newsics.com
ನವದೆಹಲಿ : ಭಾರತ ಟಿ20 ತಂಡದಲ್ಲಿ ಪ್ರಸ್ತುತ ಖಾಯಂ ಸದಸ್ಯನಾಗಿರುವ ಸ್ಫೋಟಕ ಬ್ಯಾಟ್ಸ್ಮನ್ ರಿಂಕು ಸಿಂಗ್ ಭಾವಿ ಮಡದಿಯ ಆಸೆಯಂತೆಯೇ ರಿಂಕು ಸಿಂಗ್ ಅಲಿಗಢದಲ್ಲಿ ದುಬಾರಿ ಬೆಲೆಯನ್ನು ಮನೆಯನ್ನು ಸಹ ಖರೀದಿಸಿದ್ದಾರೆ.
ರಿಂಕು ಸಿಂಗ್ ಇತ್ತೀಚೆಗೆ ಅಲಿಗಢದಲ್ಲಿ ಹೊಸ ಮನೆಯನ್ನು ಖರೀದಿಸಿದ್ದು, ಈಗಾಗಲೇ ಆ ಮನೆಗೆ ರಿಂಕು ಕುಟುಂಬ ಶಿಫ್ಟ್ ಆಗಿದೆ. ವಿಶೇಷವೆಂದರೆ ಪ್ರಿಯಾ ಸರೋಜ್ ಅವರ ಆಯ್ಕೆಯ ಮೇರೆಗೆ ರಿಂಕು ಸಿಂಗ್ ಈ ಮನೆಯನ್ನು ಖರೀದಿಸಿದ್ದಾರೆ. ಪ್ರಿಯಾ ಸರೋಜ್ ಅವರು ಓಕೆ ಮಾಡಿದ ನಂತರವೇ ರಿಂಕು ಸಿಂಗ್ ಈ ಐಷಾರಾಮಿ ಬಂಗಲೆಯನ್ನು ಖರೀದಿಸಿರುವುದಾಗಿ ಹೇಳಲಾಗುತ್ತಿದೆ. ವರದಿಗಳ ಪ್ರಕಾರ, ರಿಂಕು ಸಿಂಗ್ ಅವರು ಈ ಮನೆಯನ್ನು ಖರೀದಿಸಬೇಕೇ ಅಥವಾ ಬೇಡವೇ ಎಂಬ ದ್ವಂದ್ವದಲ್ಲಿದ್ದರು.
ಆದರೆ ಈ ಮನೆ ಪ್ರಿಯಾ ಸರೋಜ್ ಅವರಿಗೆ ಇಷ್ಟವಾಗಿ ಖರೀದಿಸುವಂತೆ ಕೇಳಿಕೊಂಡಿದ್ದರು. ಇದಲ್ಲದೆ ಪ್ರಿಯಾ ಅವರ ಸಲಹೆಯ ಮೇರೆಗೆ ಬಂಗಲೆಯ ಒಳಾಂಗಣವನ್ನು ಬದಲಾಯಿಸಲಾಗಿದ್ದು, ಈ ಮನೆಯ ಬೆಲೆ ಸುಮಾರು 3.5 ಕೋಟಿ ರೂ. ಎಂದು ಹೇಳಲಾಗುತ್ತಿದೆ
