newsics.com
ಇತ್ತೀಚಿನ ವರ್ಷಗಳಲ್ಲಿ ಭಾರತದ ಮಹಿಳೆಯರನ್ನು ಕಾಡುತ್ತಿರುವ ಸಮಸ್ಯೆಗಳಲ್ಲಿ ಈ ಖಿನ್ನತೆ ಕೂಡ ಒಂದಾಗಿದೆ. ಮನೋವೈಜ್ಞಾನಿಕ ಸಮಸ್ಯೆಯಾಗಿ ಇಂದು ಭಾರತೀಯ ಮಹಿಳೆಯರಲ್ಲಿ ಈ ಖಿನ್ನತೆ ಕಾಡತೊಡಗಿದೆ.
ಖಿನ್ನತೆ ವಾರದಿಂದ ಹಿಡಿದು ವರ್ಷಗಳ ವರೆಗೂ ನಿಮ್ಮನ್ನು ಕಾಡಬಹುದು. ಹಾಗೆ ಕೆಲವರು ಈ ಖಿನ್ನತೆಯಿಂದ ಹೊರಬರಲಾಗದೆ ತೀವ್ರ ಸಂಕಷ್ಟ ಎದುರಿಸಬಹುದು, ಕೆಲವೊಮ್ಮೆ ಪ್ರಾಣಹಾನಿಯೂ ಸಂಭವಿಸಲಿದೆ.
WHO ಪ್ರಕಾರ ಪ್ರತಿ ವರ್ಷ 8 ಲಕ್ಷ ಜನರು ಆತ್ಮಹತ್ಯೆ ಮೂಲಕ ಪ್ರಾಣ ಕಳೆದುಕೊಳ್ಳುತ್ತಾರೆ . ಪ್ರತಿ 40 ಸೆಕೆಂಡುಗಳಿಗೆ ಒಬ್ಬರು ಆತ್ಮಹತ್ಯೆಗೆ ಒಳಗಾಗುತ್ತಾರೆ. ಅಚ್ಚರಿ ಸಂಗತಿ ಎಂದರೆ ಭಾರತದಲ್ಲಿ ಪುರುಷರಿಗಿಂತ ಹೆಚ್ಚು ಬಾರಿ ಮಹಿಳೆಯರು ಆತ್ಮಹತ್ಯೆಗೆ ಪ್ರಯತ್ನಿಸುತ್ತಾರೆ ಎಂಬುದು ವರದಿಗಳು ಹೇಳುತ್ತವೆ.
ಪ್ರಮುಖ ಖಿನ್ನತೆಯ ಅಸ್ವಸ್ಥತೆ: ಈ ರೀತಿಯ ಖಿನ್ನತೆಯನ್ನು ಕ್ಲೀನಿಕಲ್ ಖಿನ್ನತೆ ಅಂತಲೂ ಕರೆಯುತ್ತಾರೆ. ಇದು ನಿರಂತರ ದುಃಖ, ನೋವಿನ ಕಾರಣದಿಂದಾಗಿ ಉಂಟಾಗಬಹುದು. ಸಾಮಾನ್ಯವಾಗಿ ಪ್ರೀತಿ ಪಾತ್ರರು ಅಗಲಿದ್ದಾಗ, ದೂರಾದಾಗ ಹೆಚ್ಚಿನ ಜನರು ಈ ಸಮಸ್ಯೆಗೆ ಒಳಗಾಗುವುದು ನೋಡಬಹುದು.
ನಿರಂತರ ಖಿನ್ನತೆಯ ಅಸ್ವಸ್ಥತೆ: ಕನಿಷ್ಠ ಎರಡು ವರ್ಷಗಳವರೆಗೆ ಕಾಡುವಂತಹ ಖಿನ್ನತೆ ಇದಾಗಿದೆ. ಸೂಕ್ತ ಸಮಯಕ್ಕೆ ಚಿಕಿತ್ಸಗೆ ಒಳಗಾಗದಿದ್ದರೆ ಇದು MDD ಸಮಸ್ಯೆಯಾಗಿ ರೂಪುಗೊಳ್ಳುತ್ತದೆ.
ಬೈಪೋಲಾರ್ ಡಿಸಾರ್ಡರ್ : ಖಿನ್ನತೆ ಮತ್ತು ಉನ್ಮಾದ ಅಥವಾ ಹೈಪೋಮೇನಿಯಾ ಸಮಸ್ಯೆ ಒಳಗೊಂಡಿದೆ. ವಾರಗಳು, ತಿಂಗಳ ಕಾಲ ಈ ಖಿನ್ನತೆ ಕಾಡುತ್ತದೆ. ಅಥವಾ ಆಗಾಗ ಎದುರಾಗುವ ಸಮಸ್ಯೆ ಎನ್ನಬಹುದು.
SAD ಕಾಲೋಚಿತ ಪರಿಣಾಮಕಾರಿ ಅಸ್ವಸ್ಥತೆ : ವರ್ಷದ ನಿರ್ದಿಷ್ಟ ಸಮಯಗಳಲ್ಲಿ ಮಾತ್ರವೇ ಉಂಟಾಗುವ ಸಮಸ್ಯೆ.
ಪ್ರಸವಾನಂತರದ ಖಿನ್ನತೆ : ಹೆರಿಗೆಯ ನಂತರ ತಾಯಂದಿರಲ್ಲಿ ಸಂಭವಿಸುತ್ತದೆ, ತೀವ್ರ ಒತ್ತಡ, ತಾಯ್ತನದ ಕಾರಣದಿಂದಾಗಿಯೂ ಇದು ಸಂಭವಿಸಬಹುದು. ಆದರೆ ಬಹಳ ಕಾಲ ಇರುವುದಿಲ್ಲ.
ಮಹಿಳೆರಯರಲ್ಲಿ ಸಾಮಾನ್ಯವಾಗಿ ಕೌಟುಂಬಿಕ ಸಮಸ್ಯೆಗಳಿಂದ ಖಿನ್ನತೆ ಹೆಚ್ಚಾಗಿ ನೋಡಬಹುದ. ಋಣಾತ್ಮಕ ಮನೋಭಾವವನ್ನು ಬಿಡುವುದು, ಕೀಳರಿಮೆ, ನಕಾರಾತ್ಮಕ ಆಲೋಚನೆಗಳಿಂದ ಹೊರಬರುವುದೇ ಇದಕ್ಕಿರುವ ಸೂಕ್ತ ಚಿಕಿತ್ಸೆ. ಎಲ್ಲದಕ್ಕಿಂತ ಮುಖ್ಯವಾಗಿ ಕ್ರಿಯಾಶೀಲರಾಗುವುದು, ದೈಹಿಕ ಕೆಲಸಗಳಲ್ಲಿ ಭಾಗಿಯಾಗುವುದು, ವ್ಯಾಯಾಮ, ಧ್ಯಾನ, ಯೋಗ, ಪ್ರವಾಸ ಹೀಗೆ ಮನಸ್ಸಿಗೆ ನೆಮ್ಮದಿ ನೀಡುವಂತಹ ಕೆಲಸದಲ್ಲಿ ಭಾಗಿಯಾಗುವುದು
