರೆ. ಎಲ್ಲೋ ಆಗೊಮ್ಮೆ-ಈಗೊಮ್ಮೆ ಪ್ಯಾಂಟ್ ಧರಿಸುತ್ತಾರೆಯಾದರೂ, ಕಾಂತಾರ ಸಿನಿಮಾ ಪ್ರಚಾರ, ಟ್ರೇಲರ್ ರಿಲೀಸ್ ಕಾರ್ಯಕ್ರಮ, ಸುದ್ದಿಗೋಷ್ಠಿಗಳಿಗೆಲ್ಲ ಅವರು ಲುಂಗಿ ಉಟ್ಟೇ ಬಂದಿದ್ದರು. ಕೌನ್ ಬನೇಗಾ ಕರೋಡ್ಪತಿಗೆ ರಿಷಬ್ ಜೊತೆ ಅವರ ಪತ್ನಿ ಪ್ರಗತಿ ಶೆಟ್ಟಿ ಕೂಡ ಹೋಗಿದ್ದರು. ಈ ಫೋಟೋಗಳೆಲ್ಲ ಸಾಕಷ್ಟು ವೈರಲ್ ಆಗುತ್ತಿದ್ದು, ರಿಷಬ್ ಭಾಗವಹಿಸಿದ ಎಪಿಸೋಡ್ ಯಾವಾಗ ಬರುತ್ತದೆ ಎಂಬುದು ಇನ್ನೂ ಗೊತ್ತಾಗಿಲ್ಲ.
ರಿಷಬ್ ಶೆಟ್ಟಿ ಅವರು ಕೌನ್ ಬನೇಗಾ ಕರೋಡ್ಪತಿಯಲ್ಲಿ ಪಾಲ್ಗೊಂಡ ಫೋಟೋ ವೈರಲ್ ಆದ ಬೆನ್ನಲ್ಲೇ ನೆಟ್ಟಿಗರು ಫುಲ್ ಖುಷಿಯಾಗಿದ್ದಾರೆ.
https://www.instagram.com/p/DPrHr_Ek-uK/?igsh=enRmYWRsemk5ZjFn
ದೀಪಾವಳಿ ಹಬ್ಬಕ್ಕೆ ಊರಿಗೆ ಹೊರಟವರಿಗೆ ಗುಡ್ ನ್ಯೂಸ್: KSRTCಯಿಂದ 2,500 ಹೆಚ್ಚುವರಿ ವಿಶೇಷ ಬಸ್ ವ್ಯವಸ್ಥೆ
