newsics.com/ನ್ಯೂಸಿಕ್ಸ್
ಮಹಿಳೆಯರು ರಾತ್ರಿಯ ಸಮಯದಲ್ಲಿ ನೆಮ್ಮದಿಯಾಗಿ ನಿದ್ರಿಸಲು ಯಾರ ಜೊತೆ ಮಲಗಲು ಇಷ್ಟಪಡುತ್ತಾರೆ ಎಂಬ ಪ್ರಶ್ನೆಗೆ ಸಾಮಾನ್ಯವಾಗಿ ಪತಿ ಅಥವಾ ಪ್ರಿಯಕರ ಎಂಬ ಉತ್ತರ ಬರುತ್ತದೆ. ಆದರೆ ಇತ್ತೀಚಿನ ವೈಜ್ಞಾನಿಕ ಸಂಶೋಧನೆಯೊಂದು ಅತ್ಯಂತ ಆಶ್ಚರ್ಯಕರ ಸಂಗತಿಯನ್ನು ಹೊರಹಾಕಿದೆ.
https://youtube.com/shorts/wvfyhGYwVVw?si=koK0hviI-H0dDOsr
ನ್ಯೂಯಾರ್ಕ್ನ ಕನಿಸಿಯಸ್ ವಿಶ್ವವಿದ್ಯಾಲಯ ನಡೆಸಿದ ಅಧ್ಯಯನದ ಪ್ರಕಾರ, ಮಹಿಳೆಯರು ತಮ್ಮ ಮಾನವ ಸಂಗಾತಿಗಿಂತಲೂ ಹೆಚ್ಚಾಗಿ ಸಾಕು ನಾಯಿಗಳ ಜೊತೆ ಮಲಗಿದಾಗ ಹೆಚ್ಚು ಆರಾಮದಾಯಕ ಮತ್ತು ಗಾಢವಾದ ನಿದ್ರೆ ಪಡೆಯುತ್ತಾರ.
ಸಂಶೋಧನೆಯ ಪ್ರಕಾರ, ಮಾನವ ಸಂಗಾತಿಗಳ ಜೊತೆ ಮಲಗಿದಾಗ ಉಂಟಾಗುವ ತೊಂದರೆಗಳಿಗಿಂತ ನಾಯಿಗಳ ಜೊತೆ ಮಲಗಿದಾಗ ಮಹಿಳೆಯರಿಗೆ ಕಡಿಮೆ ಅಡೆತಡೆಗಳು ಉಂಟಾಗುತ್ತವೆ.
ಮಹಿಳೆಯರು ತಮ್ಮ ಸಂಗಾತಿಗಿಂತ ಸಾಕು ನಾಯಿಗಳ ಜೊತೆ ಮಲಗಿದಾಗ ಹೆಚ್ಚು ಸುಖವಾಗಿ ನಿದ್ರಿಸುತ್ತಾರೆ ಎಂದು ಸಂಶೋಧಕರು ಹೇಳಲು ಪ್ರಮುಖ ಕಾರಣಗಳು ಇಲ್ಲಿವೆ:
ಹೆಚ್ಚಿನ ಭದ್ರತಾ ಭಾವ: ರಾತ್ರಿ ಸಮಯದಲ್ಲಿ ಸಾಕು ನಾಯಿ ಪಕ್ಕದಲ್ಲಿದ್ದರೆ, ಯಾವುದೇ ಅಪರಿಚಿತರು ಬಂದರೂ ಅವು ತಕ್ಷಣ ಎಚ್ಚರಿಸುತ್ತವೆ ಎಂಬ ಬಲವಾದ ನಂಬಿಕೆ ಮಹಿಳೆಯರಲ್ಲಿದೆ. ಈ ಸುರಕ್ಷಿತ ಭಾವನೆಯು ಅವರ ಮನಸ್ಸನ್ನು ಶಾಂತಗೊಳಿಸಿ, ಗಾಢ ನಿದ್ರೆಗೆ ಜಾರುವಂತೆ ಮಾಡುತ್ತದೆ.
ಕಿರಿಕಿರಿ ಇಲ್ಲದ ನಿದ್ರೆ: ಪುರುಷರ ಜೊತೆ ಮಲಗಿದಾಗ ಅವರ ಗೊರಕೆ ಅಥವಾ ನಿದ್ದೆಯಲ್ಲಿ ಹೊರಳಾಡುವ ಅಭ್ಯಾಸದಿಂದ ಮಹಿಳೆಯರ ನಿದ್ರೆಗೆ ಭಂಗ ಉಂಟಾಗುವ ಸಾಧ್ಯತೆ ಹೆಚ್ಚು. ಆದರೆ ನಾಯಿಗಳು ಒಮ್ಮೆ ನಿದ್ರೆಗೆ ಜಾರಿದರೆ ಮಾಲೀಕರಿಗೆ ಯಾವುದೇ ತೊಂದರೆ ನೀಡದೆ ಶಾಂತವಾಗಿ ಇರುತ್ತವೆ.
ಶಿಸ್ತುಬದ್ಧ ದಿನಚರಿ: ನಾಯಿಗಳಿಗೆ ಒಂದು ನಿರ್ದಿಷ್ಟ ನಿದ್ರೆಯ ಕ್ರಮವಿರುತ್ತದೆ. ಅವು ಮಾನವ ಮಕ್ಕಳಿಗಿಂತಲೂ ಶಿಸ್ತಿನಿಂದ ಮಲಗುತ್ತವೆ ಎಂದು ಈ ಸಮೀಕ್ಷೆಯಲ್ಲಿ ಭಾಗವಹಿಸಿದ ಮಹಿಳೆಯರು ಅಭಿಪ್ರಾಯಪಟ್ಟಿದ್ದಾರೆ.
ಬೆಕ್ಕುಗಳು ಕೂಡ ಸಾಕುಪ್ರಾಣಿಗಳಾಗಿದ್ದರೂ, ಅವುಗಳು ನಿದ್ರೆಯ ಸಮಯದಲ್ಲಿ ನಾಯಿಗಳಷ್ಟು ಆರಾಮದಾಯಕ ಅನುಭವ ನೀಡುವುದಿಲ್ಲ ಎಂದು ಸಂಶೋಧಕರು ಗಮನಿಸಿದ್ದಾರೆ. ಬೆಕ್ಕುಗಳು ಕೂಡ ಮನುಷ್ಯರಂತೆ ನಿದ್ರೆಗೆ ಅಡ್ಡಿಪಡಿಸುವ ಸಾಧ್ಯತೆ ಇರುತ್ತದೆ, ಆದರೆ ನಾಯಿಗಳು ಮಾಲೀಕರಿಗೆ ಒಂದು ರೀತಿಯ ಸ್ಥಿರವಾದ ಬೆಂಬಲ ನೀಡುತ್ತವೆ.
ಉತ್ತಮ ಗುಣಮಟ್ಟದ ಮತ್ತು ಪ್ರಶಾಂತವಾದ ನಿದ್ರೆಗಾಗಿ ಮಹಿಳೆಯರು ಪುರುಷರು ಅಥವಾ ಬೆಕ್ಕುಗಳಿಗಿಂತಲೂ ನಾಯಿಗಳೇ ಬೆಸ್ಟ್ ಎಂದು ಈ ಅಧ್ಯಯನ ಸ್ಪಷ್ಟಪಡಿಸಿದೆ.
