newsics.com
ಪ್ರೀತಿಗೆ ಕಣ್ಣಿಲ್ಲ, ಪ್ರೀತಿಗೆ ಕನಸಿಲ್ಲ ಅನ್ನೋದು ಕೇವಲ ಹಾಡಿಗೆ ಮಾತ್ರವಲ್ಲ, ನಿಜ ಜೀವನದಲ್ಲಿಯೂ ಅನ್ವಯಿಸುತ್ತದೆ ಎಂಬುದಕ್ಕೆ ಇತ್ತೀಚಿನ ದಿನಗಳಲ್ಲಿ ನಡೆಯುತ್ತಿರುವ ಇಂತಹ ಭಯಾನಕ, ಬೆಚ್ಚಿಬೀಳಿಸೋ ಘಟನೆಗಳೇ ಜ್ವಲಂತ ಸಾಕ್ಷಿ. ಇನ್ನೂ ಕೆಲವರು ತಮ್ಮ ಪ್ರೀತಿಯನ್ನು ಪಡೆಯಲು ಎಂತಹ ಹೋರಾಟ, ತ್ಯಾಗಕ್ಕೂ ಮುಂದಾದವರಿದ್ದಾರೆ. ಇದಕ್ಕೆ ಉದಾಹರಣೆಯಂತೆ ಇಲೊಬ್ಬ ಯುವತಿಯ ಮೃತದೇಹದೊಂದಿಗೆ 7 ವರ್ಷ ಮಲಗಿದನಂತೆ.
ಹೌದು,ಕಾರ್ಲ್ ಟಾಂಜ್ಲರ್ ಮತ್ತು ಎಲೆನಾ ಡಿ ಹೊಯೊಸ್ ಅವರು ತಾನು ಪ್ರೀತಿಸಿದ ಯುವತಿಯ ಶವದ ಜೊತೆ ಮಲಗಿದ್ದಾರಂತೆ. ಇವರ ಈ ಕಥೆ ಕೇಳಿದ್ರೆ ಅಚ್ಚರಿ ಮೂಡಬಹುದು.
1931 ರಲ್ಲಿ, 22 ವರ್ಷದ ಯುವತಿ ಎಲೆನಾ ಡಿ ಹೊಯೊಸ್ ಅವರನ್ನು ಫ್ಲೋರಿಡಾದ ಕೀ ವೆಸ್ಟ್ನಲ್ಲಿರುವ ಮೆರೈನ್ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಆ ಸಮಯದಲ್ಲಿ ಅವರಿಗೆ ಕ್ಷಯರೋಗವಿತ್ತು, ಇದು ಮಾರಕ ಕಾಯಿಲೆಯಾಗಿತ್ತು.
ಟಾಂಜ್ಲರ್, ಯುವತಿಯನ್ನು ಉಳಿಸಲು ಹಲವು ಚಿಕಿತ್ಸೆಗಳನ್ನು ಪ್ರಯತ್ನಿಸಿದರು. ಆಕೆಗೆ ಚಿಕಿತ್ಸೆ ನೀಡುತ್ತಿದ್ದ ವೇಳೆ ವೈದ್ಯ ಟಾಂಜ್ಲರ್ ಯುವತಿಯೊಂದಿಗೆ ಪ್ರೀತಿಯ ಬಲೆಯಲ್ಲಿ ಬಿದ್ದಿದ್ದಾನೆ. ಎಲೆನಾಗೆ ಪ್ರೇಮ ನಿವೇದನೆ ಮಾಡಿಕೊಂಡರೂ ಪ್ರಯೋಜನವಾಗಲಿಲ್ಲ. ಆಕೆ ಮಾರಕ ಕಾಯಿಲೆಗೆ ಗುರಿಯಾಗಿದ್ದರಿಂದ ಅದರಲ್ಲಿ ಅವಳಿಗೆ ಆಸಕ್ತಿ ಇರಲಿಲ್ಲ. ಕೊನೆಗೆ ಅಕ್ಟೋಬರ್ 25, 1931 ರಂದು ಎಲೆನಾ ನಿಧನ ಹೊಂದಿದಳು.
