newsics.com
VASTU ಕೆಲವು ವಸ್ತುಗಳನ್ನು ಬೇರೆಯವರಿಂದ ಪಡೆದು ಬಳಸುವುದು ಅಶುಭ ಎಂದು ವಾಸ್ತುಶಾಸ್ತ್ರ ಹೇಳುತ್ತದೆ.
ಕೆಲವು ವಸ್ತುಗಳು ಒಬ್ಬ ವ್ಯಕ್ತಿಯಿಂದ ಇನ್ನೊಬ್ಬರಿಗೆ ನಕಾರಾತ್ಮಕತೆಯನ್ನು ಹರಡಬಹುದು ಮತ್ತು ವಾಸ್ತು ದೋಷಗಳನ್ನು ಹೆಚ್ಚಿಸಬಹುದು. ಅದೇ ರೀತಿ, ಕೆಲವು ವಸ್ತುಗಳನ್ನು ಬೇರೆಯವರಿಂದ ಪಡೆಯುವುದರಿಂದ ಆರ್ಥಿಕ ಸಮಸ್ಯೆಗಳು, ಅನಾರೋಗ್ಯ ಮತ್ತು ದುರಾದೃಷ್ಟ ಉಂಟಾಗಬಹುದು ಎಂದು ವಾಸ್ತು ಶಾಸ್ತ್ರಜ್ಞರು ಹೇಳುತ್ತಾರೆ.
ಬೇರೆಯವರು ಬಳಸಿದ ಬಟ್ಟೆಗಳನ್ನು ಪಡೆದು ನೀವು ಬಳಸುವುದು ಶ್ರೇಯಸ್ಕರವಲ್ಲ. ಬಟ್ಟೆಗಳು ಬಹಳಷ್ಟು ನಕಾರಾತ್ಮಕ ಶಕ್ತಿಯನ್ನು ಹೊಂದಿರುತ್ತವೆ. ನೀವು ಬೇರೆಯವರಿಂದ ಬಟ್ಟೆಗಳನ್ನು ಪಡೆದು ಅಥವಾ ಪರಸ್ಪರ ಹಂಚಿಕೊಂಡು ಧರಿಸಿದರೆ, ಒಬ್ಬ ವ್ಯಕ್ತಿಯ ನಕಾರಾತ್ಮಕ ಶಕ್ತಿಯು ಇನ್ನೊಬ್ಬ ವ್ಯಕ್ತಿಗೆ ವರ್ಗಾಯಿಸಲ್ಪಡುತ್ತದೆ.
ನಿಮ್ಮ ಸ್ನೇಹಿತರು ತೊಟ್ಟ ಉಂಗುರವನ್ನು ಸಹ ನೀವು ಬಳಸುವುದೂ ಶುಭವಲ್ಲ. ಉಂಗುರವು ಯಾವುದೇ ಲೋಹ ಅಥವಾ ರತ್ನದಿಂದ ಮಾಡಲ್ಪಟ್ಟಿದ್ದರೂ, ಅವುಗಳ ಗ್ರಹ ದೋಷಗಳು ನಿಮ್ಮನ್ನು ತಲುಪುತ್ತವೆ. ಆದ್ದರಿಂದ ಯಾರಿಗೂ ಉಂಗುರ ಕೊಡಬೇಡಿ ಹಾಗೂ ಯಾರ ಉಂಗುರವನ್ನೂ ನೀವು ಧರಿಸಬೇಡಿ.
ನಿಮ್ಮ ವಾಚ್ನ್ನು ಬೇರೆಯವರಿಗೆ ಕೊಡಬೇಡಿ. ನೀವು ಪಡೆದು ಬಳಸಲೂಬೇಡಿ. ಒಬ್ಬ ವ್ಯಕ್ತಿಯು ಧರಿಸುವ ವಾಚ್ ಸಮಯವನ್ನು ಮಾತ್ರವಲ್ಲದೆ ಅವನ ಒಳ್ಳೆಯ ಮತ್ತು ಕೆಟ್ಟ ಸಮಯಗಳನ್ನು ಸಹ ಸೂಚಿಸುತ್ತದೆ. ಅದಕ್ಕಾಗಿಯೇ ಒಬ್ಬ ಬಳಸಿರುವ ವಾಚ್ ಅನ್ನು ಮತ್ತೊಬ್ಬರು ಕಟ್ಟಿಕೊಳ್ಳುವುದು ಶುಭವಲ್ಲ. ಇಂತಹ ಅಭ್ಯಾಸವನ್ನು ತಕ್ಷಣ ಬಿಟ್ಟು ಬಿಡಿ.
ಪಾದರಕ್ಷೆ ಅಥವಾ ಶೂ ಬದಲಾಯಿಸುವುದು ಸಹ ಒಳ್ಳೆಯದಲ್ಲ. ನೀವು ಬೇರೆಯವರ ಶೂ, ಪಾದರಕ್ಷೆಗಳನ್ನು ಧರಿಸಿದರೆ, ಅವರ ಶನಿ ಮತ್ತು ತೊಂದರೆಗಳು ನಿಮ್ಮನ್ನು ಕಾಡುತ್ತವೆ ಎಂದು ವಾಸ್ತು ತಜ್ಞರು ಅಭಿಪ್ರಾಯಪಡುತ್ತಾರೆ.
