newsics.com
ವಿಮಾನದಲ್ಲಿ ಮಹಿಳೆ ಎದೆ ಹಾಲುಣಿಸುತ್ತಿದ್ದಳು. ಆದರೆ ಆಕೆ ಎದೆ ಹಾಲುಣಿಸುತ್ತಿದ್ದಿದ್ದು ಮಗುವಿಗೆ ಅಲ್ಲ, ಬೆಕ್ಕಿಗೆ. ಇದನ್ನು ಕಂಡು ಸಹ ಪ್ರಯಾಣಿಕನಿಗೆ ಶಾಕ್ ಆಗಿದ್ದಲ್ಲದೆ ರಂಪಾಟ ಮಾಡಿದ್ದಾನೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ವಿಮಾನ ಪ್ರಯಾಣ ವೇಳೆ ಮಹಿಳೆಯೊಬ್ಬಳು ನೀಟ್ ಆಗಿ ಬಟ್ಟೆಯಲ್ಲಿ ಸುತ್ತಿಕೊಂಡು ಬೆಕ್ಕಿಗೆ ಎದೆ ಹಾಲುಣಿಸುತ್ತಿದ್ದಳು. ಹೊರಗಿನಿಂದ ನೋಡಿದರೆ ಮಗು ಎಂದೇ ಅನಿಸಬೇಕು ಆ ರೀತಿ ಬಟ್ಟೆ ಸುತ್ತಿಕೊಂಡಿದ್ದಳು. ಆದರೆ ವಿಮಾನದ ಸೀಟ್ ನಲ್ಲಿ ಕುಳಿತು ಆಕೆ ಎದೆ ಹಾಲು ಕೊಡುತ್ತಿದ್ದಾಗ ಬಟ್ಟೆ ಸರಿದು ಆಕೆಯ ಮಡಿಲಲ್ಲಿರುವುದು ಬೆಕ್ಕು ಎಂದು ಪಕ್ಕದಲ್ಲೇ ಇದ್ದ ಪುರುಷ ಪ್ರಯಾಣಿಕನ ಅರಿವಿಗೆ ಬಂತು.
ತಕ್ಷಣವೇ ಆತ ವಿಮಾನ ಸಿಬ್ಬಂದಿಗಳನ್ನು ಕರೆದು ಆಕ್ಷೇಪ ವ್ಯಕ್ತಪಡಿಸಿದ್ದಾನೆ. ವಿಮಾನದಲ್ಲಿ ಪ್ರಾಣಿಗಳನ್ನು ಕರೆದುಕೊಂಡು ಹೋಗುವುದು ಬೇರೆ. ಆದರೆ ಇಲ್ಲಿ ಬೆಕ್ಕಿಗೆ ಹಾಲುಣಿಸುವುದನ್ನು ನೋಡಲು ನನಗೆ ಒಂಥರಾ ಎನಿಸುತ್ತಿದೆ.
ತಕ್ಷಣವೇ ಆ ಮಹಿಳೆಯನ್ನು ಇಲ್ಲಿಂದ ತೆರವುಗೊಳಿಸಿ ಇಲ್ಲವೇ ನನ್ನ ಸೀಟು ಬೇರೆ ಕಡೆ ಕೊಡಿ ಎಂದು ರಂಪಾಟ ಮಾಡಿದ್ದಾನೆ. ಆ ಮಹಿಳೆಯೂ ಇದು ಮಗು ಎಂದು ವಾದಿಸುತ್ತಲೇ ಇದ್ದಳು. ಕೊನೆಗೆ ಸಿಬ್ಬಂದಿಗಳು ಆಕೆಯ ಮನವೊಲಿಸಿ ಬಟ್ಟೆ ಸರಿಸಿ ನೋಡಿದಾಗ ಅದು ಬೆಕ್ಕು ಎನ್ನುವುದು ಖಚಿತವಾಗಿದೆ. ಕೊನೆಗೆ ಆಕೆಯನ್ನು ಅಲ್ಲಿಂದ ಎಬ್ಬಿಸಿ ಬೇರೆಡೆಗೆ ಕರೆದೊಯ್ದಿದ್ದಾರೆ.
