newsics.com
ನವದೆಹಲಿ: ಹವಾಮಾನ ವೈಪರೀತ್ಯದ ಭಾಗವಾಗಿ ಇದೇ ಮೊದಲು ಅಟ್ಲಾಂಟಿಕ್ ಸಾಗರದಲ್ಲಿ ಒಂದೇ ಬಾರಿ ಮೂರು ಚಂಡಮಾರುತಗಳು ಸೃಷ್ಟಿಯಾಗಿದ್ದು, ಅಮೆರಿಕ ಮತ್ತು ಕೆರಿಬಿಯನ್ ಕಡಲ ತೀರಕ್ಕೆ ಅಪ್ಪಳಿಸುವ ಸಾಧ್ಯತೆಯಿದೆ.
ಈ ವರ್ಷದ ಚಂಡಮಾರುತಗಳ ಪೈಕಿ ಅತ್ಯಂತ ಪ್ರಬಲ ಎನ್ನಲಾಗಿರುವ ಮಿಲ್ಟನ್, ಕಿರ್ಕ್ ಮತ್ತು ಲೆಸ್ಲಿ ಚಂಡಮಾರುತಗಳು ಅಟ್ಲಾಂಟಿಕ್ ಸಾಗರದಲ್ಲಿ ಸೃಷ್ಟಿಯಾಗಿವೆ.
ರಾಷ್ಟ್ರೀಯ ಚಂಡಮಾರುತ ಕೇಂದ್ರವು (NHC) ಈ ಅಭೂತಪೂರ್ವ ಚಂಡಮಾರುತಗಳ ಸೃಷ್ಟಿಯನ್ನು ದೃಢಪಡಿಸಿದೆ.
ಈ ಚಂಡಮಾರುತಗಳು ಭಾರೀ ಹಾನಿ ಮಾಡುವ ಸಾಧ್ಯತೆಯಿದೆ ಎಂದು NHC ತಿಳಿಸಿದೆ. ಈ ಮೂರೂ ಚಂಡಮಾರುತಗಳು ಅಕ್ಟೋಬರ್ನಲ್ಲಿ ಕ್ಷೀಣಿಸುವ ಸಾಧ್ಯತೆಯಿದೆ. ಮಿಲ್ಟನ್ ಚಂಡುಮಾರುತಗಳು ಗಂಟೆಗೆ 120 ಕಿ.ಮೀ. ವೇಗದಲ್ಲಿ ಗರಿಷ್ಠ ಚಲಿಸಲಿವೆ. ಮಿಲ್ಟನ್ ಚಂಡಮಾರುತ ಉತ್ತರದ ಕಡೆ ಚಲಿಸುತ್ತಿದ್ದು, ದೊಡ್ಡ ಪ್ರಮಾಣದ ಹಾನಿ ಮಾಡದೇ ಇದ್ದರೂ ಕರಾವಳಿ ತೀರದಲ್ಲಿ ಹೆಚ್ಚು ಪ್ರಭಾವ ಬೀರುವ ಸಾಧ್ಯತೆಯಿದೆ.
ಕಿರ್ಕ್ ಚಂಡಮಾರುತ ಕರಾವಳಿಗೆ ಅಪ್ಪಳಿಸದೆ ಅಟ್ಲಾಂಟಿಕ್ ಸಾಗರದಲ್ಲೇ ಅಂತ್ಯಗೊಳ್ಳುವ ಸಂಭವವಿದೆ. ಲೆಸ್ಲಿ ಚಂಡಮಾರುತ ಬಹಮಾಸ್ ಬಳಿ ರೂಪಗೊಂಡಿದ್ದು, ಅಮೆರಿಕದ ಫ್ಲೋರಿಡಾ ಮತ್ತು ಅಗ್ನೇಯ ಅಮೆರಿಕದ ನಡುವೆ ಅಪ್ಪಳಿಸುವ ಸಾಧ್ಯತೆ ಇದೆ. ಈ ಚಂಡಮಾರುತದ ಅಬ್ಬರದಿಂದ ಭೂಕುಸಿತಗಳು ಸಂಭವಿಸುವ ಸಾಧ್ಯತೆಗಳೂ ಇವೆ ಎಂದು NHC ವರದಿ ತಿಳಿಸಿದೆ.
ಊಟಿಯ ಪ್ರಕೃತಿ ಮಡಿಲಲ್ಲಿ ಕೋಟಿ ಕೋಟಿ ಬೆಲೆಯ ಆಸ್ತಿ ಖರೀದಿಸಿದ ಮೆಗಾಸ್ಟಾರ್ ಚಿರು
ಕಟ್ಟು ಮಸ್ತಾದ ದೇಹ ಪ್ರದರ್ಶಿಸಿದ ಸ್ಯಾಂಡಲ್ವುಡ್ ಪೈಲ್ವಾನ್! ಬಿಗ್ ಸರ್ಪ್ರೈಸ್ ಕೊಟ್ಟ ಸ್ಯಾಂಡಲ್ವುಡ್ ಬಾದ್ ಷಾ
