newsics.com
ಜಪಾನಿನ ಫಿಲಿಕೊ ಜ್ಯುವೆಲ್ಲರಿ ಬ್ರ್ಯಾಂಡ್ನ 750ml ನೀರಿನ ಬಾಟಲ್ ಬೆಲೆ 1.15 ಲಕ್ಷ ರೂಪಾಯಿ. ರೋಕೌ ರಾಷ್ಟ್ರೀಯ ಉದ್ಯಾನವನದ ಬೆಟ್ಟಗಳ ತಪ್ಪಲಿನಲ್ಲಿ ಸಿಗುವ ಈ ನೀರಿನಲ್ಲಿ ಆಮ್ಲಜನಕದ ಪ್ರಮಾಣ ಅತಿ ಹೆಚ್ಚು ಎಂದು ಹೇಳಲಾಗುತ್ತದೆ. ನೀರಿನ ಶುದ್ಧತೆ ಮತ್ತು ಹೆಚ್ಚಿನ ಖನಿಜಾಂಶಗಳ ಹೊರತಾಗಿ ಈ ಬಾಟಲನ್ನು ವಜ್ರ ಮತ್ತು ಚಿನ್ನದಿಂದ ವಿನ್ಯಾಸಗೊಳಿಸಲಾಗಿದೆ.
ಸದ್ಯ ವಿಶ್ವದ ಅತ್ಯಂತ ದುಬಾರಿ ಬೆಲೆಯ ನೀರಿನ ಬಾಟಲ್ ಸೋಶಿಯಲ್ ಮೀಡಿಯಾಗಳಲ್ಲಿ ಭಾರೀ ಸದ್ದು ಮಾಡುತ್ತಿದೆ. ಸಾಮಾನ್ಯವಾಗಿ 1ಲೀಟರ್ ನೀರಿನ ಬಾಟಲಿಗೆ 20 ರೂ. ಇರುತ್ತದೆ. ಆದರೆ ಈ ನೀರಿನ ಬಾಟಲಿಗೆ ಬರೋಬ್ಬರೀ 1.15 ಲಕ್ಷ ರೂ. ಪಾವತಿಸಬೇಕು.
ಕಂಪನಿಯು ಈ ನೀರನ್ನು ಗ್ರಾನೈಟ್ ಫಿಲ್ಟರೇಶನ್ ಪ್ರಕ್ರಿಯೆಯ ಮೂಲಕ ಫಿಲ್ಟರ್ ಮಾಡುತ್ತದೆ, ಇದರಲ್ಲಿ ಎಲ್ಲಾ ರೀತಿಯ ಕಲ್ಮಶಗಳನ್ನು ನೀರಿನಿಂದ ನೈಸರ್ಗಿಕ ರೀತಿಯಲ್ಲಿ ತೆಗೆದುಹಾಕಲಾಗುತ್ತದೆ. ಕಂಪನಿಯು ನೀರಿನ ಬಾಟಲಿಗಳನ್ನು ವಿವಿಧ ರೀತಿಯ ವಜ್ರಗಳು ಮತ್ತು ಆಭರಣಗಳಿಂದ ಅಲಂಕರಿಸುತ್ತದೆ. ಬಾಟಲಿಯ ಮುಚ್ಚಳವು ವಜ್ರಗಳಿಂದ ಕೂಡಿದೆ ಮತ್ತು ಚಿನ್ನದ ತೆಳುವಾದ ಪದರವನ್ನು ಸಹ ಹೊಂದಿದೆ.
