newsics.com
ಬೆಂಗಳೂರು : ಮುಂಗಾರು ಮಳೆಚಿತ್ರದಿಂದಲೇ ಕನ್ನಡಿಗರ ಹೃದಯ ಗೆದ್ದ ಪೂಜಾ ಗಾಂಧಿ, ಕನ್ನಡ ಕಲಿತು ತಮ್ಮ ಕನ್ನಡ ಪ್ರೇಮವನ್ನ ಗೌರವಿಸುತ್ತಿದ್ದಾರೆ. ಕನ್ನಡಿಗರ ಆ ಕನ್ನಡ ಪ್ರೀತಿಗೆ ತಮ್ಮದೇ ರೀತಿಯಲ್ಲಿ ಗೌರವ ಕೊಡುತ್ತಲೇ ಇದ್ದಾರೆ.
ಚೆಲಿಸುವ ಮೋಡಗಳು ಚಿತ್ರದ ‘ಜೇನಿನ ಹೊಳೆಯೋ’ ಹಾಡನ್ನ ಅಷ್ಟೇ ಪ್ರೀತಿಯಿಂದಲೇ ಕಲಿತುಕೊಂಡಿದ್ದಾರೆ. ಪ್ರತಿ ಪದದ ಅರ್ಥವನ್ನ ತಿಳಿದುಕೊಂಡು ಹಾಡಿದ್ದಾರೆ. ಅದನ್ನ ಯಾವಾಗ ಹೇಗೆ ಹಾಡ್ಬೇಕು ಅನ್ನೋದನ್ನ ಅರ್ಥ ಮಾಡಿಕೊಂಡಿದ್ದಾರೆ.
ಜೇನಿನ ಹೊಳೆಯೋ ಹಾಲಿನ ಮಳೆಯೋ ಅಂತ ಅಣ್ಣಾವ್ರು ಹಾಡಿದ್ದರು. ಅದೇ ಹಾಡನ್ನ ಇದೀಗ ಪೂಜಾ ಗಾಂಧಿ ತಮ್ಮ ವಿಶೇಷ ಕಂಠಸಿರಿಯಲ್ಲಿಯೇ ಹಾಡಿದ್ದಾರೆ. ಹಾಡೋದಷ್ಟೇ ಅಲ್ಲ. ಈ ಮೂಲಕ ಕನ್ನಡ ಪ್ರೀತಿಯನ್ನು ಕೂಡ ಹಂಚಿಕೊಂಡಿದ್ದಾರೆ. ಕನ್ನಡದ ಮೇಲಿನ ಪ್ರೀತಿ ಸದಾ ಇರಲಿ ಅಂತಲೂ ಕೇಳಿಕೊಂಡಿದ್ದಾರೆ.
ಕನ್ನಡ ನಾಡಿನ ಮಹಾನ್ ನಟ ಡಾಕ್ಟರ್ ರಾಜ್ಕುಮಾರ್ ಹಾಡಿರೋ ಕನ್ನಡ ನಾಡಿನ ಬಗೆಗಿನ ಹಾಡನ್ನು ಹಾಡಿದ್ದಾರೆ. ಇವರ ಈ ಒಂದು ಕನ್ನಡ ಪ್ರೀತಿಗೆ ಅರ್ಜುನ್ ಜನ್ಯ ಸಾಥ್ ಕೊಟ್ಟಿದ್ದಾರೆ.
