newsics.com
ಲಂಡನ್: ವಿಮಾನದಲ್ಲಿ ಲೈಂಗಿಕ ಚಟುವಟಿಕೆಯಲ್ಲಿ ತೊಡಗಿದ್ದ ವೇಳೆ ಸಿಕ್ಕಿಬಿದ್ದ ಜೋಡಿಗೆ ಬ್ರಿಟನ್ನಿನ ಬ್ರಿಸ್ಟಲ್ ಮ್ಯಾಜಿಸ್ಟ್ರೇಟ್ ಕೋರ್ಟ್ ಶಿಕ್ಷೆ ವಿಧಿಸಿದೆ.
ಬ್ರಾಡ್ಲಿ ಸ್ಮಿತ್ ಮತ್ತು ಆಂಟೋನಿಯಾ ಸುಲ್ಲಿವಾನ್ ಇಬ್ಬರೂ ಪ್ರಯಾಣಿಕರಿದ್ದ ವಿಮಾನದಲ್ಲಿ ಟೇಕಾಫ್ ಆಗುತ್ತಿದ್ದಂತೆ ಸೆಕ್ಸ್ ಮಾಡೋಕೆ ಶುರು ಹಚ್ಕೊಂಡಿದ್ದರು. ಈ ವೇಳೆ ರೆಡ್ಹ್ಯಾಂಡಾಗಿ ಸಿಕ್ಕಿಬಿದ್ದಿದ್ದರು. ಇದರಿಂದ ವಿಮಾನವನ್ನು ಕೆಳಗಿಳಿಸಿ ಅವರಿಬ್ಬರನ್ನು ಹೊರದಬ್ಬಲಾಗಿತ್ತು, ಏರ್ಪೋರ್ಟ್ ಪೊಲೀಸರು ಇಬ್ಬರನ್ನು ಬಂಧಿಸಿದ್ದರು.ಈ ವಿಷಯವನ್ನು ಪ್ರಾಸಿಕ್ಯೂಟರ್ ಮೇರಿ ಡಾಯ್ಲ್ ಬ್ರಿಸ್ಟಲ್ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯದ ಗಮನಕ್ಕೆ ತಂದರು.ನ್ಯಾಯಾಲದಲ್ಲಿ ನಡೆದ ವಿಚಾರಣೆ ವೇಳೆ ಬ್ರಾಡ್ಲಿ, ಆಂಟೋನಿಯಾ ಜೋಡಿ ಲೈಂಗಿಕ ಕ್ರಿಯೆ ನಡೆಸಿದ್ದಾಗಿ ತಪ್ಪೊಪ್ಪಿಕೊಂಡಿದ್ದರು. ಬಳಿಕ ಕೋರ್ಟ್ ಮೂವರು ಸಾಕ್ಷಿಗಳಿಗೆ ತಲಾ 100 ಪೌಂಡ್ (ಅಂದಾಜು 11,000 ರೂ.) ಪರಿಹಾರ ನೀಡುವಂತೆ ಸೂಚಿಸಿತು. ಜೊತೆಗೆ ಬ್ರಾಡ್ಲಿಗೆ 300 ಗಂಟೆ ಕಮ್ಯೂನಿಟಿ ವರ್ಕ್ ಮತ್ತು ಆಂಟೋನಿಯಾಗೆ 270 ಗಂಟೆಗಳ ಕಾಲ ಸಮುದಾಯ ಕೆಲಸ ಪೂರ್ಣಗೊಳಿಸುವಂತೆ ಕೋರ್ಟ್ ಆದೇಶ ನೀಡಿತು.
