newsics.com
ಮುಂಬೈ: ಬಾಹುಬಲಿ ನಟಿ ಅನುಷ್ಕಾ ಶೆಟ್ಟಿ ತುಂಬಾ ಹೊತ್ತು ನಗುತ್ತಿದ್ದಾರೆ ಎಂದರೆ ಅವರು ತೊಂದರೆಯಲ್ಲಿದ್ದಾರೆ ಎಂದೇ ಅರ್ಥ. ಈ ಕುರಿತು ಸ್ವತಃ ಅನುಷ್ಕಾ ಶೆಟ್ಟಿಯೇ ಮಾಹಿತಿ ನೀಡಿದ್ದಾರೆ.
ಅನುಷ್ಕಾ ಶೆಟ್ಟಿ ನಗುವಿನ ಹಿಂದೆ ನೋವಿದೆ. ಕೆಲವೊಮ್ಮೆ ಅವರ ನಗು ಅವರಿಗೇ ನಿಯಂತ್ರಿಸಲಾಗದಷ್ಟು ಯಾತನೆ ನೀಡುತ್ತದೆಯಂತೆ. ಲಾಫಿಂಗ್ ಡಿಸಾರ್ಡರ್ ಅಥವಾ ಸ್ಯೂಡೋಬಲ್ಬಾರ್ ಎಂಬ ತೊಂದರೆ ಇದೆಯಂತೆ.
ನಗು ಅಥವಾ ಅಳು ಆರಂಭವಾದರೆ ಹದಿನೈದು ಇಪ್ಪತ್ತು ನಿಮಿಷ ಕಾಲ ನಿಯಂತ್ರಿಸಲಾಗದೆ ಇರುವುದನ್ನು ಸ್ಯೂಡೋಬಲ್ಬಾರ್ (Pseudobulbar) ತೊಂದರೆ ಎನ್ನುತ್ತಾರೆ. ಇದಕ್ಕೆ ಸರಿಯಾದ ಚಿಕಿತ್ಸೆಯೂ ಇಲ್ಲ.
ಈ ಹಿಂದೆಯೇ ಸಂದರ್ಶನವೊಂದರಲ್ಲಿ ತಮ್ಮ ಲಾಫಿಂಗ್ ಡಿಸಾರ್ಡರ್ ಕುರಿತು ಅನುಷ್ಕಾ ಮಾಹಿತಿ ನೀಡಿದ್ದರು. “ನನಗೆ ನಗುವ ಕಾಯಿಲೆ ಇದೆ. ನಾನು ನಗು ಆರಂಭಿಸಿದರೆ 15ರಿಂದ 20 ನಿಮಿಷ ನಗು ನಿಯಂತ್ರಿಸಲು ಕಷ್ಟವಾಗುತ್ತದೆ. ಇದೇ ಕಾರಣಕ್ಕೆ ಕಾಮಿಡಿ ಸೀನ್ಗಳನ್ನು ನೋಡುವಾಗ ನನಗೆ ತಡೆಯಲಾರದಷ್ಟು ನಗು ಬರುತ್ತದೆ. ಇದೇ ಕಾರಣಕ್ಕೆ ಹಲವು ಬಾರಿ ಕೆಲ ಕಾಲ ಶೂಟಿಂಗ್ ಕೂಡ ಸ್ಥಗಿತಗೊಂಡಿದೆ” ಎಂದು ಹೇಳಿದ್ದಾರೆ.
ಸ್ಯೂಡೋಬಲ್ಬಾರ್ ಎಫೆಕ್ಟ್ ಒಂದು ನರವೈಜ್ಞಾನಿಕ ಸ್ಥಿತಿ. ಆ ವ್ಯಕ್ತಿಯ ಭಾವನಾತ್ಮಕ ಸ್ಥಿತಿಯನ್ನು ನಿಯಂತ್ರಿಸಲಾಗದಂತೆ ಮಾಡುತ್ತದೆ. ನಗು ಅಥವಾ ಅಳು ಬಂದರೆ ತುಂಬಾ ಹೊತ್ತು ನಿಲ್ಲಿಸಲಾಗದು. ಹಠಾತ್ ಆಗಿಯೂ ಈ ಸನ್ನಿವೇಶ ಎದುರಾಗಬಹುದು ಎನ್ನುವುದು ವೈದ್ಯರ ಅಭಿಪ್ರಾಯ.
‘ಸಲಿಂಗ’ ದೌರ್ಜನ್ಯದ ಆರೋಪ ಮಾಡಿ ಆಪ್ತನಿಂದಲೇ ದೂರು:ಅಂದು ಬೆಂಬಲ, ಇಂದು ಸೂರಜ್ ವಿರುದ್ಧ ದೂರು…