ಟಾಂಜ್ಲರ್, ಎಲೆನಾಳ ಅಂತ್ಯಕ್ರಿಯೆಗೆ ಹಣ ನೀಡಿ ದೊಡ್ಡ ಸಮಾಧಿಯನ್ನು ನಿರ್ಮಿಸಿದ. ಎರಡು ವರ್ಷಗಳ ಕಾಲ, ಪ್ರತಿ ರಾತ್ರಿಯೂ ಎಲೆನಾಳ ಸಮಾಧಿಗೆ ಭೇಟಿ ನೀಡುತ್ತಿದ್ದ. ಜೊತೆಗೆ ಉಡುಗೊರೆಗಳನ್ನು ಕೊಂಡೊಯ್ಯುತ್ತಿದ್ದ. 1940ರಲ್ಲಿ ಟಾಂಜ್ಲರ್ನು ಎಲೆನಾಳ ಮೃತದೇಹದೊಂದಿಗೆ ವಾಸಿಸುತ್ತಿದ್ದಾನೆ ಎಂಬ ವದಂತಿಗಳು ಹರಡಿತು. ಆಕೆಯ ಸಹೋದರಿ ಅವನನ್ನು ಭೇಟಿ ಮಾಡಿ ಅದು ನಿಜವೆಂದು ಅರಿತುಕೊಂಡರು. ಟಾಂಜ್ಲರ್ 1933ರಲ್ಲಿ ಆಕೆಯ ಶವವನ್ನು ಸಮಾಧಿಯಿಂದ ತೆಗೆದುಕೊಂಡು ಹೋಗಿದ್ದನು. ವಾಸನೆಯನ್ನು ಮರೆಮಾಚಲು ಕೋಟ್ ಹ್ಯಾಂಗರ್, ಮೇಣ, ಸುಗಂಧ ದ್ರವ್ಯಗಳನ್ನು ಬಳಸಿ ದೇಹವನ್ನು ಸಂರಕ್ಷಿಸಿದನು.
ಅವನು ಅವಳ ಮುಖವನ್ನು ಪ್ಲಾಸ್ಟರ್ನಿಂದ ಪುನರ್ನಿರ್ಮಿಸಿ, ಅವಳ ನಿಜವಾದ ಕೂದಲಿನಿಂದ ವಿಗ್ ಮಾಡಿದನು. ಅವಳ ದೇಹವನ್ನು ಆಭರಣಗಳಿಂದ ಅಲಂಕರಿಸಿ ಅವನ ಹಾಸಿಗೆಯಲ್ಲಿ ಇರಿಸಲಾಗಿತ್ತು. ಆದರೆ, ಲೈಂಗಿಕ ಕ್ರಿಯೆ ನಡೆಸಿದರ ಬಗ್ಗೆ ಯಾವುದೇ ಪುರಾವೆಗಳಿಲ್ಲ. ಎಲೆನಾಳನ್ನು ಮತ್ತೆ ಬದುಕಿಸಬಹುದು ಎಂದು ಟಾಂಜ್ಲರ್ ನಂಬಿದ್ದನು. ಅದಕ್ಕಾಗಿ ವಿಮಾನ ಆಕಾರದ ಪ್ರಯೋಗಾಲಯವನ್ನು ನಿರ್ಮಿಸಿದ್ದ. ಅವಳನ್ನು ವಾಯುಮಂಡಲಕ್ಕೆ ಹಾರಿಸುವುದರಿಂದ ಜೀವ ಮರಳಿ ಬರುತ್ತದೆ ಎಂಬುದು ಆತನ ನಂಬಿಕೆಯಾಗಿತ್ತು.
https://www.newsics.com/2025/08/06/is-the-state-governments-divisive-argument-affecting-darshan/
