newsics.com
ಮಳೆಗಾಲ ಒದ್ದೆ ಬಟ್ಟೆಗಳನ್ನು ಧರಿಸುವುದರಿಂದ ಚರ್ಮದ ಸಮಸ್ಯೆ ಉಂಟಾಗಬಹುದು. ಈ ಸಮಯದಲ್ಲಿ ಕಬ್ಬಿಣಾಂಶ ಕೊರತೆ ಹೆಚ್ಚು.ಇದು ಮುಖದ ಮೇಲೆ ಮೊಡವೆಗಳು ಮತ್ತು ಸೋಂಕುಗಳಿಗೆ ಕಾರಣವಾಗಬಹುದು. ಆದ್ದರಿಂದ ಮಳೆಗಾಲದಲ್ಲಿ ಚರ್ಮದ ಆರೈಕೆಗೆ ಸೂಕ್ತ ಕ್ರಮಗಳನ್ನು ತೆಗೆದುಕೊಳ್ಳಬೇಕು. ಚರ್ಮವನ್ನು ಆರೋಗ್ಯಕರವಾಗಿ ಮತ್ತು ಹೊಳೆಯುವಂತೆ ಮಾಡಿಕೊಳ್ಳಲು ಕೆಲವು ಟಿಪ್ಸ್ ಫಾಲೋ ಮಾಡಬೇಕು. ಹಾಗಾಗಿ ದಿನಚರಿಯಲ್ಲಿ ಕೆಲ ಬದಲಾವಣೆಗಳನ್ನು ಮಾಡಿಕೊಳ್ಳಬೇಕು. ಅವು ಯಾವುವು ಎಂದು ನೋಡೋಣ ಬನ್ನಿ
ಪ್ರತಿದಿನ ಬೆಳಗ್ಗೆ ಎದ್ದ ತಕ್ಷಣ ಮುಖವನ್ನು ಚೆನ್ನಾಗಿ ತೊಳೆಯಬೇಕು. ಹೈಲುರಾನಿಕ್ ಆಮ್ಲದೊಂದಿಗೆ ಫೋಮಿಂಗ್ ಫೇಸ್ ವಾಶ್ ಬಳಸಿ ಚರ್ಮವನ್ನು ಹೈಡ್ರೀಕರಿಸಿ. ಇದು ಮೊಡವೆಗಳಿಗೆ ಕಾರಣವಾಗುವ ತ್ವಚೆಯಲ್ಲಿರುವ ಕೊಳಕು ಮತ್ತು ಕಲ್ಮಶಗಳನ್ನು ತೆಗೆದುಹಾಕುತ್ತದೆ.
ಮಳೆಗಾಲದಲ್ಲಿ ಚರ್ಮವನ್ನು ಸ್ವಲ್ಪ ತೇವವಾಗಿರಿಸಿಕೊಳ್ಳಬೇಕು. ಹಾಗಾಗಿ, ದೀರ್ಘಕಾಲ ಉಳಿಯುವ ಮಾಯಿಶ್ಚರೈಸರ್ಗಳನ್ನು ಆಯ್ಕೆ ಮಾಡಿ. ಈ ಮಾಯಿಶ್ಚರೈಸರ್ ಗಳನ್ನು ಬಳಸುವುದರಿಂದ ಚರ್ಮ ಬೇಗ ಒಣಗುವುದನ್ನು ತಡೆಯುತ್ತದೆ.
ದಿನವಿಡೀ ಚರ್ಮವನ್ನು ರಕ್ಷಿಸಲು ಡೇ ಕ್ರೀಮ್ ಅನ್ನು ಬಳಸಬೇಕು. ನಿಯಾಸಿನಾಮೈಡ್ ಮತ್ತು ಅರ್ಬುಟಿನ್ ಹೊಂದಿರುವ ಡೇ ಕ್ರೀಮ್ಗಳನ್ನು ಚರ್ಮಕ್ಕೆ ಹಚ್ಚಬೇಕು. ನಿಯಾಸಿನಾಮೈಡ್ ಚರ್ಮವನ್ನು ತೇವಗೊಳಿಸುತ್ತದೆ. ಚರ್ಮದ ಪದರಗಳಿಗೆ ಕಲ್ಮಶಗಳು ಪ್ರವೇಶಿಸುವುದನ್ನು ತಡೆಯುತ್ತದೆ.
ಮಳೆಗಾಲದಲ್ಲಿ ಚರ್ಮವನ್ನು ಹೊಳೆಯಲು ಹಾಲನ್ನು ಬಳಸಬಹುದು. ಇದಕ್ಕಾಗಿ, ರಾತ್ರಿಯಲ್ಲಿ ಹತ್ತಿಯೊಂದಿಗೆ ಮುಖಕ್ಕೆ ಹಾಲು ಹಚ್ಚಿ ಮತ್ತು ಅದು ಒಣಗಿದಾಗ ನಿದ್ರೆಗೆ ಹೋಗಿ. ಮರುದಿನ ಬೆಳಿಗ್ಗೆ ಮುಖವನ್ನು ತೊಳೆಯಿರಿ. ಇದು ನಿಮಗೆ ಹೊಳೆಯುವ ಚರ್ಮವನ್ನು ನೀಡುತ್ತದೆ.
ಮುಖದ ಹೊಳಪು ತರಲು ನೀವು ಟೊಮೆಟೊ ಫೇಸ್ ಪ್ಯಾಕ್ ಅನ್ನು ಬಳಸಬಹುದು. ಇದಕ್ಕಾಗಿ 1 ಟೀಸ್ಪೂನ್ ಟೊಮೆಟೊ ಜ್ಯೂಸ್ ತೆಗೆದುಕೊಳ್ಳಿ. ಇದಕ್ಕೆ ಒಂದು ಚಮಚ ಜೇನುತುಪ್ಪವನ್ನು ಸೇರಿಸಿ ಮುಖಕ್ಕೆ ಹಚ್ಚಿ, ಮುಖ ಒಣಗಿದ ನಂತ್ರ ಅದನ್ನು ತೊಳೆಯಿರಿ. ಚರ್ಮದ ಮೇಲೆ ಹೊಳಪು ತರಲು ಸಹ ಇದು ನಿಮಗೆ ಸಹಾಯ ಮಾಡುತ್ತದೆ.
