newsics.com
ಬೆಂಗಳೂರು: ಇತ್ತೀಚಿನ ದಿನಗಳಲ್ಲಿ ಟ್ಯಾಟೂ ಹಾಕಿಸಿಕೊಳ್ಳುದು ಟ್ರೆಂಡ್ ಆಗಿದೆ. ಈ ರೀತಿ ಟ್ಯಾಟೂ ಹಾಕಿಸಿಕೊಳ್ಳುವುದರ ಕುರಿತು ತಜ್ಞರ ಅಭಿಪ್ರಾಯ ಏನೆಂಬುದನ್ನು ತಿಳಿಯೋಣ ಬನ್ನಿ…
ಲೇಸರ್ ಟ್ರೀಟ್ ಮೆಂಟ್ ಮೂಲಕ ಟ್ಯಾಟೂ ತೆಗೆಯುವ ತಂತ್ರಜ್ಞಾನ ಬಂದಿದೆ, ಆದರೆ ಅದರಿಂದ ಕೂಡ ಸಮಸ್ಯೆ ಉಂಟಾಗುವ ಸಾಧ್ಯತೆ ಇದೆ. ಅದಕ್ಕಾಗಿಯೇ ಟ್ಯಾಟೂ ಹಾಕಿಕೊಳ್ಳದಂತೆ ತಜ್ಞರು ಸಲಹೆ ನೀಡುತ್ತಾರೆ.
ವೃತ್ತಿಪರ ಕೆಲಸದಲ್ಲಿ ಮುಖದ ಮೇಲೆ ಹಚ್ಚೆಗಳಿದ್ದರೆ, ಅದನ್ನು ವಿರೋಧಿಸುತ್ತಾರೆ. ಉದಾಹರಣೆಗೆ ಗಗನಸಖಿಯರು ಟ್ಯಾಟೂಗಳನ್ನು ಹೊಂದಿದ್ದರೆ ಅವರನ್ನು ಆ ಕೆಲಸದಿಂದ ತೆಗೆದು ಹಾಕಲಾಗುತ್ತದೆ. ಆದ್ದರಿಂದ ಅಂತಹ ಅಂಶಗಳನ್ನು ಪರಿಗಣನೆಗೆ ತೆಗೆದುಕೊಂಡು ಮುಖದ ಹಚ್ಚೆ ಹಾಕಿಕೊಳ್ಳಬೇಕೇ ಅಥವಾ ಬೇಡವೇ ಎಂದು ನಿರ್ಧರಿಸುವುದು ಉತ್ತಮ.
ಕೈಗಳು ಮತ್ತು ಬೆರಳುಗಳ ಮೇಲೆ ಹಚ್ಚೆಗಳು ಬೇಗನೆ ಮಸುಕಾಗುತ್ತವೆ. ಅದರ ಮೇಲೆ ಬಿಸಿಲು, ಮಳೆ ಮತ್ತು ಹವಾಮಾನದ ಪ್ರಭಾವ ವಿಪರೀತವಾಗಿರುತ್ತದೆ. ಹಾಗಾಗಿ ವರ್ಷಗಳಲ್ಲಿ ಹೊಳಪು ಕಳೆದುಕೊಳ್ಳುತ್ತವೆ.
ಕುತ್ತಿಗೆಯ ಮೇಲಿನ ಚರ್ಮವು ತುಂಬಾ ಸೂಕ್ಷ್ಮವಾಗಿರುತ್ತದೆ. ಹಚ್ಚೆ ಹಾಕುವ ಸಮಯದಲ್ಲಿ ಅಸಹನೀಯವಾದ ನೋವು ಉಂಟಾಗುತ್ತದೆ. ಹಾಗಾಗಿ ನೆಕ್ ಟ್ಯಾಟೂ ಕೂಡ ಒಳ್ಳೆಯದಲ್ಲ.
ಸಾಮಾನ್ಯವಾಗಿ ತುಟಿಯ ಒಳಭಾಗದಲ್ಲಿ ಯಾರೂ ಹಚ್ಚೆ ಹಾಕಿಸಿಕೊಳ್ಳುವುದಿಲ್ಲ. ಆದರೆ ಕೆಲವರು ಎದ್ದು ಕಾಣಲೆಂದು ಹಚ್ಚೆ ಹಾಕಿಸಿಕೊಳ್ಳುತ್ತಾರೆ. ಆದರೆ ಅಲ್ಲಿನ ಟ್ಯಾಟೂ ಬಹುಬೇಗ ಮರೆಯಾಗುತ್ತದೆ. ಟ್ಯಾಟೂ ಹಾಕಿಸಿಕೊಂಡರೆ ಸೋಂಕು ತಗಲುವ ಸಾಧ್ಯತೆ ಹೆಚ್ಚಾಗಿರುತ್ತದೆ ಎನ್ನಲಾಗಿದೆ.
ಸ್ತನಗಳ ಚರ್ಮವು ಕೆಲವು ವರ್ಷಗಳ ಬಳಿಕ ಬದಲಾಗುತ್ತದೆ. ಇದು ವಯಸ್ಸು ತೂಕ ಮತ್ತು ಗರ್ಭಧಾರಣೆಯಂತಹ ವಿವಿಧ ಅಂಶಗಳನ್ನು ಅವಲಂಬಿಸಿ ಬದಲಾಗುತ್ತದೆ. ಆದ್ದರಿಂದ ಎದೆಯ ಹಚ್ಚೆಗಳು ಎಂದಿಗೂ ಒಂದೇ ಆಗಿರುವುದಿಲ್ಲ.
