newsics.com
ಸಿಲ್ಕ್ ಸ್ಮಿತಾ 80 ಮತ್ತು 90 ರ ದಶಕದಲ್ಲಿ ಸೆನ್ಸೇಷನ್ ಆಗಿದ್ದರು. ಮೂಲತಃ ತೆಲುಗು ನಟಿಯಾಗಿದ್ದರು. ಅವರು ಆ ಸಮಯದಲ್ಲಿ ಇಡೀ ದಕ್ಷಿಣ ಭಾರತದ ದಕ್ಷಿಣದ ಏಕೈಕ ಐಟಂ ಕ್ವೀನ್ ಆಗಿದ್ದರು.
ಸಿಲ್ಕ್ ಸ್ಮಿತಾ ತಮ್ಮ 18 ವರ್ಷಗಳ ವೃತ್ತಿ ಬದುಕಲ್ಲಿ 450ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ. ಅವರು ತಮ್ಮ 36 ನೇ ವಯಸ್ಸಿನಲ್ಲಿ ಅತ್ಮಹತ್ಯೆಗೆ ಶರಣಾದರು. ತೆಲುಗಿನಿಂದ ಹಿಂದಿಯವರೆಗೆ ಎಲ್ಲಾ ಭಾಷೆಗಳಲ್ಲಿ ಅವರು ತಮ್ಮ ಪ್ರತಿಭೆಯನ್ನು ತೋರಿಸಿದ್ದ ಆಕೆ ಎಲ್ಲಾ ಸ್ಟಾರ್ ಹೀರೋಗಳೊಂದಿಗೆ ನಟಿಸಿದ ಖ್ಯಾತಿ ಹೊಂದಿದ್ದಾರೆ.
ಸಿಲ್ಕ್ ಸ್ಮಿತಾ ನೃತ್ಯಗಾರ್ತಿ ಮಾತ್ರವಲ್ಲ, ನಟಿಯೂ ಹೌದು. ಇಂದಿನ ಪೀಳಿಗೆಗೆ ಸಿಲ್ಕ್ ಸ್ಮಿತಾ ಬಗ್ಗೆ ಹೆಚ್ಚು ತಿಳಿದಿಲ್ಲ. ಆದರೆ, ಅವರನ್ನು ನೋಡಲು ಚಿತ್ರಮಂದಿರಗಳಿಗೆ ಬಂದ ಅನೇಕ ಪ್ರೇಕ್ಷಕರಿದ್ದಾರೆ. ಅವರ ಕ್ರೇಜ್ ಎಷ್ಟಿತ್ತೆಂದರೆ ಒಮ್ಮೆ ಖ್ಯಾತ ನಿರ್ದೇಶಕ ದಾಸರಿ ಅವರು ಸಿಲ್ಕ್ ಸ್ಮಿತಾ ಅವರಿಂದ ತಮ್ಮ ಚಿತ್ರದಲ್ಲಿ ಐಟಂ ಸಾಂಗ್ ಮಾಡಿಸುವುದಿಲ್ಲ ಎಂದು ಹೇಳಿದ್ದಕ್ಕೆ ವಿತರಕರು ಅವರ ಚಿತ್ರವನ್ನೇ ಖರೀದಿಸುವುದಿಲ್ಲ ಎಂದು ಹೇಳಿದ್ದರಂತೆ. ಇಷ್ಟೆಲ್ಲಾ ಕ್ರೇಜ್ ಹೊಂದಿದ್ದ ಅವರ ವೈಯಕ್ತಿಕ ಬದುಕು ಮಾತ್ರ ಅನೇಕ ಏರಿಳಿತಗಳನ್ನು ಕಂಡಿತ್ತು.
ತುಂಬಾ ಕ್ರೇಜ್ ಗಳಿಸಿದ್ದ ಸ್ಮಿತಾ ಅಂತಿಮವಾಗಿ ಏನೂ ಇಲ್ಲದೆ ಅಂತ್ಯವಾದರು. ಕೈಯಲ್ಲಿ ಒಂದು ಪೈಸೆಯೂ ಇಲ್ಲದೆ ಕಡುಬಡತನದಿಂದ ನರಳಿ, ಸಾಲದ ಸುಳಿಯಲ್ಲಿ ಸಿಲುಕಿದ್ದರು. ಈ ಸ್ಥಿತಿಯಲ್ಲಿದ್ದಾಗಲೇ ಅವರು ಅನುಮಾನಾಸ್ಪದ ರೀತಿಯಲ್ಲಿ ಶವವಾಗಿ ಪತ್ತೆಯಾಗಿದ್ದರು. ಆಕೆಯ ಆತ್ಮಹತ್ಯೆಗೆ ಕಾರಣ ಇನ್ನೂ ನಿಗೂಢವಾಗಿದೆ.
ಏತನ್ಮಧ್ಯೆ, ಸಿಲ್ಕ್ ಸ್ಮಿತಾ ಕ್ರೇಜ್ ಆ ಸಮಯದಲ್ಲಿ ಯಾವ ವ್ಯಾಪ್ತಿಯಲ್ಲಿತ್ತು ಎಂಬುದಕ್ಕೆ ಇಲ್ಲೊಂದು ಕಥೆಯಿದೆ. ಆಕೆ ಅರ್ಧ ಕಚ್ಚಿದ ಸೇಬು ಹಣ್ಣನ್ನು ಹರಾಜು ಹಾಕಿದ್ದರು. ಇದನ್ನು ಒಬ್ಬ ವ್ಯಕ್ತಿ 200 ರೂಪಾಯಿಗೆ ಖರೀದಿಸಿದ್ದ ಎಂದು ಪತ್ರಕರ್ತರೊಬ್ಬರು ತಿಳಿಸಿದ್ದಾರೆ. ಆದರೆ ಇದರ ಬಗ್ಗೆ ಖಚಿತ ಮಾಹಿತಿ ಇಲ್ಲ, ಏಕೆಂದರೆ ಕೆಲವರು ಸಿಲ್ಕ್ ಸ್ಮಿತಾ ಕಚ್ಚಿದ್ದ ಸೇಬು 350 ರೂಪಾಯಿಗೆ ಹರಾಜಾಗಿತ್ತು ಎಂದು, ಕೆಲವು ವರದಿಯಲ್ಲಿ 26 ಸಾವಿರಕ್ಕೆ ಹರಾಜಾಗಿತ್ತು ಎಂದು, ಮತ್ತೊಂದು ವರದಿಯಲ್ಲಿ ಒಂದು ಲಕ್ಷ ಎಂದೆಲ್ಲಾ ಇದೆ. ಮೊದಲ ವರದಿಯಂತೆ 200 ರೂಪಾಯಿ ಅಂದರೂ ಸಾಮಾನ್ಯ ಮಾತಲ್ಲ. ಏಕೆಂದರೆ ಒಂದು ರೂ.ಗೆ ಒಂದು ಸೇಬು ಸಿಗುತ್ತಿದ್ದ ಕಾಲದಲ್ಲಿ ಸಿಲ್ಕ್ ಸ್ಮಿತಾ ಕಚ್ಚಿದ್ದ ಆ ಸೇಬನ್ನು ನೂರಾರು ರೂಪಾಯಿ ಖರ್ಚು ಮಾಡಿ ಖರೀದಿಸಿದ್ದ ಎಂದರೆ ಆಕೆ ಕ್ರೇಜ್ ಅಂದು ಎಷ್ಟಿತ್ತು ಎಂಬುದು ತಿಳಿಯುತ್ತದೆ.
