newsics.com/ನ್ಯೂಸಿಕ್ಸ್
ರಿಯಲ್ಸ್ಟಾರ್ ಉಪೇಂದ್ರ ನಿರ್ದೇಶಿಸಿ, ನಟಿಸಿರುವ ಅವರದ್ದೇ ಹೆಸರಿನ ಸಿನಿಮಾ ‘ಉಪೇಂದ್ರ’ ಮರು ಬಿಡುಗಡೆಯಾಗುತ್ತಿದೆ. 1999 ರಲ್ಲಿ ತೆರೆಗೆ ಬಂದ ಸೂಪರ್ ಡ್ಯೂಪರ್ ಹಿಟ್ ಸಿನಿಮಾ ‘ಉಪೇಂದ್ರ’. ಈ ಚಿತ್ರ ಇದೀಗ ರೀ ರಿಲೀಸ್ ಆಗುತ್ತಿದೆ. ‘ಉಪೇಂದ್ರ’ ಚಿತ್ರವನ್ನ ನೋಡಿ ಕೋಟ್ಯಧಿಪತಿ ಆಗುವ ಸದಾವಕಾಶ ಪ್ರೇಕ್ಷಕರಿಗೆ ಇದೆ. ಸಿಂಗಲ್ ಸ್ಕ್ರೀನ್ ಥಿಯೇಟರ್ಗಳಲ್ಲಿ ಮರು ಬಿಡುಗಡೆ ಆಗುತ್ತಿರುವ ‘ಉಪೇಂದ್ರ’ ಚಿತ್ರವನ್ನ ವೀಕ್ಷಿಸಿ 1 ಕೋಟಿ ಗೆಲ್ಲುವ ಬಂಪರ್ ಆಫರ್ ನೀಡಿದ್ದಾರೆ ಪರಮೇಶ್ವರ್.
https://youtube.com/shorts/wvfyhGYwVVw?si=koK0hviI-H0dDOsr
ISH MYRA ಪ್ರೊಡ್ಯೂಸರ್ ಕಂಪನಿ ಅಡಿಯಲ್ಲಿ ಪರಮೇಶ್ವರ್ ಬಿ ಕನ್ನಡ ಸಿನಿ ಪ್ರೇಕ್ಷಕರಿಗೆ ಹೊಸದೊಂದು ಆಫರ್ ಕೊಟ್ಟಿದ್ದಾರೆ. ಅದು ‘ಉಪೇಂದ್ರ’ ಸಿನಿಮಾವನ್ನ ರೀ – ರಿಲೀಸ್ ಮಾಡುವ ಮೂಲಕ. ಹೊಸ ಆಫರ್ನೊಂದಿಗೆ ಪರಮೇಶ್ವರ್ ಥೇಟ್ ‘ಉಪೇಂದ್ರ’ ಅವರಂತೆ ತಲೆಗೆ ಹುಳ ಬಿಟ್ಟಿದ್ದಾರೆ. ‘ಆಸಾಧ್ಯ ಅನ್ನೋದನ್ನ ಸಾಧ್ಯ ಮಾಡ್ತೀವಿ.. ನಂಬಿ’ ಅಂತ ವಿಶ್ವಾಸದಿಂದ ಯೋಜನೆಯನ್ನ ಹಂಚಿಕೊಂಡಿದ್ದಾರೆ ಪರಮೇಶ್ವರ್
ಜೂನ್ 4ರಂದು ‘ಉಪೇಂದ್ರ’ ಚಿತ್ರವನ್ನು ಮರುಬಿಡುಗಡೆ ಮಾಡಲು ವಿತರಕರು ವಿಶೇಷ ಯೋಜನೆ ರೂಪಿಸಿದ್ದಾರೆ. ಈ ಸುದ್ದಿ ಹೊರಬಂದ ಕೂಡಲೇ ಹಾರ್ಡ್ ಕೋರ್ ಉಪ್ಪಿ ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಂತೋಷ ವ್ಯಕ್ತಪಡಿಸಲು ಶುರುಮಾಡಿದ್ದಾರೆ. ಮತ್ತೆ ಉಪೇಂದ್ರ ಸಿನಿಮಾವನ್ನು ದೊಡ್ಡ ಪರದೆ ಮೇಲೆ ನೋಡಲು ಫ್ಯಾನ್ಸ್ ಥ್ರಿಲ್ ಆಗಿದ್ದಾರೆ.
ಈ ರೀ-ರಿಲೀಸ್ ಗೆ ವಿಶೇಷ ಸ್ಪಾನ್ಸರ್ ಆಗಿರುವ ಇಶಾ ಮೈರಾ ಪ್ರೊಡಕ್ಷನ್ ಪ್ರೇಕ್ಷಕರಿಗೆ ದೊಡ್ಡ ಆಫರ್ ನೀಡಿದೆ. ರಿಲೀಸ್ ದಿನ ಸಿನಿಮಾ ನೋಡಿದ ಪ್ರೇಕ್ಷಕರಿಗೆ ವಿತರಕರು ಒಂದು ವಿಶೇಷ ಪ್ರಶ್ನೆಯನ್ನು ಕೇಳಲಿದ್ದಾರೆ. ಆ ಪ್ರಶ್ನೆಗೆ ಸರಿಯಾದ ಉತ್ತರ ನೀಡುವವರಿಗೆ ಮೊದಲ ದಿನದ ಬಾಕ್ಸ್ ಆಫೀಸ್ ಕಲೆಕ್ಷನ್ಗೆ ಸಮನಾದ ಬಹುಮಾನ ನೀಡಲಾಗುತ್ತದೆ.
ಅಷ್ಟೇ ಅಲ್ಲದೆ, ಮರುಬಿಡುಗಡೆಯ 25ನೇ ದಿನ, ಮತ್ತೊಂದು ಪ್ರಶ್ನೆಯನ್ನು ಕೇಳಲಾಗುತ್ತದೆ. ಈ ಬಾರಿ ಸರಿಯಾದ ಉತ್ತರ ನೀಡುವವರಿಗೆ ನೇರವಾಗಿ ಒಂದು ಕೋಟಿ ರೂಪಾಯಿ ಬಹುಮಾನ ನೀಡಲಾಗುವುದು. ಈ ಘೋಷಣೆ ಸಿನಿಮಾ ವಲಯದಲ್ಲೇ ದೊಡ್ಡ ಸಂಚಲನ ಮೂಡಿಸಿದೆ.
https://www.newsics.com/2026/05/12/kerala-cm-election-final-today-will-it-be-venugopal-or-satish/
