newsics.com
ನಮ್ಮ ಮನೆಯ ಸುತ್ತಮುತ್ತ ಇರುವ ಗಿಡಮರಗಳೇ ಸಾಕು ಹಾವುಗಳನ್ನು ಆಕರ್ಷಣೆ ಮಾಡೋಕೆ. ಹೀಗಾಗಿ ಈ ಗಿಡಮರಗಳು ನಿಮ್ಮ ಮನೆ ವಾತಾವರಣದಲ್ಲಿ ಇದೆಯಾ ಎಂಬುದನ್ನು ಗಮನಿಸಿ.
ನಿಂಬೆ ಗಿಡ/ಮರವು (Lemon Tree) ಹಾವುಗಳು ವಾಸಿಸಲು ಇಷ್ಟಪಡುವ ಮರವಾಗಿದೆ. ನಿಮಗೆ ಅಚ್ಚರಿ ಅನ್ನಿಸಿದರೂ ಇದು ಸತ್ಯ. ನಿಂಬೆ ಮರದಲ್ಲಿ ಹುಳಿಯಾದ ಹಣ್ಣು ಬಿಡೋದ್ರಿಂದ ಅವುಗಳಲ್ಲಿ ಕೀಟಗಳು, ಹುಳುಗಳು ಜಾಸ್ತಿ ಬೆಳೆಯುತ್ತವೆ. ಈ ಕೀಟ, ಹುಳು ಹುಪ್ಪಟೆಗಳನ್ನು ತಿನ್ನಲು ಪಕ್ಷಿಗಳು ಮಾತ್ರವಲ್ಲ ಹಾವುಗಳೂ ಬರುತ್ತವೆ.
ಹಾವುಗಳು ಮಲ್ಲಿಗೆ ಗಿಡದ (Jasmine plant) ಸುತ್ತಮುತ್ತ ಕೂಡ ವಾಸಿಸಲು ಇಷ್ಟಪಡುತ್ತವೆಯಂತೆ. ಮಲ್ಲಿಗೆ ಗಿಡ ಪೊದೆಯಂತೆ ದಟ್ಟವಾಗಿ ಬೆಳೆಯುವುದರಿಂದ ಮತ್ತು ಸುಗಂಧಭರಿತ ವಾಸನೆಯನ್ನು ಹೊರಸೂಸುವುದರಿಂದ ಬಿಸಿಲಿನಿಂದ ಪಾರಾಗಲು ಹಾವುಗಳು ಮಲ್ಲಿಗೆ ಗಿಡದ ಪೊದೆಯನ್ನು ಆಶ್ರಯಿಸುತ್ತವೆ. ಹೀಗಾಗಿ ಮಲ್ಲಿಗೆ ಕೊಯ್ಯಲು ಹೋದಾಗ ಒಮ್ಮೆಲೇ ಕೈ ಹಾಕುವ ಮೊದಲು ಎಚ್ಚರದಿಂದ ಇರಿ.
ಪರಿಮಳಯುಕ್ತ ಶ್ರೀಗಂಧ ಮರಗಳ (Sandalwood Tree) ಮೇಲೆ ಹಾವುಗಳು ವಾಸಿಸುತ್ತವೆಯಂತೆ. ದಪ್ಪ ಎಲೆ ಅಥವಾ ಟೊಳ್ಳು ಮರಗಳ ಮೇಲೆ ಹೆಚ್ಚಾಗಿ ಹಾವುಗಳು ಕಂಡುಬರುತ್ತವೆ. ಹಾವುಗಳು ಹೆಚ್ಚು ತಂಪು ವಾತಾವರಣವನ್ನು ಬಯಸುತ್ತದೆ. ಶ್ರೀಗಂಧ ಮರ ತಂಪಾಗಿರೋದು ಹಾವುಗಳ ಆಕರ್ಷಣೆಗೆ ಕಾರಣ. ಇದರ ಜತೆಗೆ ದೇವದಾರು ಮರದ (Deodar cedar) ಮೇಲೆ ಕೂಡ ಹಾವುಗಳು ಆಶ್ರಯವನ್ನು ಪಡೆಯುತ್ತವೆಯಂತೆ.
ಹಾವುಗಳು ಬಂದು ಆ ಗಿಡಮರದ ಮೇಲೆಯೋ ಅಥವಾ ಪೊದೆಯಲ್ಲಿಯೋ ವಾಸ ಮಾಡುತ್ತೆ. ಹೀಗಾಗಿ ನಾವು ಇವುಗಳ ಬಗ್ಗೆ ಎಚ್ಚರದಿಂದ ಇರುವುದು ತುಂಬಾ ಮುಖ್ಯ.
