newsics.com
ಬೆಂಗಳೂರು: ಬಿಗ್ ಬಾಸ್ ಕನ್ನಡ ಶೋ ಬಳಿಕ ಡೋನ್ ಪ್ರತಾಪ್ ಅವರ ಜನಪ್ರಿಯತೆ ಹೆಚ್ಚಾಗಿದೆ.
ಬಿಗ್ ಬಾಸ್ ಶೋನಲ್ಲಿ ರನ್ನರ್ ಅಪ್ ಆದ ಬಳಿಕ ಪ್ರತಾಪ್ ನಾನಾ ರಿಯಾಲಿಟಿ ಶೋಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಇತ್ತೀಚೆಗೆ ಆರಂಭವಾದ ‘ಭರ್ಜರಿ ಬ್ಯಾಚುಲರ್ಸ್ -2’ ಶೋನಲ್ಲಿ ಪ್ರತಾಪ್ ವೀಕ್ಷಕರ ಗಮನ ಸೆಳೆಯುತ್ತಿದ್ದಾರೆ.
ಶೋನಲ್ಲಿ ಪ್ರತಾಪ್ ಅವರು ಗಗನಳಿಗೆ ಪಾಟ್ನರ್ ಆಗಿದ್ದಾರೆ. ಇಬ್ಬರ ಜೋಡಿ ಶೋನಲ್ಲಿ ಗಮನ ಸೆಳೆಯುತ್ತಿದೆ. ನಾನು ಡೋನ್ ಎಂದು ಪ್ರತಾಪ್ ಹೇಳಿದ್ದು, ಗಗನ ನಾನು ಹೆಲಿಕಾಪ್ಟರ್ ಗಗನ ಎಂದಿದ್ದಾರೆ. ಗಗನಳನ್ನು ಪ್ರತಾಪ್ ಹೆಲಿಕಾಪ್ಟರ್ನಲ್ಲಿ ಕೂರಿಸಿಕೊಂಡು ಸುತ್ತಾಡಿಸಿದ್ದಾರೆ. ಇದಲ್ಲದೆ ಪ್ರತಾಪ್ ಗಗನಳಿಗೆ ಅರಿಶಿನ-ಕುಂಕುಮ ಕೂಡ ಕೊಟ್ಟಿರುವುದನ್ನು ಪ್ರೋಮೊದಲ್ಲಿ ತೋರಿಸಲಾಗಿದೆ.
ಸಾವಿರ ಅಡಿ ಎತ್ತರದಲ್ಲಿ ಹೆಲಿಕಾಪ್ಟರ್ನಲ್ಲಿ ಕೂರಿಸಿ ಪ್ರತಾಪ್ ಕನ್ನಡದ ಹೆಣ್ಮಗಳೆಂದು ಅರಿಶಿನ-ಕುಂಕುಮ ಕೂಡ ಕೊಟ್ಟಿದ್ದಾರೆ.
ಇದನ್ನು ನೋಡಿ ಕ್ರೇಜಿಸ್ಟಾರ್ ರವಿಚಂದ್ರನ್ ಹಾಗೂ ರಚಿತಾ ರಾಮ್ ಮೆಚ್ಚಿಕೊಂಡಿದ್ದಾರೆ. ಗಗನಕ್ಕೆ ಕರೆದುಕೊಂಡು ಹೋಗಿ ಅರಿಶಿನ-ಕುಂಕುಮ ನೀಡಿದ್ದೇ ಬೆಸ್ಟ್ ಸರ್ಪ್ರೈಸ್ ಎಂದು ಹೇಳಿದ್ದಾರೆ.
ನನಗೆ ಸಖತ್ ಖುಷಿ ಆಯಿತು. ಇದನ್ನು ನಿರೀಕ್ಷೆ ಮಾಡಿರಲಿಲ್ಲ. ಪ್ರತಾಪ್ ಜೋಡಿಯಾಗಿ ಸಿಕ್ಕಿದ್ದು, ನಿಜಕ್ಕೂ ನಾನು ಲಕ್ಕಿ ಎಂದು ಗಗನ ಹೇಳಿಕೊಂಡಿದ್ದಾರೆ.
https://www.instagram.com/reel/DG1yH9Yt6gH/?igsh=MXNmbnJ5eW80cjRlNg==
