newsics.com/ನ್ಯೂಸಿಕ್ಸ್
ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿರುವ ಕೆಲವು ‘ಟೆಕ್ ಹ್ಯಾಕ್ಸ್’ ಸಾಮಾನ್ಯ ಬಳಕೆದಾರರನ್ನು ಸಂಪೂರ್ಣವಾಗಿ ದಾರಿ ತಪ್ಪಿಸುತ್ತಿವೆ. ನಿಮ್ಮ ವೈಫೈ ರೂಟರ್ ಮೇಲೆ ನಾಣ್ಯಗಳನ್ನು ಇಟ್ಟರೆ ಇಂಟರ್ನೆಟ್ ವೇಗ ಹೆಚ್ಚಾಗುತ್ತದೆ ಎಂಬ ಸುದ್ದಿ ಸೋಶಿಯಲ್ ಮೀಡಿಯಾದಲ್ಲಿ ಹಲ್ಚಲ್ ಎಬ್ಬಿಸಿದೆ.
https://youtube.com/shorts/gjYZnQ_VPsc?si=qVOf4mHBsp6RN8ZV
ಲಕ್ಷಾಂತರ ಜನರು ಈ ‘ಟೆಕ್ ಹ್ಯಾಕ್’ ಅನ್ನು ನಿಜವೆಂದು ನಂಬಿ ತಮ್ಮ ರೂಟರ್ ಮೇಲೆ ನಾಣ್ಯಗಳ ರಾಶಿ ಹಾಕುತ್ತಿದ್ದಾರೆ. ಆದರೆ, ಟೆಕ್ ತಜ್ಞರು ಈ ಕುರಿತು ಶಾಕಿಂಗ್ ಸತ್ಯವೊಂದನ್ನು ಬಹಿರಂಗಪಡಿಸಿದ್ದಾರೆ. ರೂಟರ್ ಮೇಲೆ ಲೋಹದ ನಾಣ್ಯಗಳನ್ನು ಇಡುವುದರಿಂದ ಇಂಟರ್ನೆಟ್ ಸ್ಪೀಡ್ ಹೆಚ್ಚಾಗುವ ಬದಲು, ಇರುವ ಸಿಗ್ನಲ್ ಕೂಡ ಕಡಿತಗೊಂಡು ಇಂಟರ್ನೆಟ್ ಸಂಪರ್ಕ ಕಡಿತಗೊಳ್ಳಬಹುದು. ಅಷ್ಟೇ ಅಲ್ಲದೆ, ಇದು ರೂಟರ್ ಅತಿಯಾಗಿ ಕಾಯುವಂತೆ ಮಾಡಿ ಅಗ್ನಿ ಅವಘಡಗಳಿಗೂ ಕಾರಣವಾಗಬಹುದು ಎಂದು ತಜ್ಞರು ಎಚ್ಚರಿಸಿದ್ದಾರೆ.
ವೈಫೈ ರೂಟರ್ಗಳು ರೇಡಿಯೋ ತರಂಗಗಳ ಮೂಲಕ ಕಾರ್ಯನಿರ್ವಹಿಸುತ್ತವೆ. ರೂಟರ್ ಮೇಲೆ ಲೋಹದ ನಾಣ್ಯಗಳನ್ನು ಇಡುವುದರಿಂದ ಆಂಟೆನಾದಿಂದ ಬರುವ ಸಿಗ್ನಲ್ಗಳು ಸುಧಾರಿಸುವುದಿಲ್ಲ, ಬದಲಾಗಿ ಇರುವ ಸಿಗ್ನಲ್ ಕೂಡ ವ್ಯತ್ಯಯಕ್ಕೆ ಒಳಗಾಗುತ್ತದೆ. ಲೋಹವು ಸಿಗ್ನಲ್ಗಳನ್ನು ತಡೆಯುತ್ತದೆ ಅಥವಾ ದಿಕ್ಕು ತಪ್ಪಿಸುತ್ತದೆ. ಇದರಿಂದ ಇಂಟರ್ನೆಟ್ ವೇಗ ಹೆಚ್ಚಾಗುವ ಬದಲು, ಕನೆಕ್ಷನ್ ಕಡಿತಗೊಳ್ಳುವುದು ಅಥವಾ ರೇಂಜ್ ಕಡಿಮೆಯಾಗುವಂತಹ ಸಮಸ್ಯೆಗಳು ಎದುರಾಗುತ್ತವೆ. ತಾಂತ್ರಿಕವಾಗಿ ಇದು ಯಾವುದೇ ಹೆಚ್ಚುವರಿ ಪ್ರಯೋಜನವನ್ನು ನೀಡುವುದಿಲ್ಲ, ಬದಲಾಗಿ ಕಾರ್ಯಕ್ಷಮತೆಯನ್ನು ಕುಂದಿಸುತ್ತದೆ.
ನಾಣ್ಯಗಳು ಶಾಖವನ್ನು ಹೀರಿಕೊಳ್ಳುತ್ತವೆ ಎಂದು ಭಾವಿಸುವುದು ಕೂಡ ದೊಡ್ಡ ತಪ್ಪು. ರೂಟರ್ನಿಂದ ಬರುವ ಶಾಖವನ್ನು ನಾಣ್ಯಗಳು ಹೊರಹಾಕುವುದಿಲ್ಲ. ಬದಲಾಗಿ ರೂಟರ್ನ ಹೊರಭಾಗದ ಶಾಖವು ಒಂದೇ ಕಡೆ ಸಂಗ್ರಹವಾಗುವಂತೆ ಮಾಡುತ್ತವೆ. ಇದರಿಂದ ಒಳಗಿರುವ ಸರ್ಕ್ಯೂಟ್ ಬೋರ್ಡ್ ಓವರ್ ಹೀಟ್ ಆಗಿ, ಕಾಲಕ್ರಮೇಣ ರೂಟರ್ ಹಾಳಾಗುವ ಸಾಧ್ಯತೆಯಿದೆ. ಅತ್ಯಂತ ಅಪಾಯಕಾರಿ ವಿಷಯವೆಂದರೆ, ಹೀಗೆ ಉಷ್ಣಾಂಶ ಹೆಚ್ಚಾಗುವುದರಿಂದ ಕೆಲವು ಸಂದರ್ಭಗಳಲ್ಲಿ ಅಗ್ನಿ ಅವಘಡಗಳು ಸಂಭವಿಸುವ ಸಾಧ್ಯತೆಯೂ ಇದೆ.
https://www.newsics.com/2026/05/08/liquor-sales-surge-in-the-state-13-year-record-udis/
