newsics.com
ಬೆಂಗಳೂರು : ಹನ್ನೆರಡು ವಾರಗಳು ಬಿಗ್ ಬಾಸ್ ಮನೆಯಲ್ಲಿ ಇದ್ದ ಕನ್ನಡತಿ ಯಶ್ಮಿ ಗೌಡ ಭಾರಿ ಮೊತ್ತದ ಸಂಭಾವನೆ ಪಡೆದಿದ್ದಾರೆ.
ಬಿಗ್ ಬಾಸ್ ತೆಲುಗು ಸೀಸನ್ 8 ಕೊನೆಯ ಹಂತಕ್ಕೆ ಬಂದಿದೆ. ಇನ್ನು ಮೂರು ವಾರಗಳಲ್ಲಿ ಶೋ ಮುಗಿಯಲಿದೆ. ಪ್ರಸ್ತುತ ಮನೆಯಲ್ಲಿ 10 ಸ್ಪರ್ಧಿಗಳು ಇದ್ದಾರೆ. ಇವರಲ್ಲಿ ಐವರು ಮಾತ್ರ ಫೈನಲ್ಗೆ ಹೋಗುತ್ತಾರೆ. ಉಳಿದ ಐವರು ಹೊರ ಹೋಗುತ್ತಾರೆ. 12ನೇ ವಾರದಲ್ಲಿ ಐವರು ನಾಮಿನೇಟ್ ಆಗಿದ್ದಾರೆ. ಯಶ್ಮಿ, ಪೃಥ್ವಿ, ನಿಖಿಲ್, ಪ್ರೇರಣ, ನಬೀಲ್ ನಾಮಿನೇಷನ್ನಲ್ಲಿ ಇದ್ದಾರೆ ಎಂದು ಬಿಗ್ ಬಾಸ್ ಘೋಷಿಸಿದ್ದಾರೆ.ಯಶ್ಮಿ ಹೊರಹೋಗಿದ್ದಾರೆ ಎಂದು ನಾಗಾರ್ಜುನ ಘೋಷಿಸಿದ್ದಾರೆ ಎಂಬ ಮಾಹಿತಿ ಇದೆ.
ಧಾರಾವಾಹಿಗೆ ಯಶ್ಮಿ ದಿನಕ್ಕೆ ರೂ.15 ಸಾವಿರ ಸಂಭಾವನೆ ಪಡೆಯುತ್ತಿದ್ದಾರಂತೆ. ತಿಂಗಳಲ್ಲಿ ಹತ್ತು ದಿನಗಳಿಗೂ ಹೆಚ್ಚು ಅವರಿಗೆ ಕೆಲಸ ಇರುತ್ತದೆ ಎಂಬ ಸೂಚನೆಗಳಿವೆ. ಬಿಗ್ ಬಾಸ್ ಆಯೋಜಕರ ಜೊತೆ ವಾರಕ್ಕೆ ರೂ.2 ಲಕ್ಷ ಒಪ್ಪಂದದ ಮೇರೆಗೆ ಮನೆಗೆ ಕಾಲಿಟ್ಟಿದ್ದಾರಂತೆ. ಆ ಲೆಕ್ಕದಲ್ಲಿ 12 ವಾರಗಳಿಗೆ ಯಶ್ಮಿ ರೂ.24 ಲಕ್ಷ ಗಳಿಸಿದ್ದಾರೆ. ಅಂದರೆ ಧಾರಾವಾಹಿಯಿಂದ ಒಂದು ವರ್ಷಕ್ಕೆ ಗಳಿಸುವ ಮೊತ್ತವನ್ನು ಬಿಗ್ ಬಾಸ್ ಶೋನಿಂದ ಗಳಿಸಿದ್ದಾರೆ ಎನ್ನುತ್ತಾರೆ.
