newsics.com
ಥೈಲ್ಯಾಂಡ್ ಸಲಿಂಗಿ ವಿವಾಹಕ್ಕೆ ಕಾನೂನುಬದ್ಧ ಮಾನ್ಯತೆ ನೀಡುವ ಮೂಲಕ ಇತಿಹಾಸ ಸೃಷ್ಟಿಸಿದೆ. ಈ ಹೊಸ ಕಾನೂನಿನ ಪ್ರಕಾರ, ಸಲಿಂಗಿ ದಂಪತಿಗಳು ಇತರ ದಂಪತಿಗಳಿಗೆ ಸಮಾನ ಹಕ್ಕುಗಳನ್ನು ಪಡೆಯಲಿದ್ದಾರೆ. ಇದರಲ್ಲಿ ಆನುವಂಶಿಕ ಹಕ್ಕುಗಳು, ದತ್ತು ಪಡೆಯುವ ಹಕ್ಕು ಮತ್ತು ವೈದ್ಯಕೀಯ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಹಕ್ಕು ಸೇರಿವೆ.
ಈ ಹೊಸ ಕಾನೂನಿನ ಅಡಿಯಲ್ಲಿ, ಹಲವಾರು ಸಲಿಂಗಿ ದಂಪತಿಗಳು ತಮ್ಮ ವಿವಾಹವನ್ನು ನೋಂದಾಯಿಸಿಕೊಳ್ಳಲು ಮುಂದಾಗಿದ್ದಾರೆ. ಬ್ಯಾಂಕಾಕ್ನ ಸಿಯಾಮ್ ಪರಾಗನ್ನಲ್ಲಿ ಸುಮಾರು 180 ದಂಪತಿಗಳು ತಮ್ಮ ವಿವಾಹವನ್ನು ಆಚರಿಸಲು ಸೇರಿದ್ದರು. ಈ ದೇಶದಲ್ಲಿ ಸುಮಾರು 20 ವರ್ಷಗಳಿಂದ LGBTQ+ ಸಮುದಾಯವು ಸಲಿಂಗಪ್ರೇಮ ವಿವಾಹಕ್ಕೆ ಕಾನೂನು ಮಾನ್ಯತೆ ನೀಡಬೇಕೆಂದು ಒತ್ತಾಯಿಸುತ್ತಿದೆ, ಇದಕ್ಕಾಗಿ ಅನೇಕ ಹೋರಾಟಗಳೂ ನಡೆದಿವೆ ಅನ್ನೋದು ಗಮನಾರ್ಹ. ಹೀಗಾಗಿ ಈ ಹೋರಾಟದ ಫಲವಾಗಿ ಇಂದು ಸಲಿಂಗ ಪ್ರೇಮ ವಿವಾಹ ಅಧಿಕೃತವಾಗಿ ಕಾನೂನು ಮಾನ್ಯತೆ ಸಿಕ್ಕಿದೆ.
ಇಂದಿನಿಂದ ಥಾಯ್ಲೆಂಡ್ ದೇಶದಲ್ಲಿ ಸಲಿಂಗಪ್ರೇಮ ವಿವಾಹ ಜಾರಿಗೆ ಬಂದಿದ್ದು, ಕಾನೂನು ಜಾರಿಯಾದ ಮೊದಲ ದಿನವೇ 300 LGBTQ+ ಜೋಡಿಗಳು ಮದುವೆಯಾಗುವ ನಿರೀಕ್ಷೆಯಿದೆ
ಈ ಹಿಂದೆ ತೈವಾನ್ ಮತ್ತು ನೇಪಾಳ ಮಾತ್ರ ಸಲಿಂಗಿ ವಿವಾಹಕ್ಕೆ ಕಾನೂನುಬದ್ಧ ಮಾನ್ಯತೆ ನೀಡಿದ್ದವು.
