newsics.com
ಕಾಲಿವುಡ್ ಮತ್ತು ಟಾಲಿವುಡ್ ಅಂಗಳದಲ್ಲಿ ಸದಾ ಸುದ್ದಿಯಲ್ಲಿರುವ ನಟಿ ನಯನತಾರ. ಇದೀಗ ಮೆಗಾ ಸ್ಟಾರ್’ ಚಿರಂಜೀವಿ ಮತ್ತು ನಿರ್ದೇಶಕ ಅನಿಲ್ ರವಿಪುಡಿ ಕಾಂಬಿನೇಷನ್ನ ಹೊಸ ಸಿನಿಮಾಗೆ ನಯನತಾರಾ ಅವರನ್ನು ನಾಯಕಿಯನ್ನಾಗಿ ಸೆಲೆಕ್ಟ್ ಮಾಡುವುದಕ್ಕೆ ಪ್ಲ್ಯಾನ್ ಮಾಡಿಕೊಳ್ಳಲಾಗಿತ್ತು. ಆದರೆ ಇದೀಗ ನಯನತಾರಾ ಅವರು ಸಂಭಾವನೆ ವಿಷಯಕ್ಕೆ ಸುದ್ದಿಯಾಗಿದ್ದಾರೆ.
ನಿರ್ದೇಶಕ ಅನಿಲ್ ರವಿಪುಡಿ ಅವರು ಈ ಸಿನಿಮಾಗೆ ನಾಯಕಿಯನ್ನಾಗಿ ನಯನತಾರಾ ಅವರ ಅದಿತಿ ರಾವ್ ಹೈದರಿ ಅವರನ್ನು ಸೆಲೆಕ್ಟ್ ಮಾಡಬೇಕು ಎಂದು ನಿರ್ಧಾರ ಮಾಡಿದ್ದರಂತೆ. ಆ ಹಿನ್ನೆಲೆಯಲ್ಲಿ ನಯನತಾರಾಗೆ ಅಪ್ರೋಚ್ ಮಾಡಲಾಗಿದೆ. ಆದರೆ ನಯನತಾರಾ ಅವರು ಬರೋಬ್ಬರಿ 15 ಕೊಟಿ ರೂ. ಹಣವನ್ನು ಸಂಭಾವನೆಯಾಗಿ ಕೇಳಿದ್ದಾರೆ. ಇದು ಚಿರು ಟೀಮ್ಗೆ ಶಾಕ್ ನೀಡಿದೆ. ಅಸಲಿಗೆ, ನಾಯಕಿಗೆ 5 ಕೋಟಿ ರೂ. ಸಂಭಾವನೆ ನೀಡಬೇಕು ಎಂಬುದು ಬಜೆಟ್ ಪ್ಲ್ಯಾನ್ ಆಗಿತ್ತಂತೆ. ಆದರೆ ನಯನತಾರಾ ಮೂರು ಪಟ್ಟು ಅಧಿಕ ಕೇಳಿದ್ದಾರೆ.
ಮೇ ಅಂತ್ಯದಿಂದ ಶೂಟಿಂಗ್ ಆರಂಭವಾಗಲಿದ್ದು, ನಾಯಕಿ ಆಯ್ಕೆಯನ್ನು ಆದಷ್ಟು ಬೇಗ ಮಾಡಬೇಕಿದೆ. ನಯನತಾರಾ ಕೇಳಿದಷ್ಟೇ ಹಣ ನೀಡಿ, ಅವರನ್ನೇ ಸೆಲೆಕ್ಟ್ ಮಾಡುತ್ತಾರಾ ಅಥವಾ ಬೇರೆ ನಟಿಯನ್ನು ಅಪ್ರೋಚ್ ಮಾಡುತ್ತಾರಾ ಎಂಬುದು ಇನ್ನಷ್ಟೇ ಗೊತ್ತಾಗಬೇಕಿದೆ.
ತಮಿಳಿನಲ್ಲಿ ‘ಮಣ್ಣಾಂಗಟ್ಟಿ’, ‘ರಾಕ್ಕಾಯಿ’ ಸಿನಿಮಾಗಳಲ್ಲಿ ನಟಿಸುತ್ತಿರುವ ನಯನತಾರಾ, ಮಲಯಾಳಂನಲ್ಲಿ ‘ಡಿಯರ್ ಸ್ಟೂಡೆಂಟ್ಸ್’ ಮತ್ತು ಮೋಹನ್ಲಾಲ್ ಜೊತೆ ಒಂದು ಸಿನಿಮಾದಲ್ಲಿದ್ದಾರೆ. ಇದಲ್ಲದೆ, ಕನ್ನಡದಲ್ಲಿ ರಾಕಿಂಗ್ ಸ್ಟಾರ್ ಯಶ್ ಜೊತೆ ‘ಟಾಕ್ಸಿಕ್’ ಎಂಬ ಪ್ಯಾನ್ ಇಂಡಿಯಾ ಸಿನಿಮಾದಲ್ಲೂ ನಟಿಸುತ್ತಿದ್ದಾರೆ.
