newsics.com
ಬರ್ನರ್ ಕೊಳಕಾದರೆ ಕ್ರಮೇಣ ಅದು ಸರಿಯಾಗಿ ಕೆಲಸ ಮಾಡುವುದನ್ನು ನಿಲ್ಲಿಸುತ್ತೆ. ಆದರೆ ಬರ್ನರ್ ಅನ್ನು ಸರಿಪಡಿಸಲು ಸಹ ಕೆಲವು ಸುಲಭ ಮಾರ್ಗಗಳು ಇವೆ.
ಬರ್ನರ್ ಸರಿಯಾಗಿ ಉರಿಯದಿದ್ದಾಗ ಗ್ಯಾಸ್ ಪೈಪ್ಲೈನ್ನಲ್ಲಿ ಸಮಸ್ಯೆಯೂ ಇರಬಹುದು. ಇಗ್ನಿಷನ್ ಸಿಸ್ಟಮ್ನಲ್ಲಿ ಸಮಸ್ಯೆಯಾದಾಗಲೂ ಗ್ಯಾಸ್ ಬರ್ನರ್ ಸರಿಯಾಗಿ ಕಾರ್ಯನಿರ್ವಹಿಸದಿರಲು ಒಂದು ಕಾರಣವಾಗಬಹುದು. ಸರಿಯಾಗಿ ಕಾರ್ಯನಿರ್ವಹಿಸದಿರುವ ಗ್ಯಾಸ್ ರೆಗ್ಯುಲೇಟರ್ ಸಹ ಗ್ಯಾಸ್ ಹರಿವಿನ ಮೇಲೆ ಪರಿಣಾಮ ಬೀರಬಹುದು.
ಅಡುಗೆ ಸೋಡಾ ಮತ್ತು ವಿನೆಗರ್ ದ್ರಾವಣವನ್ನು ತಯಾರಿಸಿ. ನಂತರ ಗ್ಯಾಸ್ ಬರ್ನರ್ ಅನ್ನು ಈ ದ್ರಾವಣದಲ್ಲಿ ಸ್ವಲ್ಪ ಸಮಯದವರೆಗೆ ನೆನೆಸಿಡಿ. ನೀವು ಈಗ ಬ್ರಷ್ ಬಳಸಿ ಬರ್ನರ್ ಅನ್ನು ಸ್ವಚ್ಛಗೊಳಿಸಬಹುದು. ಅಲ್ಲದೆ, ಗ್ಯಾಸ್ ಪೈಪ್ಲೈನ್ ಏನಾದರೂ ಬಗ್ಗಿದೆಯೇ ಅಥವಾ ಅಲ್ಲಿ ಅಡೆತಡೆಯಾಗಿದೆಯೇ ಪರಿಶೀಲಿಸಿ.
ಬರ್ನರ್ ಅನ್ನು ಸ್ವಚ್ಛಗೊಳಿಸಲು, ಅದನ್ನು ಉಗುರುಬೆಚ್ಚಗಿನ ನೀರಿನಲ್ಲಿ ತಲೆಕೆಳಗಾಗಿ ಅದ್ದಿ ಮತ್ತು ಸ್ವಲ್ಪ ಸಮಯದ ನಂತರ ಯಾವುದೇ ಕೊಳೆಯಿದ್ದಲ್ಲಿ ಬ್ರಷ್ ಮಾಡಿ ತೆಗೆದುಹಾಕಿ.
ಗ್ಯಾಸ್ ಬರ್ನರ್ನ ಹೋಲ್ ಸ್ವಚ್ಛಗೊಳಿಸಲು ನೀವು ನಾಣ್ಯಗಳನ್ನು ಸಹ ಬಳಸಬಹುದು. ನಾಣ್ಯಗಳನ್ನು ನಿಧಾನವಾಗಿ ಉಜ್ಜುವುದರಿಂದ ಗಮನಾರ್ಹ ಪ್ರಮಾಣದ ಕೊಳೆಯನ್ನು ತೆಗೆದುಹಾಕಬಹುದು.
ಬರ್ನರ್ ಅನ್ನು ಸ್ವಚ್ಛಗೊಳಿಸಿದ ನಂತರವೂ ಗ್ಯಾಸ್ ಹರಿವು ಸರಾಗವಾಗಿಲ್ಲದಿದ್ದರೆ, ನೀವು ಏರ್ ಮಿಕ್ಸರ್ ಟ್ರೈ ಮಾಡ್ಬೋದು. ಇದು ಗ್ಯಾಸ್ ಮತ್ತು ಗಾಳಿಯ ಸರಿಯಾದ ಅನುಪಾತವನ್ನು ನಿಯಂತ್ರಿಸುತ್ತದೆ.
