ನಿದ್ರೆಯಿಂದ ಎದ್ದ ತಕ್ಷಣ ಹಾಸಿಗೆಯನ್ನು ನೀಟಾಗಿ ಜೋಡಿಸುವುದು ಶಿಸ್ತಿನ ಲಕ್ಷಣವೆಂದು ನಾವು ಭಾವಿಸುತ್ತೇವೆ.ಆದರೆ, ಪ್ರತಿದಿನ ಎದ್ದ ತಕ್ಷಣ ಬೆಡ್ ಸರಿಪಡಿಸುವುದು ಆರೋಗ್ಯಕ್ಕೆ ಅಷ್ಟು ಒಳ್ಳೆಯದಲ್ಲ ಎಂದು ತಜ್ಞರು ಎಚ್ಚರಿಸುತ್ತಿದ್ದಾರೆ. ಹಾಸಿಗೆಯನ್ನು ಮಡಚುವ ಮೊದಲು ಕನಿಷ್ಠ 30 ನಿಮಿಷ ಕಾಯಬೇಕು ಎಂದು ಅವರು ಸೂಚಿಸುತ್ತಾರೆ.
ನಾವು ನಿದ್ದೆ ಮಾಡುವಾಗ ನಮ್ಮ ದೇಹದಿಂದ ನೈಸರ್ಗಿಕವಾಗಿ ಸ್ವಲ್ಪ ಬೆವರು ಮತ್ತು ಚರ್ಮದ ಕೋಶಗಳು ಹೊರಬರುತ್ತವೆ. ಇವು ಬೆಡ್ಶೀಟ್ ಮತ್ತು ಬ್ಲಾಂಕೆಟ್ಗಳ ಮೇಲೆ ಸಂಗ್ರಹವಾಗುತ್ತವೆ. ಈ ತೇವಾಂಶವು ‘ಡಸ್ಟ್ ಮೈಟ್ಸ್’ ಎಂಬ ಕಣ್ಣಿಗೆ ಕಾಣದ ಸೂಕ್ಷ್ಮಜೀವಿಗಳಿಗೆ ಮುಖ್ಯ ಆಹಾರವಾಗಿದೆ. ನಾವು ಎದ್ದ ತಕ್ಷಣ ಹಾಸಿಗೆಯನ್ನು ಮಡಚಿಟ್ಟರೆ, ಆ ತೇವಾಂಶವು ಒಳಗೆ ಹಾಗೆಯೇ ಉಳಿಯುತ್ತದೆ. ಇದರಿಂದ ಡಸ್ಟ್ ಮೈಟ್ಸ್ ವೇಗವಾಗಿ ವೃದ್ಧಿಯಾಗಿ ನಮ್ಮ ಹಾಸಿಗೆಯನ್ನು ಬ್ಯಾಕ್ಟೀರಿಯಾಗಳ ಕೇಂದ್ರವನ್ನಾಗಿ ಮಾಡುತ್ತವೆ.
ನಾವು ಎದ್ದ ನಂತರ ಹಾಸಿಗೆಯನ್ನು ಮಡಚದೆ ಹಾಗೆಯೇ ಬಿಡುವುದರಿಂದ , ಕೋಣೆಯಲ್ಲಿನ ಗಾಳಿ ಮತ್ತು ಬೆಳಕು ಹಾಸಿಗೆಗೆ ತಗುಲುತ್ತದೆ. ಇದರಿಂದ ಬೆಡ್ಶೀಟ್ನಲ್ಲಿರುವ ತೇವಾಂಶವು ಆರಿಹೋಗುತ್ತದೆ. ಡಸ್ಟ್ ಮೈಟ್ಸ್ಗಳು ಬದುಕಲು ತೇವಾಂಶ ಬೇಕೇಬೇಕು, ಒಣ ಹವಾಮಾನದಲ್ಲಿ ಅವು ಬದುಕಲಾರವು. ಈ ರೀತಿ ಮಾಡುವುದರಿಂದ ಸೀನು, ನೆಗಡಿ ಮತ್ತು ಚರ್ಮದ ಮೇಲಿನ ದದ್ದುಗಳಂತಹ ಅಲರ್ಜಿ ಸಮಸ್ಯೆಗಳು ಕಡಿಮೆಯಾಗುತ್ತವೆ.
*ಬೆಳಗ್ಗೆ ಎದ್ದ ತಕ್ಷಣ ಕೋಣೆಯ ಕಿಟಕಿಗಳನ್ನು ತೆರೆದು ತಾಜಾ ಗಾಳಿ ಒಳಬರುವಂತೆ ಮಾಡಿ.
*ನೀವು ತಯಾರಾದ ನಂತರ ಅಥವಾ ಬ್ರೇಕ್ಫಾಸ್ಟ್ ಮುಗಿಸಿದ ನಂತರ ಹಾಸಿಗೆಯನ್ನು ಜೋಡಿಸುವುದನ್ನು ರೂಢಿಸಿಕೊಳ್ಳಿ.
*ವಾರಕ್ಕೊಮ್ಮೆ ಬೆಡ್ಶೀಟ್ಗಳನ್ನು ಬಿಸಿ ನೀರಿನಲ್ಲಿ ತೊಳೆಯುವುದು ಉತ್ತಮ.
*ನೀಟಾಗಿರುವುದು ಎಷ್ಟು ಮುಖ್ಯವೋ, ಆರೋಗ್ಯವಾಗಿರುವುದು ಅಷ್ಟೇ ಮುಖ್ಯ. ಆದ್ದರಿಂದ ನಾಳೆಯಿಂದ ಎದ್ದ ತಕ್ಷಣ ನಿಮ್ಮ ಹಾಸಿಗೆಗೆ ಸ್ವಲ್ಪ ಗಾಳಿ ಮತ್ತು ಬೆಳಕು ತಗುಲಲು ಬಿಡಿ, ಆಮೇಲೆ ಅದನ್ನು ಅಂದವಾಗಿ ಜೋಡಿಸಿ.
