newsics.com
ಆನೆಯೊಂದು ತನ್ನ ವಿಶಿಷ್ಟ ಕೇಶ ವಿನ್ಯಾಸದಿಂದಲೇ ದೊಡ್ಡ ಅಭಿಮಾನಿ ಬಳಗವನ್ನೇ ಹೊಂದಿದೆ. ಅಲ್ಲದೆ, ಇಂಟರ್ನೆಟ್ನಲ್ಲೂ ಈ ಆನೆ ಟ್ರೆಂಡ್ ಸೃಷ್ಟಿಸಿದೆ.
ತಮಿಳುನಾಡಿನ ಮನ್ನಾರ್ಗುಡಿ ಪಟ್ಟಣದ ರಾಜಗೋಪಾಲಸ್ವಾಮಿ ದೇವಸ್ಥಾನದಲ್ಲಿರುವ ಸೆಂಗಮಾಲಂ ಹೀಗೆ ವಿಶಿಷ್ಟ ರೀತಿಯಲ್ಲಿ ಗುರುತಿಸಿಕೊಂಡಿರುವ ಹೆಣ್ಣಾನೆ. ಸೆಂಗಮಾಲಂನ ಹೇರ್ಸ್ಟೈಲ್ ಅದೆಷ್ಟು ಖ್ಯಾತಿ ಗಳಿಸಿದೆ ಎಂದರೆ ಎಲ್ಲರೂ ಈ ಆನೆಯನ್ನು `ಬಾಬ್ ಕಟ್ ಸೆಂಗಮಾಲಂ’ ಎಂದೇ ಕರೆಯುತ್ತಾರೆ.
ಸದ್ಯ ಭಾರತೀಯ ಅರಣ್ಯ ಸೇವೆಯ ಅಧಿಕಾರಿ ಸುಧಾ ರಾಮನ್ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಈ ಸೆಂಗಮಾಲಂನ ಫೋಟೋವನ್ನು ಹಂಚಿಕೊಂಡಿದ್ದಾರೆ. `ತನ್ನ ವಿಶಿಷ್ಟ ಕೇಶ ವಿನ್ಯಾಸದಿಂದಲೇ ಅಪಾರ ಅಭಿಮಾನಿಗಳನ್ನು ಹೊಂದಿರುವ ಇವಳು `ಬಾಬ್-ಕಟ್ ಸೆಂಗಮಾಲಂ’ ಎಂದೇ ಖ್ಯಾತಿ ಗಳಿಸಿದ್ದಾಳೆ. ಇವಳನ್ನು ತಮಿಳುನಾಡಿನ ಮನ್ನಾರ್ಗುಡಿಯ ಶ್ರೀ ರಾಜಗೋಪಾಲಸ್ವಾಮಿ ದೇವಸ್ಥಾನದಲ್ಲಿ ನೋಡಬಹುದು’ ಎಂದು ಸುಧಾ ರಾಮನ್ ತಮ್ಮ ಟ್ವೀಟ್ನಲ್ಲಿ ಬರೆದುಕೊಂಡಿದ್ದಾರೆ. ಅಲ್ಲಿಂದ ಈ ಆನೆಯ ಕತೆ ಮತ್ತೆ ವೈರಲ್ ಆಗುತ್ತಿದೆ
2003ರಲ್ಲಿ ಕೇರಳದಿಂದ ಮನ್ನಾರ್ಗುಡಿಯ ರಾಜಗೋಪಾಲಸ್ವಾಮಿ ದೇವಸ್ಥಾನಕ್ಕೆ ಸೆಂಗಮಾಲಂಳನ್ನು ಕರೆತರಲಾಗಿತ್ತು. ಎಸ್ ರಾಜಗೋಪಾಲ್ ಈ ಆನೆಯ ಮಾವುತರು. ಅತ್ಯಂತ ಪ್ರೀತಿಯಿಂದ ಸೆಂಗಮಾಲಂಳನ್ನು ನೋಡಿಕೊಳ್ಳುತ್ತಿರುವ ರಾಜಗೋಪಾಲ್ ಇವಳಿಗೆ ಈ ರೀತಿ ಕೇಶವಿನ್ಯಾಸ ಮಾಡಿ ಖುಷಿಪಡುತ್ತಿದ್ದಾರೆ
