newsics.com
ಬೈರುತ್ : ಅಮೆರಿಕ ಮತ್ತು ಇರಾನ್ ನಡುವಿನ ಎರಡು ವಾರಗಳ ಕದನ ವಿರಾಮ ಜಾರಿಗೆ ಬಂದ ಕೆಲವೇ ಗಂಟೆಗಳಲ್ಲಿ, ಇಸ್ರೇಲ್ ಮಿಲಿಟರ್ ಟೀಮ್ ಲೆಬನಾನ್ ಮೇಲೆ ಅತಿದೊಡ್ಡ ದಾಳಿ ನಡೆಸಿದೆ. ಈ ದಾಳಿ ಒಂದೇ ದಿನದಲ್ಲಿ 250ಕ್ಕೂ ಹೆಚ್ಚು ಜನರನ್ನ ಬಲಿ ಪಡೆದುಕೊಂಡಿದೆ. ದಾಳಿಯಲ್ಲಿ 1,100ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ.
ಬೈರುತ್ನ ಬೀದಿಗಳಲ್ಲಿ ಐದು ಬೃಹತ್ ಸ್ಫೋಟಗಳು ಸಂಭವಿಸಿದ್ದು, ಕ್ಷಣದಲ್ಲೇ ದಟ್ಟ ಹೊಗೆ ಆವರಿಸಿದ್ದು,ಇಡೀ ನಗರವನ್ನು ನಡುಗಿಸಿದವು. ಇಸ್ರೇಲಿ ಮಿಲಿಟರಿ ಕೇವಲ 10 ನಿಮಿಷಗಳಲ್ಲಿ ಏಕಕಾಲದಲ್ಲಿ 100 ಕ್ಕೂ ಹೆಚ್ಚು ಸಿಡಿಮದ್ದು ಸಿಡಿಸಿದ್ದು, ಹೆಜ್ಬೊಲ್ಲಾ ಕಮಾಂಡ್ ಕೇಂದ್ರಗಳು ಮತ್ತು ಮಿಲಿಟರಿ ನೆಲೆಗಳು ಮೇಲೆ ಅಟ್ಯಾಕ್ ನಡೆದಿದೆ.
ಈ ದಾಳಿಯಲ್ಲಿ ಬೈರುತ್ನಲ್ಲೇ 91 ಜನರು ಸೇರಿದಂತೆ ಒಟ್ಟು 254 ಜನರು ಸಾವನ್ನಪ್ಪಿದ್ದಾರೆ. ಆರೋಗ್ಯ ಸಚಿವಾಲಯವು 182 ಸಾವುಗಳನ್ನು ದೃಢಪಡಿಸಿದೆ.
