newsics.com
ಇತ್ತೀಚೆಗೆ ಒಂದು ಹೊಸ ಟ್ರೆಂಡ್ ಶುರುವಾಗಿದ್ದು, ಪ್ರಸ್ತದ ಕೋಣೆಗೆ ಹೋಗುವ ಮೊದಲು ಊಟ ಮಾಡಿದ ನವಜೋಡಿಗಳಿಗೆ ಪಾನ್ ನೀಡಲಾಗುತ್ತದೆ. ಇದರಿಂದ ಮಿಲನೋತ್ಸವದ ಘಳಿಗೆ ದೀರ್ಘವಾಗುತ್ತದೆ ಎನ್ನುವ ನಂಬಿಕೆಗಳು ಇವೆ.
ಪಲ್ಲಂಗ್ ಥೋಡ್ ಪಾನ್ ರೀತಿಯ ಹಲವು ಬಗೆಯ ಪಾನ್ಗಳು ಸದ್ಯ ಎಲ್ಲೆಡೆ ಸಿಗುತ್ತವೆ. ಅವುಗಳ ಬೆಲೆ ಅಬ್ಬಬ್ಬಾ ಅಂದ್ರೆ ನೂರರಿಂದ ನೂರೈವತ್ತು ರೂಪಾಯಿ ಇರಬಹುದು. ಆದ್ರೆ ಮುಂಬೈನಲ್ಲಿ MBA ಪದವೀಧರ ಮಾಡಿ ಕೊಡುವ ಪಾನ್ ಇದೆಯಲ್ಲಾ ಅದರ ಗತ್ತೇ ಬೇರೆ ಬಿಡಿ.
ಸದ್ಯ ಮುಂಬೈನಲ್ಲಿ ಈ ಗಡ್ಡಿ ಪಾನ್ ಅಥವಾ ಪ್ರೇಮ ಪರಿಮಳದ ಪಾನ್ ಒಂದು ಹವಾ ಸೃಷ್ಟಿಸಿದೆ. ದುಬಾರಿಯಾದರೂ ಅದು ನೀಡುವ ಮುದ, ಅಮಲು, ಘಮಲು ಎಲ್ಲಕ್ಕೂ ಜನರು ಫಿದಾ ಆಗಿದ್ದಾರೆ.
ಮುಂಬೈನ ನೌಶಾದ್ ಶೇಕ್ ಎಂಬ MBA ಪದವೀಧರ ನೈಸರ್ಗಿಕ ಗಿಡಮೂಲಿಕೆ ಹಾಗೂ ಪದಾರ್ಥಗಳನ್ನು ಬಳಸಿ ಒಂದು ಪಾನ್ ರೆಡಿ ಮಾಡುತ್ತಾರೆ.
ಈ ಪಾನ್ ವಿಶೇಷವಾಗಿ ತಯಾರಾಗುವುದೇ ನವ ವಧು-ವರರಿಗಾಗಿ. ಅವರ ಮೊದಲ ರಾತ್ರಿಗಾಗಿಯೇ ಎಂದು ತಯಾರಾಗುವ ಈ ಪಾನ್ ಬೆಲೆ ಬರೋಬ್ಬರಿ 1 ಲಕ್ಷ ರೂಪಾಯಿ.
ಅಶ್ವಗಂಧ ಹಾಗೂ ಇನ್ನಿತರ ಗಿಡಮೂಲಿಕೆಗಳ ಪುಡಿಯನ್ನು ಈ ಪಾನ್ಗೆ ಬಳಸಲಾಗುತ್ತದೆ. ಈ ಪಾನ್ಗೆ ಗಡ್ಡಿ ಪಾನ್ ಎಂದು ಕರೆಯುತ್ತಾರೆ. ಇದನ್ನು ನೀಡುವ ಐಷಾರಾಮಿ ರೀತಿಯಿಂದಾಗಿ ಅದನ್ನು ಪ್ರೀತಿಯ ಪರಿಮಳದ ಪಾನ್ ಎಂದೇ ಹೆಸರುವಾಸಿ.
ಈ ಒಂದು ಲಕ್ಷ ರೂಪಾಯಿ ಬೆಲೆಯ ಪಾನ್ ಬೇಕೆಂದರೆ ನೀವು ನಾಲ್ಕು ದಿನಗಳ ಮುಂಚೆಯೇ ಹೇಳಬೇಕು ಹಾಗೂ ಅಡ್ವಾನ್ಸ್ ಕೊಟ್ಟು ಬುಕ್ ಮಾಡಿಸಬೇಕು. ಭಾರತದ ಯಾವುದೇ ಮೂಲೆಯಲ್ಲಿದ್ದವರೂ ಕೂಡ ಆರ್ಡರ್ ನೀಡಿ ತರಿಸಿಕೊಳ್ಳಬಹುದು.
ಮದುವೆ ಸೀಜನ್ನಲ್ಲಿ ಈ ದುಬಾರಿ ಪಾನ್ಗೆ ಬಲು ಬೇಡಿಕೆ ಇರುತ್ತದೆ ಎಂದು ನೌಶಾದ್ ಹೇಳುತ್ತಾರೆ. ಆದ್ರೆ ಮದ್ಯಮ ಹಾಗೂ ಸಾಮಾನ್ಯ ವರ್ಗದವರು ಇಂತಹದೊಂದು ಪಾನ್ ಇದೆ ಎಂದು ಕೇಳಿ ಅಚ್ಚರಿಯ ಜತೆಗೆ ಖುಷಿಪಡಬಹುದಷ್ಟೇ ಏಕೆಂದರೆ ಈ ಪಾನ್ ಜನಸಾಮಾನ್ಯರ ಕೈಗೆ ಎಟಕುವಂಥದ್ದಲ್ಲ.
