newsics.com
ಪ್ರಸಿದ್ಧ ಹೂಡಿಕೆದಾರ ವಾರನ್ ಬಫೆಟ್ ತಮ್ಮ ಬರ್ಕ್ಷೈರ್ ಹ್ಯಾಥ್ವೇ ಕಂಪನಿಯ ₹51,000 ಕೋಟಿ ($600 ಮಿಲಿಯನ್) ಮೌಲ್ಯದ ಷೇರುಗಳನ್ನು ದಾನ ಮಾಡುವುದಾಗಿ ಘೋಷಿಸಿದ್ದಾರೆ.
ಈ ಬೃಹತ್ ದೇಣಿಗೆಯನ್ನು ಐದು ಚಾರಿಟಿ ಸಂಸ್ಥೆಗಳಿಗೆ ಹಂಚಲು ನಿರ್ಧರಿಸಲಾಗಿದೆ.
‘ಒಮಾಹಾದ ಒರಾಕಲ್’ ಎಂದು ಕರೆಯಲ್ಪಡುವ ಬಫೆಟ್, ಎರಡು ದಶಕಗಳ ಹಿಂದೆ ಆರಂಭಿಸಿದ ಸೇವಾ ಯಾನ ಮುಂದುವರಿಸಿದ್ದಾರೆ.
2025ರ ಅಂತ್ಯದ ವೇಳೆಗೆ ಬರ್ಕ್ಷೈರ್ ಹ್ಯಾಥ್ವೇ CEO ಪದವಿ ತ್ಯಜಿಸುವುದಾಗಿ ಬಫೆಟ್ ಹೇಳಿದ್ದಾರೆ. ಗ್ರೆಗ್ ಅಬೆಲ್ ಹೊಸ CEO ಆಗಲಿದ್ದಾರೆ. ನಿವೃತ್ತಿ ಬಳಿಕವೂ ಬಫೆಟ್ ತಮ್ಮ ಷೇರುಗಳನ್ನು ಮಾರಾಟ ಮಾಡುವುದಿಲ್ಲ, ಬದಲಾಗಿ ದಾನ ಮಾಡುವುದಾಗಿ ತಿಳಿಸಿದ್ದಾರೆ.
94 ವರ್ಷದ ಬಫೆಟ್ ಬರ್ಕ್ಷೈರ್ ಹ್ಯಾಥ್ವೇಯ 94.3 ಲಕ್ಷ ಮೊತ್ತದ B ವರ್ಗದ ಷೇರುಗಳನ್ನು ಬಿಲ್ ಮತ್ತು ಮೆಲಿಂಡಾ ಗೇಟ್ಸ್ ಫೌಂಡೇಶನ್ಗೆ ದಾನ ಮಾಡಲಿದ್ದಾರೆ.
29.2 ಲಕ್ಷ ಶೇರುಗಳು ಅವರ ಪತ್ನಿ ಸುಸಾನ್ ಥಾಮ್ಸನ್ ಬಫೆಟ್ ಫೌಂಡೇಶನ್ಗೆ ಹೋಗಲಿವೆ. ಉಳಿದ ಶೇರುಗಳನ್ನು ಅವರ ಮಕ್ಕಳು ನಡೆಸುವ ಮೂರು ಚಾರಿಟಿಗಳಿಗೆ ಸಮಾನವಾಗಿ ಹಂಚಲಾಗುವುದು.
2010 ರಲ್ಲಿ ಬಿಲ್ ಗೇಟ್ಸ್ ಜತೆ ಗಿವಿಂಗ್ ಪ್ಲೆಡ್ಜ್ಗೆ ಸಹಿ ಹಾಕಿದಾಗ ಬಫೆಟ್ ದಾನಕ್ಕೆ ಬದ್ಧರಾದರು. ಈ ಒಪ್ಪಂದ ಶ್ರೀಮಂತರು ತಮ್ಮ ಸಂಪತ್ತಿನ ಬಹುಪಾಲು ದಾನ ಮಾಡಲು ಪ್ರೋತ್ಸಾಹಿಸುತ್ತದೆ. 2006 ರಿಂದ ಬಫೆಟ್ ದಾನ ಮಾಡುತ್ತಿದ್ದಾರೆ. ಈ ಐದು ಚಾರಿಟಿಗಳಿಗೆ $60 ಶತಕೋಟಿಗೂ ಹೆಚ್ಚು ದೇಣಿಗೆ ನೀಡಿದ್ದಾರೆ.
ಬಫೆಟ್ ಬರ್ಕ್ಷೈರ್ ಹ್ಯಾಥ್ವೇಯ 1,98,117 A ವರ್ಗದ ಶೇರುಗಳು ಮತ್ತು 1,144 B ವರ್ಗದ ಶೇರುಗಳನ್ನು ಹೊಂದಿದ್ದಾರೆ. ಇದರ ಮೌಲ್ಯ ಸುಮಾರು $145 ಶತಕೋಟಿ. ತಮ್ಮ ಉಳಿದ ಸಂಪತ್ತಿನ 99.5% ದಾನ ಮಾಡುವುದಾಗಿ ಬಫೆಟ್ ಹೇಳಿದ್ದಾರೆ.
Shefali Jariwala ನಟಿ ಶೆಫಾಲಿ ಜರಿವಾಲ ಸಾವಿನ ಹಿಂದಿನ ರಹಸ್ಯ ಬಿಚ್ಚಿಟ್ಟ ವೈದ್ಯರು
