newsics.com
ಡಮಾಸ್ಕಸ್: ಸಿರಿಯಾ ದೇಶದ ರಾಜಧಾನಿ ಡಮಾಸ್ಕಸ್ಗೆ ಬಂಡುಕೋರರು ದಾಳಿ ಮಾಡಿದ ನಂತರ ಅಧ್ಯಕ್ಷ ಬಶರ್ ಅಲ್-ಅಸ್ಸಾದ್ ಭಾನುವಾರ ಬೆಳಿಗ್ಗೆ ದೇಶದಿಂದ ಪಲಾಯನ ಮಾಡಿದ್ದು, ಅಧ್ಯಕ್ಷ ಅಸ್ಸಾದ್ ಎಲ್ಲಿಗೆ ಹೋದ, ಏನಾದ ಎನ್ನುವ ಮಾಹಿತಿ ಇಲ್ಲ ಎನ್ನಲಾಗಿದೆ.
ಇನ್ನೊಂದೆಡೆ ಅಸ್ಸಾದ್ ಅವರು ವಿಮಾನ ಅಪಘಾತದಲ್ಲಿ ಸಾವನ್ನಪ್ಪಿರಬಹುದು ಎಂದು ರಾಯಿಟರ್ಸ್ ಸುದ್ದಿ ಸಂಸ್ಥೆ ವರದಿ ಮಾಡಿದೆ. ಇದರೊಂದಿಗೆ ಅಸ್ಸಾದ್ ಅವರ 24 ವರ್ಷಗಳ ಆಳ್ವಿಕೆಯ ಅಂತ್ಯವಾಯಿತ್ತಾ ಎನ್ನುವ ಅನುಮಾನ ಮೂಡುತ್ತಿದೆ. ಯಾಕೆಂದರೆ ಫ್ಲೈಟ್ರಾಡಾರ್ ಡೇಟಾದ ಪ್ರಕಾರ ರಾಜಧಾನಿಯಿಂದ ಅಸ್ಸಾದ್ ಹಾರಾಟದ ಕುರಿತು “ವಿವರಿಸಲಾಗದ ಯು-ಟರ್ನ್ ಮತ್ತು ಕಣ್ಮರೆ” ಎಂದು ಉಲ್ಲೇಖಿಸಿದೆ.
ಫ್ಲೈಟ್ರಾಡಾರ್ ವೆಬ್ಸೈಟ್ನ ಡೇಟಾವನ್ನು ರಾಯಿಟರ್ಸ್ ಉಲ್ಲೇಖಿಸಿದ್ದು, ಬಂಡುಕೋರ ಪಡೆಗಳಿಂದ ರಾಜಧಾನಿ ಡಮಾಸ್ಕಸ್ ನಗರವು ದಾಳಿಗೊಳಗಾದ ಸಮಯದಲ್ಲಿ ಸಿರಿಯನ್ ವಿಮಾನವೊಂದು ಡಮಾಸ್ಕಸ್ ವಿಮಾನ ನಿಲ್ದಾಣದಿಂದ ಹೊರಟಿದೆ ಎಂದು ವರದಿ ಮಾಡಿತ್ತು. ಇನ್ನು ವಿಮಾನವು ಪ್ರಾರಂಭದಲ್ಲಿ ಅಧ್ಯಕ್ಷ ಅಸ್ಸಾದ್ ಅವರ ಭದ್ರಕೋಟೆ ಎಂದು ನಂಬಲಾದ ಸಿರಿಯಾದ ಕರಾವಳಿ ಪ್ರದೇಶತ್ತ ಚಲಿಸಿತ್ತು ಎನ್ನಲಾಗಿದೆ. ಆದರೆ, ವಿಮಾನವು ಏಕಾಏಕಿ ಯು-ಟರ್ನ್ ಮಾಡುವುದರೊಂದಿಗೆ ಸ್ವಲ್ಪ ಸಮಯದವರೆಗೆ ವಿರುದ್ಧ ದಿಕ್ಕಿನಲ್ಲಿ ಹಾರಿ, ನಂತರ ಹಠಾತ್ ರಾಡಾರ್ಗಳಿಂದ ಕಣ್ಮರೆಯಾಗಿದೆ. ಇದರಿಂದ ಅಸ್ಸಾದ್ ಅವರು ಆಕಾಶದಲ್ಲೆ ಕೊಲ್ಲಲ್ಪಟ್ಟಿರಬಹುದು ಎಂಬ ಊಹಾಪೋಹ ಹರಡಿದೆ.
