newsics.com
2004 ರ ಆ್ಯಕ್ಶನ್ ಥ್ರಿಲ್ಲರ್ ಧೂಮ್ ಚಿತ್ರ ಬಾಲಿವುಡ್ನ ಭವಿಷ್ಯವನ್ನೇ ಬದಲಾಯಿಸಿಬಿಟ್ಟಿತು. ಅಷ್ಟೇಅಲ್ಲ, ಎಲ್ಲರ ಬಾಯಲ್ಲೂ ಧೂಮ್ ಚಿತ್ರದ ಹಾಡುಗಳು ಗುನುಗುಡಲಾರಂಭಿಸಿದವು ನಂತರ ಬಂದ ಧೂಮ್ 2, ಹೃತಿಕ್ ಹಾಗೂ ಐಶ್ ಜೋಡಿಯ ಮೂಲಕ ಚಿತ್ರರಸಿಕರ ಮನಸೂರೆಗೊಂಡಿತು. ಇದ್ರೊಂದಿಗೆ ಹೃತಿಕ್ ಹಾಗೂ ಐಶ್ ನೃತ್ಯ, ಸಾಹಸ ದೃಶ್ಯಗಳು ಸಿನಿ ರಸಿಕರನ್ನು ಯಾವುದೋ ಲೋಕಕ್ಕೆ ಕರೆದೊಯ್ದಿತು. ಈ ಚಿತ್ರದಿಂದಲೇ ಇನ್ನಷ್ಟು ಖ್ಯಾತಿಗಳಿಸಿದ ಐಶ್ ಹಾಗೂ ಹೃತಿಕ್ ಜೋಡಿ ಇನ್ನಷ್ಟು ಫ್ಯಾನ್ ಫಾಲೋವರ್ಗಳನ್ನು ಗಳಿಸಿತು. ಅದರಲ್ಲೂ ಹೃತಿಕ್ ಹಾಗೂ ಐಶ್ ನಡುವಿನ ಲಿಪ್ಲಾಕ್ ದೃಶ್ಯ ಪಡ್ಡೆಹುಡುಗರ ನಿದ್ದೆಕೆಡಿಸಿದ್ದಂತೂ ಸುಳ್ಳಲ್ಲ.
ಮೊದ ಮೊದಲು ಚುಂಬನ ಹಾಗೂ ಹಸಿಬಿಸಿ ದೃಶ್ಯಗಳು, ಮೈಕಾಣಿಸುವಂತಹ ದೃಶ್ಯಗಳಲ್ಲಿ ನಟಿಸುವುದಿಲ್ಲವೆಂದು ಹೇಳಿದ್ದ ಐಶ್ ನಂತರ ಮುಜುಗರವಿಲ್ಲದೆ ಚುಂಬನದ ದೃಶ್ಯಗಳಲ್ಲಿ ಮೈ ಚಳಿ ಬಿಟ್ಟು ಬೋಲ್ಡ್ ಆಗಿ ನಟಿಸಿದ್ದರು. 2016 ರ ಫಿಲ್ಮ್ಫೇರ್ ಸಂವಾದದಲ್ಲಿ ಚುಂಬನ ಹಾಗೂ ತನಗೆ ಆರಾಮದಾಯಕವಲ್ಲದ ದೃಶ್ಯಗಳಲ್ಲಿ ತಾನು ನಟಿಸಲಾರೆ ಎಂದಿದ್ದ ಐಶ್, ಚುಂಬನ ಆಘಾತಕಾರಿಯಾದುದಲ್ಲ ಎಂದು ನಂತರ ಹೇಳಿಕೆ ನೀಡಿದ್ದರು. ಧೂಮ್ ಚಿತ್ರದಲ್ಲಿ ಪಾತ್ರ ಮಾಡಿದ ಸಂದರ್ಭದಲ್ಲಿ ನಾನು ಸಿನಿಮಾ ರಂಗಕ್ಕೆ ಬಂದು ಹತ್ತು ವರ್ಷಗಳು ಕಳೆದಿತ್ತು ನನ್ನಲ್ಲಿ ಪಕ್ವತೆ ಬಂದಿತ್ತು ಹಾಗೂ ಚುಂಬನದಂತಹ ದೃಶ್ಯಗಳು ಈ ಸಮಯದಲ್ಲಿ ಸಾಮಾನ್ಯವಾಗಿತ್ತು.
2012 ರಲ್ಲಿ, ಡೈಲಿ ಮೇಲ್ಗೆ ನೀಡಿದ ಸಂದರ್ಶನದಲ್ಲಿ, ಐಶ್ವರ್ಯಾ ರೈ ಧೂಮ್ 2 ಚಿತ್ರದ ಬಗ್ಗೆ ಪ್ರಾಮಾಣಿಕ ಅನಿಸಿಕೆಗಳನ್ನು ವ್ಯಕ್ತಪಡಿಸಿದ್ದಾರೆ. ಚುಂಬನ ದೃಶ್ಯದಿಂದ ಅನೇಕ ಕಾನೂನು ನೋಟೀಸ್ಗಳನ್ನು, ಎಚ್ಚರಿಕೆಗಳನ್ನು ಪಡೆದುಕೊಂಡಿದ್ದಾರೆ ಎಂಬುದನ್ನು ತಿಳಿಸಿದ್ದಾರೆ. ಧೂಮ್ 2 ಚಿತ್ರದಲ್ಲಿ ನಾನು ನಿರ್ವಹಿಸಿದ್ದ ಚುಂಬನದ ಪಾತ್ರ ತಮಗೆ ಹೇಗೆ ಅನೇಕ ನೋಟೀಸ್ ಹಾಗೂ ವಾರ್ನಿಂಗ್ಗಳನ್ನು ನೀಡಿತ್ತು ಎಂಬುದನ್ನು ತಿಳಿಸಿದ್ದಾರೆ. ಸಂದರ್ಶನದಲ್ಲಿ ಸ್ವಯಂ ಐಶ್ ಅವರೇ, ತಮಗೆ ಬಂದ ಕಾನೂನು ನೋಟೀಸ್ ಹಾಗೂ ಎಚ್ಚರಿಕೆಯ ಸಂದೇಶಗಳ ಬಗ್ಗೆ ಹಂಚಿಕೊಂಡಿದ್ದಾರೆ.
