newsics.com
ಬೆಂಗಳೂರು: ತೆಲಂಗಾಣ ಕೇಡರ್ನ ಐಎಎಸ್ ಅಧಿಕಾರಿ ಸ್ಮಿತಾ ಸಬರ್ವಾಲ್ ಕೇವಲ 22 ನೇ ವಯಸ್ಸಿನಲ್ಲಿ 4 ನೇ ರ್ಯಾಂಕ್ ನೊಂದಿಗೆ ಯುಪಿಎಸ್ಸಿಯಲ್ಲಿ ಉತ್ತೀರ್ಣರಾಗಿದ್ದು, ಸ್ಮಿತಾ 2000ರ ಬ್ಯಾಚ್ ನ ಐಎಎಸ್ ಅಧಿಕಾರಿಯಾಗಿದ್ದಾರೆ.
.22ನೇ ವಯಸ್ಸಿಗೆ ಯುಪಿಎಸ್ಸಿ ಪಾಸ್ ಮಾಡಿರುವ ಭಾರತದ ಕಿರಿಯ ಐಎಎಸ್ ಅಧಿಕಾರಿ ಸ್ಮಿತಾ ಸಬರ್ವಾಲ್ ಸ್ಮಿತಾ ರವರ ತಂದೆ ನಿವೃತ್ತ ಸೇನಾ ಕರ್ನಲ್. ಸ್ಮಿತಾ ತನ್ನ ಮೊದಲ ಪ್ರಯತ್ನದಲ್ಲಿ IAS ಪರೀಕ್ಷೆಯಲ್ಲಿ ತೇರ್ಗಡೆಯಾಗದಿದ್ದರೂ, 2000 ರಲ್ಲಿ ತನ್ನ ಎರಡನೇ ಪ್ರಯತ್ನದಲ್ಲಿ ಯುಪಿಎಸ್ಸಿ ಬೇಧಿಸಿ ಐಎಎಸ್ ಅಧಿಕಾರಿಯಾದರು.
ಐಎಎಸ್ ಅಧಿಕಾರಿ ಸ್ಮಿತಾ ಹುಟ್ಟಿದ್ದು ಪಶ್ಚಿಮ ಬಂಗಾಳದ ಡಾರ್ಜಿಲಿಂಗ್ನಲ್ಲಿ. ಇನ್ನು ಸಬರ್ವಾಲ್ ಅವರು ಹೈದರಾಬಾದ್ ನ ಮರ್ರೆಡ್ ಪಲ್ಲಿಯ ಸೇಂಟ್ ಆನ್ಸ್ ನಲ್ಲಿ ಶಾಲಾ ಶಿಕ್ಷಣ ಪಡೆದಿದ್ದು, ಸೇಂಟ್ ಫ್ರಾನ್ಸಿಸ್ ಮಹಿಳಾ ಪದವಿ ಕಾಲೇಜಿನಲ್ಲಿ ಬಿ.ಕಾಂ ಪದವಿ ಪಡೆದಿದ್ದಾರೆ. ಬಳಿಕ 23 ನೇ ವಯಸ್ಸಿಗೆ, ಸ್ಮಿತಾ ಅಸಾಧಾರಣ ಯಶಸ್ಸನ್ನು ಗುರುತಿಸುವ ಮೂಲಕ ಕಿರಿಯ IAS ಅಧಿಕಾರಿಗಳಲ್ಲಿ ಒಬ್ಬರಾಗಿ ಗುರುತಿಸಿಕೊಂಡಿದ್ದಾರೆ.
ಐಎಎಸ್ ಆಗಿರುವ ಸ್ಮಿತಾ ತಮ್ಮ ಕೆಲಸಗಳಿಂದ ಸಾಕಷ್ಟು ಪ್ರಸಿದ್ಧಿ ಪಡೆದಿದ್ದಾರೆ. ಜನ ಅವರನ್ನು ‘ಜನಾಧಿಕಾರಿ’ಎಂದೇ ಕರೆಯುತ್ತಾರೆ.
ಇನ್ನು ತೆಲಂಗಾಣ ಮುಖ್ಯಮಂತ್ರಿ ಕಚೇರಿಗೆ ನೇಮಕಗೊಂಡ ಮೊದಲ ಮಹಿಳಾ ಐಎಎಸ್ ಎಂಬ ಹೆಗ್ಗಳಿಕೆಗೆ ಸ್ಮಿತಾ ಪಾತ್ರರಾಗಿದ್ದಾರೆ.
